ബേക്കൽ

കേരളത്തിലെ കാസർഗോഡ് ജില്ലയിലുള്ള പള്ളിക്കര ഗ്രാമപഞ്ചായത്തിലാണ് ബേക്കൽ എന്ന കടലോര പ്രദേശം. കാസർഗോഡ് ജില്ലയിലെ പ്രധാന വിനോദസഞ്ചാര ആകർഷണമാണ് ഈ സ്ഥലം. കാസർഗോഡ് നഗരത്തിൽ നിന്നും 14 കി.മീ തെക്കായും കാഞ്ഞങ്ങാട് നഗരത്തിൽ നിന്ന് 11 കി.മീ വടക്കായുമാണ് സ്ഥിതിചെയ്യുന്നത്.

ബേക്കൽ കോട്ട

ബേക്കൽ കോട്ട കേരളത്തിലെ ഏറ്റവും വലിയ കോട്ടയാണ്. ഏറ്റവും നന്നായി സംരക്ഷിക്കപ്പെട്ടിരിക്കുന്ന കോട്ടയും ഇതുതന്നെ. കോട്ടയിൽ നിന്നുള്ള കടൽത്തീരത്തിന്റെ മനോഹരമായ ദൃശ്യവും നയനാനന്ദകരമായ പ്രകൃതി ദൃശ്യങ്ങളും അനേകം വിനോദസഞ്ചാരികളെ ഇവിടേയ്ക്ക് ആകർഷിക്കുന്നു. ഇത് ഒരു അന്താരാഷ്ട്ര വിനോദസഞ്ചാര കേന്ദ്രമായി ഇന്ന് മാറിയിരിക്കുന്നു.

• 
  ബേക്കൽ കോട്ടയിലേക്കുള്ള പടികൾ. ഈ പടികൾ ഒരു തുരങ്കത്തിലേക്കും ഒടുവിൽ അറബിക്കടലിനോടു ചേർന്ന പുറം മതിലിലേക്കും നയിക്കുന്നു.
• 
  കടലിലേക്കുള്ള കോട്ടയുടെ ഭാഗം. വട്ടത്തിലുള്ള കോട്ടയുടെ ചുമര് കടലിലേക്ക് ഇറക്കി കെട്ടിയിരിക്കുന്നു. ഈ കമാന ദൃശ്യം കോട്ടയുടെ കൊത്തളങ്ങളുടെ മുകളിൽ നിന്നുള്ളതാണ്.
• 
  പാലക്കുന്ന് ഭഗവതി ക്ഷേത്രം

---