വിക്കിപീഡിയ

ബ്രേവ് (2012 ചലച്ചിത്രം)

2012 -ൽ പുറത്തിറങ്ങിയ ഒരു അമേരിക്കൻ 3ഡി ആനിമേഷൻ ഫാന്റസി ചിത്രമാണ് ബ്രേവ്. പിക്‌സാർ ആനിമേഷൻ സ്‌റ്റുഡിയോ ഒരുക്കിയ ചിത്രം വിതരണം ചെയ്തത് വാൾട്ട് ഡിസ്‌നി പിക്ചർസ് ആണ്. ബ്രേവ് സംവിധാനം ചെയ്തത് മാർക്ക് ആൻഡ്രൂസും ബ്രെണ്ട ചാപ്മാനുമാണ്. ചാപ്മാന്റെ കഥക്ക് ആൻഡ്രൂസ്, ചാപ്മാൻ, ഐറിൻ മേച്ചി എന്നിവർ ചേർന്ന് തിരക്കഥ എഴുതി. തന്റെ മകളുമായ ബന്ധത്തിൽ നിന്നാണ് ബ്രെണ്ട ചാപ്മാന് കഥക്കുള്ള പ്രചോദനം ലഭിച്ചത്. ബ്രേവ് സംവിധാനം ചെയ്തതോടെ ചാപ്മാൻ പിക്‌സാറിന്റെ ചരിത്രത്തിലെ ആദ്യ വനിതാസംവിധായകയുമായി.[4] ചിത്രത്തിലെ അതിസങ്കീർണമായ രംഗങ്ങൾ ആവിഷ്കരിക്കാൻ പിക്‌സാറിന് 25 വർഷത്തിൽ ആദ്യമായി അവരുടെ ആനിമേഷൻ സംവിധാനം പൂർണമായും തിരുത്തി എഴുതേണ്ടി വന്നു[5][6][7]. ഡോൾബി ആറ്റ്മോസ് ശബ്ദസംവിധാനം ആദ്യമായി ഉപയോഗിച്ച ചിത്രം എന്ന പ്രത്യേകതയും ബ്രേവ് നേടി.

Brave
A girl with long, curly red hair stares at the viewer holding a bow and an arrow. Behind her is the film's title while at the left shows a bear staring at her.
Theatrical release poster
സംവിധാനംMark Andrews
Brenda Chapman
നിർമ്മാണംKatherine Sarafian
കഥBrenda Chapman
തിരക്കഥMark Andrews
Steve Purcell
Brenda Chapman
Irene Mecchi
അഭിനേതാക്കൾKelly Macdonald
Billy Connolly
Emma Thompson
Julie Walters
Robbie Coltrane
Kevin McKidd
Craig Ferguson
സംഗീതംPatrick Doyle
ചിത്രസംയോജനംNicholas C. Smith
സ്റ്റുഡിയോWalt Disney Pictures
Pixar Animation Studios
വിതരണംWalt Disney Studios
Motion Pictures
റിലീസിങ് തീയതി
  • ജൂൺ 10, 2012 (2012-06-10) (SIFF)
  • ജൂൺ 22, 2012 (2012-06-22) (United States)
രാജ്യംUnited States
ഭാഷEnglish
ബജറ്റ്$185 million[1]
സമയദൈർഘ്യം93 minutes[2]
ആകെ$539 million[3]

സ്കോട്ടിഷ് മലമ്പ്രദേശം പശ്ചാത്തലം ആക്കിയ ചിത്രം, കാലങ്ങളായി നിലനിന്നുപോരുന്ന ഒരു ആചാരത്തെ വെല്ലുവിളിക്കുന്ന മെറിഡ എന്ന ഒരു രാജകുമാരിയുടെ കഥ പറയുന്നു. നിർബന്ധപൂർവം വിവാഹത്തിന് പ്രേരിപ്പിക്കുന്ന മാതാപിതാക്കളെ എതിർക്കുന്ന മെറിഡ ഒരു മന്ത്രവാദിനിയുടെ സഹായം തേടുകയും, അത് വഴി അബദ്ധത്തിൽ തന്റെ അമ്മയെ ഒരു കരടിയാക്കി മാറ്റുകയും ചെയ്യുന്നു. ആ ശാപം പൂർണമായും ഫലിക്കുന്നത് അവൾക്ക് തടഞ്ഞേ തീരു. ജൂൺ 10, 2012 -ന് സിയാറ്റിൽ ഫിലിം ഫെസ്റ്റിവലിൽ അവതരിപ്പിച്ച ചിത്രം വടക്കേ അമേരിക്കയിൽ റിലീസ് ചെയ്തത് ജൂൺ 22 -ന് ആണ്. മികച്ച അഭിപ്രായങ്ങളും ബോക്സ് ഓഫീസിൽ വിജയവും ചിത്രം നേടി. മികച്ച ചിത്രത്തിനുള്ള അക്കാദമി, ഗോൾഡൻ ഗ്ലോബ്, ബാഫ്റ്റാ പുരസ്കാരങ്ങളും ബ്രേവ് നേടി.[8]

