മുരിക്കഞ്ചേരി കേളു

പതിനാറാം നൂറ്റാണ്ടിൽ ജീവിച്ചിരുന്ന കോലത്തിരി രാജാവിന്റെ പ്രമുഖ പടനായകനായിരുന്ന വ്യക്തിയാണ് മുരിക്കഞ്ചേരി കേളു നായനാർ. കണ്ണൂർ ജില്ലയിലെ മാടായി ആയിരുന്നു ഇദ്ദേഹത്തിന്റെ ആസ്ഥാനം. മാടായിപ്പാറയിലെ കോട്ടകൾ ഇദ്ദേഹത്തിന്റെ അധീനതയിലായിരുന്നു. ഇവിടെ തന്നെയായിരുന്നു ഇദ്ദേഹത്തിന്റെ ആസ്ഥാനവും. ചിറക്കൽ സ്വരൂപവുമായുള്ള വാസ്ക്കോ ഡ ഗാമയുടെ ബന്ധത്തിന് ഏറ്റവും എതിര് നിന്നത് ഇദ്ദേഹമായിരുന്നു. പോർച്ചുഗീസുകാരുമായി നടന്ന ഏറ്റുമുട്ടലിലായിരുന്നു മുരിക്കഞ്ചേരി കേളുവിൻറെ അന്ത്യം. കണ്ണൂരിലെ പയ്യാമ്പലത്ത് ഏഴടി നീളമുള്ള ഒരു കല്ലറയിലാണ് അദ്ദേഹത്തെ അടക്കം ചെയ്തത്. ആറടി നീളമുണ്ടായിരുന്ന കേളു , ഒരടി നീളമുള്ള വാൾ പിടിച്ചു കൈ മുന്നോട്ടു നീട്ടി കിടന്ന അതേ അവസ്ഥയിലാണ് അടക്കം ചെയ്യപ്പെട്ടത് എന്ന് പറയപ്പെടുന്നു. ഈ പുരാതന കല്ലറ ഇപ്പോൾ അറിയപ്പെടാതെ കാടുമൂടി മറഞ്ഞു കിടക്കുകയാണ്

അഭ്രപാളികളിൽ

2011ൽ പുറത്തിറങ്ങിയ ഉറുമി എന്ന സിനിമയിലെ കേന്ദ്ര കഥാപാത്രം ഇദ്ദേഹത്തെ ആധാരമാക്കിയാണ്.

പുറം കണ്ണികൾ

• മുരിക്കഞ്ചേരി കേളുവും മൂന്നു ചരിത്രാന്വേഷകരും