പ്രദർശനോൽസുകത
പൊതുയിടങ്ങളിൽ ഒരാളുടെ രഹസ്യ ഭാഗങ്ങൾ – ഉദാഹരണത്തിന്, സ്തനങ്ങൾ, ജനനേന്ദ്രിയങ്ങൾ, നിതംബം എന്നിവ തുറന്നുകാണിക്കുന്നതിനെയാണ് പ്രദർശനോൽസുകത (Exhibitionism) എന്നുപറയുന്നത്. സുഹൃത്തുക്കളെയോ പരിചയക്കാരെയോ അപരിചിതരുടെയോ മുന്നിൽ അവരെ ഞെട്ടിക്കുന്നതിനുവേണ്ടിയോ വിനോദത്തിനായോ അതുമല്ലെങ്കിൽ ലൈംഗികസംതൃപ്തിക്കോ വേണ്ടി സ്വയംതുറന്നു കാട്ടാനുളള വ്യഗ്രതയിൽ നിന്നാണ് ഇത് ഉടലെടുക്കുന്നത്. [1] നിയമത്തിൽ, ഈ പ്രവർത്തനത്തെ കുറ്റകരമായി കണക്കാക്കുന്നു. ഇണയോട് മാത്രം സ്വയം തുറന്നുകാട്ടുന്നത് സാധാരണയായി പ്രദർശനോൽസുകതയായി കണക്കാക്കില്ല.
പൊതുയിടങ്ങളിൽ സ്ത്രീകളുടെ പ്രദർശനോൽസുകത പുരാതന കാലം മുതൽ രേഖപ്പെടുത്തിയിട്ടുണ്ട്[2] പുരാതന ഗ്രീക്ക് ചരിത്രകാരനായ ഹെറോഡൊട്ടസ് ബിസി അഞ്ചാം നൂറ്റാണ്ടിലെ പ്രദർശന സ്വഭാവങ്ങളുടെ ഒരു വിവരണം ദി ഹിസ്റ്റോറീസിൽ നൽകിയിട്ടുണ്ട്.
തുറന്നുകാട്ടലിൻ്റെ തരങ്ങൾ തിരുത്തുക
പ്രദർശനോൽസുകതയുടെ വിവിധ തരങ്ങൾ [1] :
- ജനനേന്ദ്രിയപ്രദർശനം (Anasyrma): അടിവസ്ത്രം ധരിക്കാതെ, ജനനേന്ദ്രിയങ്ങൾ തുറന്നുകാട്ടുക.
- ഇണയുടെ നഗ്നഭാഗങ്ങൾ പ്രദർശിപ്പിക്കൽ (Candualism) : ഒരു വ്യക്തി തന്റെ പങ്കാളിയുടെ നഗ്നരൂപങ്ങൾ മറ്റുളളവരെ കാണിച്ച് ലൈംഗികോത്തേജനം ഉണ്ടാക്കുന്നത്.
- ക്ഷിപ്രപ്രദർശനം (Flashing) :
- ഉടുപ്പോ ബ്രായോ മുകളിലേക്കും താഴേക്കും മാറ്റിക്കൊണ്ടുളള സ്തനങ്ങളുടെ താൽക്കാലിക പ്രദർശനം
- അല്ലെങ്കിൽ, സമാനമായ രീതിയിൽ ഒരു പുരുഷന്റെയോ സ്ത്രീയുടെയോ ജനനേന്ദ്രിയം തുറന്നുകാട്ടൽ
- മൈഥുനപ്രദർശനം (Martymachilia) : ലൈഗികമായ രസത്തിനായി മറ്റുളളവർ കാൺകെ രതിക്രീഡയിൽ ഏർപ്പെടുന്ന ഒരു തരംലൈംഗികവൈകൃതം . [3]
- പൃഷ്ടപ്രദർശനം (Mooning) : ട്രൗസറും അടിവസ്ത്രവും വലിച്ചു താഴ്ത്തി നഗ്നമായ നിതംബത്തിന്റെ പ്രദർശനം. തമാശ, ഇകഴ്ത്തൽ അല്ലെങ്കിൽ പരിഹാസം എന്നിവയ്ക്കുവേണ്ടിയാണ് ഇത് മിക്കപ്പോഴും ചെയ്യുന്നത്.