കഥാഗതി

തിരുത്തുക

ഡൺബ്രോക് എന്ന കുലത്തിൽപെട്ട രാജകുമാരിയായ മെറിഡയ്ക്ക്, അവളുടെ ജന്മദിനത്തിൽ അച്ഛൻ, ഫെർഗസ് രാജാവ് ഒരു അമ്പും വില്ലും സമ്മാനിക്കുന്നു. എന്നാൽ അവളുടെ അമ്മ, എലിനോർ രാജ്ഞിയെ ഇത് ആശ്ചര്യപ്പെടുത്തുന്നു. അല്പസമയത്തിന് ശേഷം, മോർഡു എന്ന് പേരായ ഒരു കരടി അവരെ ആക്രമിക്കുന്നു. എലിനോർ മെറിഡയെയും കൂട്ടി കുതിരപ്പുറത്തു രക്ഷപ്പെടുന്നു. ഫെർഗസ് കരടിയോട് പൊരുതിയോടിക്കുമെങ്കിലും അദ്ദേഹത്തിന്റെ ഇടംകാൽ നഷ്ടമാകുന്നു.

പിൽക്കാലത്ത് കാലത്തിനു ശേഷം ഒരു സ്വതന്ത്ര മനസ്സുള്ള ഒരു യുവതിയായ മെറിഡ, തന്റെ വിവാഹം അച്ഛന്റെ സഖ്യകക്ഷികളിൽ ഒരാളുടെ മകനുമായി നടത്താൻ തീരുമാനിച്ചു എന്ന് അറിയുന്നു. അവൾ എതിർപ്പ് പ്രകടിപ്പിക്കുമ്പോൾ, പിതാവിന്റെ ആഗ്രഹം നിരാകരിച്ച ഒരു രാജകുമാരൻ, തന്റെ രാജ്യത്തിന്റെ നാശത്തിന് കാരണമായ കഥ ഓർമ്മിപ്പിച്ചു, എലിനോർ അവളെ താക്കീത് ചെയ്യുന്നു. 

ആചാരപ്രകാരം ഓരോ കുലത്തിലെയും ആദ്യത്തെ കുട്ടി മാത്രം പങ്കെടുക്കുന്ന മത്സരത്തിലൂടെ ആണ് വരനെ തീരുമാനിക്കുന്നത്. ഡൺബ്രോക് കുലത്തിലെ ആദ്യ കുട്ടി എന്ന നിലയ്ക്ക് മെറിഡ, സ്വയം മത്സരത്തിൽ പങ്കെടുക്കുകയും, മറ്റുള്ളവരെ അമ്പെയ്ത്ത് മത്സരത്തിൽ തോല്പിക്കുകയും ചെയ്തു. ഇത് അമ്മ എലിനൊറുമായി ഒരു തർക്കത്തിന് കാരണമാവുകയും, മെറിഡ അവിടം വിട്ട് പോവുകയും ചെയ്യുന്നു. യാത്രാമധ്യേ, അവൾ ഒരു പ്രായമായ മന്ത്രവാദിനിയെ കണ്ടുമുട്ടുകയും, അവർ ഒരു കേക്ക് നൽകുകയും, അത് അവളുടെ ജീവിതം മാറ്റിമറിക്കുമെന്ന് അറിയിക്കുകയും ചെയ്തു.

