ഭരണഘടനാദിനം (ഇന്ത്യ)
ഇന്ത്യൻ ഭരണഘടന അംഗീകരിച്ചതിന്റെ ഓർമ്മയ്ക്കായി എല്ലാ വർഷവും നവംബർ 26 ഇന്ത്യയിൽ ഭരണഘടനാദിനം ആയി ആഘോഷിക്കുന്നു. ഇത് സംവിധാൻ ദിവസ്, ദേശീയ നിയമദിനം എന്നീ പേരുകളിലും അറിയപ്പെടുന്നു. 1949 നവംബർ 26 ന് ഇന്ത്യൻ ഭരണഘടനാ അസംബ്ലി ഇന്ത്യൻ ഭരണഘടന അംഗീകരിച്ചു, 1950 ജനുവരി 26 മുതൽ ഇത് പ്രാബല്യത്തിൽ വന്നു. [1]
| Constitution Day | |
|---|---|
 Original text of the Preamble of the Indian constitution | |
| ഔദ്യോഗിക നാമം | Samvidhan Divas |
| ഇതരനാമം | National Law Day |
| ആചരിക്കുന്നത് | India |
| പ്രാധാന്യം | India adopted its constitution in 1950 |
| ആഘോഷങ്ങൾ | Constitution-related activities in schools, Run for Equality, Special Parliamentary Session |
| ആരംഭം | 1950 |
| തിയ്യതി | 26 November |
| അടുത്ത തവണ | 26 നവംബർ 2025 |
| ആവൃത്തി | annual |
| First time | 2015 |
| ബന്ധമുള്ളത് | Constitution of India, Republic Day (India) |
ഗസറ്റ് വിജ്ഞാപനത്തിലൂടെ 2015 ൽ ഇന്ത്യാ ഗവൺമെന്റ് നവംബർ 26 നെ ഭരണഘടനാദിനമായി പ്രഖ്യാപിച്ചു. മുംബൈയിലെ ബി ആർ അംബേദ്കറുടെ സ്റ്റാച്യു ഓഫ് ഇക്വാലിറ്റി സ്മാരകത്തിന് തറക്കല്ലിടുന്നതിനിടെയാണ് പ്രധാനമന്ത്രി നരേന്ദ്ര മോദി 2015 ഒക്ടോബർ 11 ന് പ്രഖ്യാപനം നടത്തിയത്. ഭരണഘടനാ അസംബ്ലിയുടെ കരട് സമിതിയുടെ അദ്ധ്യക്ഷനും ഭരണഘടനയുടെ കരട് തയ്യാറാക്കുന്നതിൽ നിർണായക പങ്കുവഹിച്ചതുമായ അംബേദ്കറുടെ 125-ാം ജന്മവാർഷികമായിരുന്നു 2015. [1] മുമ്പ് ഈ ദിനം നിയമദിനമായി ആഘോഷിച്ചിരുന്നു. [2] ഭരണഘടനയുടെ പ്രാധാന്യം പ്രചരിപ്പിക്കാനും അംബേദ്കറുടെ ചിന്തകളും ആശയങ്ങളും പ്രചരിപ്പിക്കാനും നവംബർ 26 തിരഞ്ഞെടുക്കപ്പെട്ടു.
