മാരുതി 800

മാരുതി-സുസുകി കമ്പനി ഭാരതത്തിൽ നിർമ്മിക്കുന്ന ഒരു ചെറു നഗരോപയോഗ കാറാണ് മാരുതി 800. 1983-ലാണ് ഈ കാർ ഇന്ത്യൻ നിരത്തുകളിൽ ഓടി തുടങ്ങിയത്. .

800
നിർമ്മാതാവ്	മാരുതി-സുസുകി
മാതൃസ്ഥാപനം	സുസുകി
വിഭാഗം	എ1
രൂപഘടന	ചെറിയകാർ
എൻ‌ജിൻ	796cc/3cyl 37bhp
ഗിയർ മാറ്റം	മാനുവൽ
നീളം	3335മിമീ
വീതി	1440മിമീ
ഉയരം	1405മിമീ
ഭാരം	665 കിലോഗ്രാം
നിറയ്ക്കാവുന്ന ഇന്ധനത്തിന്റെ അളവ്	28 ലിറ്റർ

ചരിത്രം

ജപ്പാനിലെ സുസുക്കി മോട്ടോർസ് കമ്പനിയും ഭാരത സർക്കാരും തമ്മിലുള്ള ഒരു സം‌യുക്ത സം‌രംഭമായാണ് ആദ്യ കാർ ഇറങ്ങിയത്. 1983 ൽ പുറത്തിറങ്ങിയ മാരുതി 800 കാറിൽ ഉണ്ടായിരുന്നത് 796 cc എൻജിൻ ആണ്. ആദ്യകാലങ്ങളിൽ കാറിന്റെ മിക്ക ഭാഗങ്ങളും വികസിത രാജ്യങ്ങളിൽ നിന്നും ഇറക്കുമതി ചെയ്യുകയായിരുന്നു.

മാരുതി 800-ന്റെ അന്ത്യം

പുതുക്കിയ മലിനീകരണ മാനദണ്ഡങ്ങൾക്കനുസരിച്ച് (യൂറോ-4) മാരുതി 800-ന്റെ എഞ്ചിനിൽ പരിഷ്കാരങ്ങൾ വരുത്തുവാൻ കമ്പനി തയ്യറാകാത്തതു മൂലം 2016 - ൽ കമ്പനി ഈ മോഡലിന്റെ വിൽപ്പന അവസാനിപ്പിക്കും. വൻനഗരങ്ങളിൽ ഈ മോഡലിന്റെ വിൽപ്പന പുതുക്കിയ മലിനീകരണ നിയമപ്രകാരം നിലവിൽ നിർത്തലാക്കിയിട്ടുണ്ട്.

പുറത്തേക്കുള്ള കണ്ണികൾ

• മാരുതി 800ന്റെ ഔദ്യോഗിക വെബ് സൈറ്റ്

ഇതും കാണുക

• മാരുതി-സുസുകി