കൊട്ടാരത്തിൽ തിരിച്ചെത്തിയ മെറിഡ, കേക്ക് അമ്മയ്ക്ക് നൽകുകയും അവർ ഒരു കരടിയായി മാറുകയും ചെയ്യുന്നു. പകച്ചു പോയ മെറിഡ, എലിനോറിനെയും കൂട്ടി മന്ത്രവാദിനിയെ തേടി അവരുടെ വീട്ടിൽ എത്തിയെങ്കിലും, അവർ ഒരു സന്ദേശം ബാക്കിവെച്ചു കടന്നുകളഞ്ഞിരുന്നു. ദുരഭിമാനത്താൽ മുറിഞ്ഞ ബന്ധം, രണ്ടാമത്തെ സൂര്യോദയത്തിനു മുൻപ് കൂട്ടി ചേർക്കാൻ പറ്റിയില്ലെങ്കിൽ, ശാപം പരിപൂർണമാകും എന്നായിരുന്നു ആ സന്ദേശം. യാത്ര അവർ ഒരു പുരാതന അവശിഷ്ടങ്ങൾ ഉള്ള സ്ഥലത്ത് വച്ച് മോർഡുവിന് മുന്നിൽ പെടുകയും ചെയ്യുന്നു. സമാനമായ ഒരു ശാപം മൂലം കരടിയായി തീർന്ന ഒരു രാജകുമാരനാണ് മോർഡു എന്ന് മെറിഡ തിരിച്ചറിയുന്നു. അമ്മയുമായി നടന്ന വാഗ്വേദത്തിനിടെ കീറിയ ചിത്രത്തിരശ്ശീല തുന്നി ചേർത്താൽ ശാപമോക്ഷം ലഭിക്കുമെന്ന് അവൾ കരുതുന്നു.

കുലങ്ങൾ തമ്മിൽ യുദ്ധത്തിന്റെ വക്കിൽ എത്തിയപ്പോൾ വിവാഹത്തിന് മെറിഡ സമ്മതിക്കുന്നു, എന്നാൽ ഒരു നിബന്ധനയോടെ മാത്രം, ഇഷ്ടമുള്ള ആളെ ഇഷ്ടമുള്ള സമയത്തു വിവാഹം നടത്തണം. ഇതിന് അവർ സമ്മതിക്കുകയും ഒരു ഒത്തുതീർപ്പിൽ എത്തുകയും ചെയ്യുന്നു. കരടിയായി മാറിക്കൊണ്ടിരിക്കുന്ന എലിനോർ പെട്ടെന്ന് ഫെർഗസിനെ ആക്രമിക്കുകയും, എന്നാൽ പെട്ടെന്ന് സ്വബോധം വീണ്ടെടുത്തു കൊട്ടാരംവിട്ടു പോകുകയും ചെയ്യുന്നു. മോർഡു ആണ് ആക്രമിച്ചത് എന്ന് തെറ്റിദ്ധരിച്ച ഫെർഗസ് മറ്റു കുലതലവന്മാരുടെ ഒപ്പം എലിനോറിനെ പിന്തുടരുന്നു, ഇതേ സമയം കീറിയ ചിത്രത്തിരശ്ശീല ശരിയാക്കാൻ ശ്രമിച്ചു കൊണ്ട്, മെറിഡയും അവരുടെ പിന്നാലെ കൂടി. ഫെർഗസ് എലിനോറിനെ പിടികൂടിയെങ്കിലും, പെട്ടെന്ന് യഥാർത്ഥ മോർഡു അവരെ ആക്രമിക്കുകയും, സംഘം വഴിപിരിഞ്ഞു പോകുകയും ചെയ്യുന്നു, തുടർന്ന് അത് മെറിഡയെ ലക്ഷ്യമാക്കുകയും ചെയ്യുന്നു. എന്നാൽ എലിനോർ മോർഡുവിനെ തടയുകയും മൽപിടുത്തതിൽ ഒരു കല്ല് വീണു മോർഡു കൊല്ലപ്പെടുകയും ചെയ്യുന്നു. അത് ശപിക്കപ്പെട്ട രാജകുമാരനു ശാപമോക്ഷം നൽകുന്നു. സൂര്യൻ ഉദിക്കാൻ ആവുമ്പോൾ മെറിഡ തന്റെ തെറ്റുകൾ ഏറ്റുപറഞ്ഞു എലിനോറിനോട് മാപ്പു ചോദിക്കുകയും ചെയ്യുന്നു, അത് അവർക്കു വീണ്ടും മനുഷ്യരൂപം തിരികെകിട്ടാൻ കാരണമാകുന്നു. 

നിരൂപക പ്രതികരണം

തിരുത്തുക

ചിത്രത്തിന് മികച്ച നിരൂപക പ്രശംസ ലഭിച്ചു. നിരൂപണങ്ങൾ ശേഖരിക്കുന്ന വെബ്സൈറ്റ് ആയ റോട്ടൻ ടോമാറ്റോസ് 225 നിരൂപണങ്ങളുടെ അടിസ്ഥാനത്തിൽ 78% ഫ്രഷ് എന്ന റേറ്റിംഗ് നൽകി. മറ്റൊരു വെബ്സൈറ്റ് മെറ്റാക്രിട്ടിക് 69 എന്ന സ്കോർ ആണ് ചിത്രത്തിന് നൽകിയത്. 