പശ്ചാത്തലം
തിരുത്തുകഇന്ത്യൻ ഭരണഘടനയുടെ പിതാവെന്ന് അറിയപ്പെടുന്ന ബി ആർ അംബേദ്കറുടെ (14 ഏപ്രിൽ 1891 - ഡിസംബർ 6, 1956) 125-ാം ജന്മവാർഷിക വർഷമായതിനാൽ, അതാഘോഷിക്കാൻ സർക്കാർ 2015 മെയ് മാസത്തിൽ തീരുമാനിച്ചു. [3] [4] ഇതിന്, ഇന്ത്യൻ പ്രധാനമന്ത്രിയുടെ അധ്യക്ഷതയിൽ ഒരു പ്രത്യേക സമിതി പ്രഖ്യാപിച്ചു. അംബേദ്കറുടെ ചിന്തകളും ആശയങ്ങളും പ്രചരിപ്പിക്കുന്നതിനായി വിവിധ മന്ത്രാലയങ്ങളും വകുപ്പുകളും വർഷം മുഴുവൻ വിവിധ പരിപാടികൾ നടത്തി. [5] [6] [7][8]
ആഘോഷങ്ങൾ
തിരുത്തുകഭരണഘടനാ ദിനം പൊതു അവധി ദിവസമല്ല. ഇന്ത്യാ ഗവൺമെന്റിന്റെ വിവിധ വകുപ്പുകൾ ഭരണഘടന ദിനം ആഘോഷിക്കുന്നു. ഭരണഘടനയുടെ ആമുഖം എല്ലാ സ്കൂളുകളിലും വായിക്കുന്നു. കൂടാതെ, ഇന്ത്യൻ ഭരണഘടനയുടെ വിഷയത്തിൽ ഓൺലൈനിലും ഓഫ്‌ലൈനിലും ക്വിസ്, ഉപന്യാസ മത്സരങ്ങൾ നടത്തുന്നു, ഭരണഘടനയുടെ സവിശേഷതകളെക്കുറിച്ച് ഒരു പ്രഭാഷണം നടത്തുന്നു. കോളേജുകളിൽ പാർലമെൻറ് സംവാദങ്ങൾ സംഘടിപ്പിക്കാൻ ഉന്നത വിദ്യാഭ്യാസ വകുപ്പ് വിവിധ സർവകലാശാലകളോട് നിർദ്ദേശിച്ചിട്ടുണ്ട്. [8]
2015 നവംബർ 26 ന് ഭരണഘടനാ ദിനമായി ആഘോഷിക്കാൻ വിദേശകാര്യ മന്ത്രാലയം എല്ലാ വിദേശ ഇന്ത്യൻ സ്കൂളുകളെയും നിർദ്ദേശിക്കുകയും ഭരണഘടനയെ ആ രാജ്യത്തിന്റെ പ്രാദേശിക ഭാഷയിലേക്ക് വിവർത്തനം ചെയ്യാനും വിവിധ അക്കാദമികൾ, ലൈബ്രറികൾ, ഇൻഡോളജിയിലെ ഫാക്കൽറ്റികൾ എന്നിവയ്ക്ക് വിതരണം ചെയ്യാനും എംബസികൾക്ക് നിർദ്ദേശം നൽകി. ഇന്ത്യൻ ഭരണഘടന അറബിയിലേക്ക് വിവർത്തനം ചെയ്യുന്നതിനുള്ള പ്രവർത്തനങ്ങൾ പൂർത്തിയാക്കി. [8] [9] കായിക വകുപ്പ് "റൺ ഫോർ ഇക്വാലിറ്റി" എന്ന പേരിൽ പ്രതീകാത്മക റൺ ക്രമീകരിച്ചു. [10] ഭരണഘടനയ്ക്കും അംബേദ്കറിനും ആദരാഞ്ജലി അർപ്പിക്കാൻ 2015 നവംബർ 26 ന് ഇന്ത്യൻ പാർലമെന്റിന്റെ പ്രത്യേക സെഷനും ഉണ്ടായിരുന്നു. പാർലമെന്റ് ഹൗസ് സമുച്ചയം ഈ അവസരത്തിൽ പ്രകാശഭരിതമാക്കി.
ഇതും കാണുക
തിരുത്തുകഅവലംബം
തിരുത്തുക- ↑ 1.0 1.1 "Government of India formally notifies November 26 as Constitution Day". onelawstreet.com. Archived from the original on 20 November 2015. Retrieved 20 November 2015.
- ↑ "Law Day Speech" (PDF). Supreme Court of India. Archived from the original (PDF) on 23 December 2015. Retrieved 20 November 2015.
- ↑ "Government to observe BR Ambedkar's 125th birth anniversary in a big way". IBNLive. 30 May 2015. Archived from the original on 2016-01-25. Retrieved 27 November 2015.
- ↑ "Government to observe Ambedkar's 125th birth anniversary in a big way". The Indian Express. 30 May 2015. Retrieved 27 November 2015.
- ↑ Shishir Sinha. "PM to head panel on Ambedkar's 125th birth anniversary celebrations". Thehindubusinessline.com. Retrieved 27 November 2015.
- ↑ "PM Narendra Modi Lays Foundation Stone of Ambedkar Memorial in Mumbai". Ndtv.com. 11 October 2015. Retrieved 27 November 2015.
- ↑ "PM Narendra Modi to lay foundation stone of Ambedkar memorial today". The Indian Express. 11 October 2015. Retrieved 27 November 2015.
- ↑ 8.0 8.1 8.2 "26th November to be observed as 'Constitution Day'". Pib.nic.in. Retrieved 27 November 2015.
- ↑ "First Arabic translation of Indian constitution launched in Egypt". Firstpost. Retrieved 27 November 2015.
- ↑ "Mass Run Held on Constitution Day". The New Indian Express. Archived from the original on 2015-12-08. Retrieved 27 November 2015.