ഫ്രെഡറിക് സാങ്ങർ

'ജിനോമിക്സ്' എന്ന ശാസ്ത്രശാഖയുടെ പിതാവെന്ന് വിശേഷിപ്പിക്കപ്പെടുന്ന പ്രസിദ്ധ ബ്രിട്ടീഷ് ശാസ്ത്രജ്ഞനാണ് ഫ്രെഡറിക് സാങ്ങർ. രസതന്ത്രത്തിനുള്ള നോബൽ സമ്മാനം രണ്ടുതവണ നേടിയ ഏകവ്യക്തിയും രണ്ടുനോബൽ സമ്മാനങ്ങൾ നേടിയിട്ടുള്ള നാലുവ്യക്തികളിൽ ഒരാളുമാണ് സാങ്ങർ.

ഫ്രെഡറിക് സാങ്ങർ
ജനനം	(1918-08-13)13 ഓഗസ്റ്റ് 1918 റെൻഡ്കോംബ്, Gloucestershire, ഇംഗ്ലണ്ട്
മരണം	19 നവംബർ 2013(2013-11-19) (പ്രായം 95) കേംബ്രിഡ്ജ്, ഇംഗ്ലണ്ട്
ദേശീയത	ബ്രിട്ടീഷ്
കലാലയം	കേംബ്രിഡ്ജ് സർവകലാശാല
അറിയപ്പെടുന്നത്	Amino acid sequence of insulin, dideoxy method of sequencing DNA
പുരസ്കാരങ്ങൾ	രസതന്ത്രത്തിനുള്ള നോബൽ സമ്മാനം (1958) Copley Medal (1977) രസതന്ത്രത്തിനുള്ള നോബൽ സമ്മാനം (1980)
ശാസ്ത്രീയ ജീവിതം
പ്രവർത്തനതലം	Biochemist
സ്ഥാപനങ്ങൾ	കേംബ്രിഡ്ജ് സർവകലാശാല Laboratory of Molecular Biology
പ്രബന്ധം	The metabolism of the amino acid lysine in the animal body (1943)
ഡോക്ടർ ബിരുദ ഉപദേശകൻ	Albert Neuberger
ഡോക്ടറൽ വിദ്യാർത്ഥികൾ	Rodney Robert Porter എലിസബെത് ബ്ലാക്ബേൺ

ജീവിതരേഖ

1918 ആഗസ്റ്റ് 13ന് ഇംഗ്ലണ്ടിലെ റെൻഡ്‌കോമ്പിലാണ് സാങ്ങർ ജനിച്ചത്.

നോബൽ സമ്മാനങ്ങൾ

അമിനോആസിഡുകൾ ചങ്ങലചേർന്ന് എങ്ങനെ ഇൻസുലിൻ പ്രോട്ടീൻ രൂപപ്പെടുന്നു എന്ന് കണ്ടെത്തിയതിനാണ് 1958 ൽ സാങ്ങർ നൊബേൽ പുരസ്‌ക്കാരത്തിന് അർഹനായത്. ശരീരത്തിലെ ഏത് പ്രോട്ടീനിനെയും വിശകലനം ചെയ്യാനുള്ള മാർഗ്ഗമാണ് ആ കണ്ടെത്തലോടെ ശാസ്ത്രലോകത്തിന് ലഭിച്ചത്.

1980 ൽ സാങ്ങറെ തേടി രസതന്ത്രത്തിനുള്ള രണ്ടാമത്തെ നോബെൽ പുരസ്കാരം എത്തി. ജനറ്റിക് കോഡിലെ രാസാക്ഷരങ്ങൾ 'വായിച്ചെടുക്കാനു'ള്ള വിദ്യ കണ്ടെത്തിയതിനായിരുന്നു ആ ബഹുമതി.