അംഗീകാരങ്ങൾ

തിരുത്തുക
Awards
Award Category Winner/Nominee Result
Academy Awards[9] Best Animated Feature Film of the Year Mark Andrews and Brenda Chapman വിജയിച്ചു
Alliance of Women Film Journalists Best Animated Feature
Best Animated Female Kelly Macdonald (Merida)
American Cinema Editors Best Edited Animated Feature Film Nicholas C. Smith, A.C.E.
Annie Awards[10][11] Best Animated Feature നാമനിർദ്ദേശം
Animated Effects Feature Production Bill Watral, Chris Chapman, Dave Hale, Keith Klohn, Michael K. O’Brien
Character Animation Feature Production Dan Nguyen
Jaime Landes
Travis Hathaway
Music in an Animated Feature Production Patrick Doyle, Mark Andrews, Alex Mandel
Production Design in an Animated Feature Production Steve Pilcher വിജയിച്ചു
Voice Acting in an Animated Feature Production Kelly Macdonald as Merida നാമനിർദ്ദേശം
Writing in an Animated Feature Production Brenda Chapman, Irene Mecchi, Mark Andrews and Steve Purcell
Editorial in an Animated Feature Production Nicholas C. Smith, ACE, Robert Graham Jones, ACE, David Suther വിജയിച്ചു
BAFTA Awards[12] Best Animated Film
Chicago Film Critics Association Best Animated Feature നാമനിർദ്ദേശം
Cinema Audio Society Outstanding Achievement in Sound Mixing for Motion Pictures Animated വിജയിച്ചു
Critics' Choice Awards[13] Best Animated Feature നാമനിർദ്ദേശം
Best Song Mumford & Sons and Birdy (for "Learn Me Right")
Golden Globe Awards[14][15] Best Animated Feature Film Mark Andrews and Brenda Chapman വിജയിച്ചു
Grammy Awards[16] Best Song Written for Visual Media Mumford & Sons and Birdy (for "Learn Me Right") നാമനിർദ്ദേശം
Houston Film Critics Society Best Animated Film
Best Original Song "Learn Me Right"
"Touch the Sky"
International Film Music Critics Association Awards Best Original Score for an Animated Feature Patrick Doyle
Kids' Choice Awards[17] Favorite Animated Movie
Online Film Critics Society Best Animated Feature
Phoenix Film Critics Society Best Animated Film
Producers Guild of America Animated Theatrical Motion Picture Katherine Sarafian
San Diego Film Critics Society Best Animated Film
Satellite Awards[18] Motion Picture, Animated or Mixed Media
Original Song "Learn Me Right" – Mumford & Sons and Birdy
Saturn Awards[19] Best Animated Film Mark Andrews and Brenda Chapman
St. Louis Gateway Film Critics Association Best Animated Film
Toronto Film Critics Association Best Animated Feature
Visual Effects Society[20] Outstanding Animation in an Animated Feature Motion Picture Mark Andrews, Brenda Chapman, Steve May, Katherine Sarafian, Bill Wise വിജയിച്ചു
Outstanding Animated Character in an Animated Feature Motion Picture – Merida Kelly Macdonald, Travis Hathaway, Olivier Soares, Peter Sumanaseni, Brian Tindall
Outstanding Created Environment in an Animated Feature Motion Picture – The Forest Tim Best, Steve Pilcher, Inigo Quilez, Andy Whittock
Outstanding FX and Simulation Animation in an Animated Feature Motion Picture Chris Chapman, Dave Hale, Michael K. O'Brien, Bill Watral
Washington D.C. Area Film Critics Association Best Animated Feature നാമനിർദ്ദേശം
Women Film Critics Circle[21] Best Animated Females വിജയിച്ചു

