മെസ്സിയർ 2
കുംഭം രാശിയിലെ ഒരു ഗോളീയ താരവ്യൂഹമാണ് മെസ്സിയർ 2 (M2) അഥവാ NGC 7089. ബീറ്റ അക്വാറി നക്ഷത്രത്തിന് അഞ്ച് ഡിഗ്രി വടക്കായാണ് ഇതിന്റെ സ്ഥാനം. അറിയപ്പെടുന്ന ഏറ്റവും വലിയ ഗോളീയ താരവ്യൂഹങ്ങളിലൊന്നായ M2 ജിയോവന്നി ഡൊമെനികോ മരാൾഡി എന്ന ജ്യോതിശാസ്ത്രജ്ഞനാണ് കണ്ടുപിടിച്ചത്
| മെസ്സിയർ 2 | |
|---|---|
 | |
| Observation data (J2000 epoch) | |
| ക്ലാസ്സ് | II[1] |
| നക്ഷത്രരാശി | കുംഭം |
| റൈറ്റ് അസൻഷൻ | 21h 33m 27.02s[2] |
| ഡെക്ലിനേഷൻ | –00° 49′ 23.7″[2] |
| ദൂരം | 33 kly (10 kpc)[3] |
| ദൃശ്യകാന്തിമാനം (V) | +6.3[4] |
| പ്രത്യക്ഷവലുപ്പം (V) | 16′.0 |
| ഭൗതിക സവിശേഷതകൾ | |
| പിണ്ഡം | 1.04×105[5] M☉ |
| ആരം | 87.3 ly[6] |
| ലോഹീയത | –1.65[5] dex |
| കണക്കാക്കപ്പെടുന്ന പ്രായം | 13 Gyr |
| മറ്റ് പേരുകൾ | NGC 7089.[4] |
| ഇതും കാണുക: ഗോളീയ താരവ്യൂഹം | |
നിരീക്ഷണചരിത്രം തിരുത്തുക
1746-ൽ ജിയോവന്നി ഡൊമെനികോ മരാൾഡിയാണ് ഴാക് കസിനിയോടൊപ്പം ഒരു ധൂമകേതുവിന്റെ നിരീക്ഷണങ്ങൾ നടത്തിക്കൊണ്ടിരിക്കെ ഈ താരവ്യൂഹത്തെ ആദ്യമായി നിരീക്ഷിച്ചത്. പിന്നീട് 1760-ൽ ചാൾസ് മെസ്സിയർ ഇതിനെ നിരീക്ഷിക്കുകയും തന്റെ പട്ടികയിൽ രണ്ടാമത്തെ അംഗമായി ചേർക്കുകയും ചെയ്തു. നക്ഷത്രങ്ങളൊന്നുമില്ലാത്ത ഒരു നീഹാരികയാണ് ഇത് എന്നായിരുന്നു അദ്ദേഹം കരുതിയത്. 1783-ൽ വില്യം ഹെർഷലാണ് താരവ്യൂഹത്തിലെ നക്ഷത്രങ്ങളെ ആദ്യമായി വേർതിരിച്ചുകണ്ടത്. വളരെ തെളിഞ്ഞ ആകാശത്തിൽ കഷ്ടിച്ച് നഗ്നനേത്രങ്ങൾ കൊണ്ട് ഈ മെസ്സിയർ വസ്തുവിനെ കാണാനാകും. ബൈനോക്കൂലറുകൾ കൊണ്ട് നക്ഷത്രങ്ങളെ വേർതിരിച്ചുകാണാനാകില്ലെങ്കിലും ചെറിയ ദൂരദർശിനികളുടെ സഹായത്തോടെ ഇത് സാധ്യമാണ്. താരവ്യൂഹത്തിലെ ഏറ്റവും പ്രകാശമേറിയ നക്ഷത്രങ്ങളുടെ ദൃശ്യകാന്തിമാനം 13.1 ആണ്.
സവിശേഷതകൾ തിരുത്തുക
സൗരയൂഥത്തിൽ നിന്ന് ഏതാണ്ട് 37,500 പ്രകാശവർഷം അകലെയാണ് മെസ്സിയർ 2 ന്റെ സ്ഥാനം. 175 പ്രകാശവർഷം വ്യാസമുള്ള ഈ താരവ്യൂഹം ഇന്നറിയപ്പെടുന്ന ഏറ്റവും വലിയ ഗോളീയ താരവ്യൂഹങ്ങളിലൊന്നാണ്. നക്ഷത്രസാന്ദ്രതയേറിയതും ദീർഘവൃത്താകാരവുമായ ഈ താരവ്യൂഹത്തിൽ ഒന്നര ലക്ഷത്തോളം നക്ഷത്രങ്ങളുണ്ട്. ഇവയിൽ 21 എണ്ണം ചരനക്ഷത്രങ്ങളാണെന്ന് തിരിച്ചറിഞ്ഞവയാണ്. 1300 കോടി വർഷം പ്രായമുള്ള M2 ആകാശഗംഗയിലെ ഏറ്റവും പ്രായമേറിയ ഗോളീയ താരവ്യൂഹങ്ങളിലൊന്നാണ്. താരവ്യൂഹത്തിന്റെ സ്പെക്ട്രൽ വർഗ്ഗീകരണം F4 ആണ്.[4]
അവലംബം തിരുത്തുക
- ↑ Shapley, Harlow; Sawyer, Helen B. (1927), "A Classification of Globular Clusters", Harvard College Observatory Bulletin (849): 11–14, Bibcode:1927BHarO.849...11S.
{{citation}}: Unknown parameter|month=ignored (help) - ↑ 2.0 2.1 Goldsbury, Ryan; et al. (2010), "The ACS Survey of Galactic Globular Clusters. X. New Determinations of Centers for 65 Clusters", The Astronomical Journal, 140 (6): 1830–1837, arXiv:1008.2755, Bibcode:2010AJ....140.1830G, doi:10.1088/0004-6256/140/6/1830.
{{citation}}: Unknown parameter|month=ignored (help) - ↑ Hessels, J. W. T.; et al. (2007), "A 1.4 GHz Arecibo Survey for Pulsars in Globular Clusters", The Astrophysical Journal, 670 (1): 363–378, arXiv:0707.1602, Bibcode:2007ApJ...670..363H, doi:10.1086/521780
{{citation}}: Unknown parameter|month=ignored (help) - ↑ 4.0 4.1 4.2 "SIMBAD Astronomical Object Database". Results for NGC 7089. Retrieved 2006-11-15.
- ↑ 5.0 5.1 Boyles, J.; et al. (2011), "Young Radio Pulsars in Galactic Globular Clusters", The Astrophysical Journal, 742 (1): 51, arXiv:1108.4402, Bibcode:2011ApJ...742...51B, doi:10.1088/0004-637X/742/1/51.
{{citation}}: Unknown parameter|month=ignored (help) - ↑ distance × sin( diameter_angle / 2 ) = 87.3 ly. radius