- നഗ്നപ്രതിബിംബചിത്രണം (Reflectoporn) : നഗ്നഭാഗങ്ങൾ കണ്ണാടിപോലെ പ്രതിഫലിക്കുന്ന ഏതെങ്കിലും പ്രതലത്തിൽ പ്രതിഫലിപ്പിച്ച് അതിൻ്റെ ചിത്രമെടുത്ത് ഇൻ്റർനെറ്റിലെ പൊതുവേദികളിൽ പ്രദർശിപ്പിക്കുന്ന രീതി. [4] ഉദാഹരണമായി "നഗ്നരായ സ്ത്രീപുരുഷന്മാരുടെ ചിത്രങ്ങൾ കെറ്റിലുകളിലും ടിവികളിലും ടോസ്റ്ററുകളിലും കത്തികളിലും ഫോർക്കുകളിലും പ്രതിഫലിപ്പിക്കുന്നു". [5] ഒരു ഓസ്‌ട്രേലിയൻ ലേലസൈറ്റിൽ ഒരാൾ തന്റെ നഗ്നശരീരം വ്യക്തമായി പ്രതിഫലിക്കുന്ന കെറ്റിൽ വിൽപ്പനയ്ക്ക് വയ്ച്ചതാണ് ഈ പ്രവണതയ്ക്ക് തുടക്കമിട്ടത്. [6] പിന്നീട് ഇത് പലരും പിന്തുടർന്നു, [7] [8] [9] "നഗ്നപ്രതിബിംബചിത്രണം" എന്ന പ്രത്യേക പദം ഉപയോഗിച്ചത് ഇന്റർനെറ്റ് മാഗസിനിൽ ക്രിസ് സ്റ്റീവൻസ് ആണ്. [10]
- നഗ്നയോട്ടം (Streaking): ഒരു പൊതുസ്ഥലത്ത് നഗ്നനായി ഓടുന്ന പ്രവൃത്തി. ഉദ്ദേശ്യം ലൈംഗികാകർഷണമല്ല, മറിച്ച് ആൾക്കാരെ ഞെട്ടിക്കുന്നതിനാണ്.
- സെക്‌സ്‌റ്റിംഗ് : ലൈംഗികത പ്രകടമാക്കുന്ന സന്ദേശങ്ങളോ ഫോട്ടോഗ്രാഫുകളോ വീഡിയോകളോ അയയ്‌ക്കുകയോ സ്വീകരിക്കുകയോ കൈമാറുകയോ ചെയ്യുന്ന പ്രവൃത്തി.
- ടെലിഫോൺ സ്കാറ്റോളജിയ : പരിചയമുളളതോ അല്ലാത്തതോ ആയ ആൾക്കാർക്ക് അശ്ലീലമായ ഫോൺ കോളുകൾ ചെയ്യുന്ന പ്രവൃത്തി. ചില ഗവേഷകർ ഇത് പ്രദർശനോൽസുകതയുടെ ഒരു വകഭേദമാണെന്ന് അവകാശപ്പെട്ടിട്ടുണ്ട്, ഇതിന് ശാരീരിക ഘടകങ്ങളില്ലെങ്കിലും. [11] [12]
അവലംബം തിരുത്തുക
- ↑ 1.0 1.1 Baunach, Dawn Michelle (2010). "Exhibitionism". Sex and Society. New York: Marshall Cavendish. p. 220. ISBN 978-0-7614-7906-2. Archived from the original on 2 May 2019. Retrieved 22 May 2017.
- ↑ "Origin of the world". Rutgerspress.rutgers.edu. 23 September 1977. Archived from the original on 20 November 2012. Retrieved 1 August 2012.
- ↑ "Psychologist Anywhere Anytime". Psychologist Anywhere Anytime. Archived from the original on 3 March 2021. Retrieved 1 August 2012.
- ↑ "'Reflectoporn' Hits Auction Site". The Mirror. 9 September 2003. Archived from the original on 25 January 2022. Retrieved 28 July 2007.
- ↑ "Today's media stories from the papers". The Guardian. 9 September 2003. Archived from the original on 27 March 2021. Retrieved 28 July 2007.
- ↑ "Urban Legends Reference Pages: Indecent Exposure". Snopes.com. Archived from the original on 25 January 2022. Retrieved 1 August 2012.
- ↑ "Nude eBayer flashes 19in monitor". The Register. 1 July 2005. Archived from the original on 13 August 2007. Retrieved 28 July 2007.
- ↑ "eBayer goes for bust in ashtray auction". The Register. 19 June 2006. Archived from the original on 11 August 2007. Retrieved 28 July 2007.
- ↑ "eBay in wing-mirror reflectoporn shocker". The Register. 14 July 2006. Archived from the original on 10 August 2007. Retrieved 28 July 2007.
- ↑ "Reflectoporn@Everything2.com". Everything2.com. 10 September 2003. Archived from the original on 25 February 2021. Retrieved 1 August 2012.
- ↑ Hirschfeld, M. (1938). Sexual anomalies and perversions: Physical and psychological development, diagnosis and treatment (new and revised ed.). London: Encyclopaedic Press.
- ↑ Nadler, R. P. (1968). Approach to psychodynamics of obscene telephone calls. New York State Journal of Medicine, 68, 521–526.
ബാഹ്യ ലിങ്കുകൾ തിരുത്തുക
Exhibitionism എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.