അവലംബം

തിരുത്തുക
  1. ↑ "Brave (2012)". Box Office Mojo. Retrieved ഡിസംബർ 14, 2012.
  2. ↑ McCarthy, Todd (ജൂൺ 10, 2012). "Brave: Film Review". The Hollywood Reporter. Retrieved ജൂൺ 11, 2012.
  3. ↑ "Brave (2012)". Box Office Mojo. Retrieved സെപ്റ്റംബർ 15, 2013.
  4. ↑ "'Brave' director Brenda Chapman breaks silence: Getting taken off film 'heartbreaking... devastating... distressing'". ഓഗസ്റ്റ് 15, 2012. Archived from the original on ജൂലൈ 13, 2013. Retrieved ഏപ്രിൽ 25, 2016.
  5. ↑ Stein, Joel (March 5, 2012). "Pixar's Girl Story" Archived 2012-07-07 at the Wayback Machine.. Time. Retrieved August 1, 2012.
  6. ↑ Cavna, Michael (ജൂൺ 22, 2012). "Pixar's Brave: Director Mark Andrews on the duality of teens, the singularity of his mission — and what a man in a kilt brings to Pixar". The Washington Post. Retrieved മാർച്ച് 28, 2014.
  7. ↑ Williams, Steve (മേയ് 28, 2012). "Why Pixar's 'Brave' Is Different From Any Films They've Created Before". Team Locals. Archived from the original on ഏപ്രിൽ 7, 2014. Retrieved മാർച്ച് 28, 2014.
  8. ↑ Boardman, Madeline (ഫെബ്രുവരി 24, 2013). "Best Animated Film: 'Brave' Wins At 2013 Academy Awards". huffingtonpost.com. Retrieved ഒക്ടോബർ 6, 2013.
  9. ↑ "OSCARS: 85th Academy Award Nominations – Only 9 Best Pictures; 'Lincoln' Leads With 12 Nods, 'Life Of Pi' 11, 'Les Misérables' And 'Silver Linings Playbook' 8, 'Argo' 7, 'Skyfall' And 'Amour' And 'Zero Dark Thirty' And 'Django Unchained' 5". Deadline. ജനുവരി 10, 2012. Retrieved ജനുവരി 10, 2012.
  10. ↑ "Annie Award Nominations Unveiled". Deadline. ഡിസംബർ 3, 2012. Retrieved ഡിസംബർ 3, 2012.
  11. ↑ Beck, Jerry (ഫെബ്രുവരി 2, 2013). "Annie Award Winners". Cartoon Brew. Retrieved ഫെബ്രുവരി 3, 2013.
  12. ↑ Bahr, Lindsey (ഫെബ്രുവരി 10, 2013). "BAFTA winners announced, 'Argo' picks up Best Film and Director awards". Entertainment Weekly. Archived from the original on ഫെബ്രുവരി 12, 2013. Retrieved ഏപ്രിൽ 14, 2013.
  13. ↑ Hammond, Pete (ഡിസംബർ 11, 2012). "'Lincoln', 'Les Miserables', 'Silver Linings' Top List Of Nominees For 18th Annual Critics Choice Movie Awards". Deadline. Retrieved ഡിസംബർ 11, 2012.
  14. ↑ "70th Golden Globe Awards Nominations". Deadline. ഡിസംബർ 13, 2012. Retrieved ഡിസംബർ 13, 2012.
  15. ↑ "Golden Globe Awards 2013 Winners List". MTV News. ജനുവരി 13, 2013. Archived from the original on ജനുവരി 16, 2013. Retrieved ജനുവരി 13, 2013.
  16. ↑ Goodacre, Kate (ഡിസംബർ 6, 2012). "Grammy Awards 2013: The major nominees". Digital Spy. Archived from the original on സെപ്റ്റംബർ 25, 2015. Retrieved ഡിസംബർ 13, 2012.
  17. ↑ Stone, Abbey (മാർച്ച് 23, 2013). "Kid's Choice Awards Winners: Kristen Stewart Beats Jennifer Lawrence and More". Hollywood.com. Retrieved മേയ് 24, 2013.
  18. ↑ Kilday, Gregg (ഡിസംബർ 3, 2012). "Satellite Awards Nominates 10 Films for Best Motion Picture". The Hollywood Reporter. Retrieved ഡിസംബർ 4, 2012.
  19. ↑ Truitt, Brian (ഫെബ്രുവരി 20, 2013). "'The Hobbit' leads Saturn Awards with nine nomination". USA Today.
  20. ↑ "VES Awards: 'Life Of Pi' Wins 4 Including Feature, 'Brave', 'Game Of Thrones' Other Big Winners". Deadline. ഫെബ്രുവരി 5, 2013. Retrieved ഫെബ്രുവരി 7, 2013.
  21. ↑ "CRITICAL WOMEN ON FILM: Women Film Critics Circle Awards 2012". Retrieved ജൂൺ 14, 2016.

ബാഹ്യ കണ്ണികൾ

തിരുത്തുക
 
വിക്കിചൊല്ലുകളിലെ ബ്രേവ് (2012 ചലച്ചിത്രം) എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
 
Brave (2012 film) എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.
"https://ml.wikipedia.org/w/index.php?title=ബ്രേവ്_(2012_ചലച്ചിത്രം)&oldid=4097471" എന്ന താളിൽനിന്ന് ശേഖരിച്ചത്