"മാങ്ങോട്ടശ്ശേരി കൃഷ്ണൻ നമ്പൂതിരിപ്പാട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

| occupation = കവി

}}

 

പണ്ഡിതകവി ആയിരുന്നു മാങ്ങോട്ടശ്ശേരി കൃഷ്ണൻ നമ്പൂതിരിപ്പാട്.  സംസ്കൃതത്തിലും മലയാളത്തിലുമായി ഏറെ കവിതകൾ അദ്ദേഹം രചിച്ചിട്ടുണ്ട്. ഇതിൽ ചിലത് അപ്രകാശിതങ്ങളാണ്. ഉത്തരേന്ത്യൻ പ്രസിദ്ധീകരണങ്ങളിലാണ് മിക്ക കവിതകളും അച്ചടിച്ചു വന്നത്.

വിഷയം - എഴുത്ത്, സാഹിത്യം, കവിത

 

 

മലപ്പുറം ജില്ലയിൽ മഞ്ചേരി ക്കു സമീപം കരിക്കാട് ഗ്രാമത്തിൽ മാങ്ങോട്ടശ്ശേരി മനയിൽ (മാങ്ങോട്ട്‌രി )1906 ലാണ് കൃഷ്ണൻ നമ്പൂതിരിപ്പാടിന്റെ ജനനം. അച്ഛൻ നീലകണ്ഠൻ നമ്പൂതിരിപ്പാട്. അമ്മ സാവിത്രി അന്തർജ്ജനം. തേലപ്പുറത്ത് രാമനമ്പീശനായിരുന്നു ഗുരു.

സംസ്കൃത ഭാഷയിലും സാഹിത്യത്തിലും ഉറച്ച പാണ്ഡിത്യം . മുപ്പത് വയസ്സിനു മുമ്പു തന്നെ ഇദ്ദേഹം മികച്ച രചനകൾ നടത്തിയതായി കാണുന്നു. മകൻ മുകുന്ദൻ മാങ്ങോട്ട് രിയുടെ ശ്രമഫലമായാണ് പല രചനകളും സഹൃദയരുടെ ഇടയിൽ പരിചയമായത്.

 

 

ശ്രീകൃഷ്ണപഞ്ചാശിക, ശ്രീരാമപഞ്ചാശിക, ഭൃംഗ സന്ദേശം, പൃഥുകാഹരണം, പൂപകഥ, പ്രേമപാശ:, ചിന്താലഹരി, ഭാവഗീതാഞ്ജലി എന്നിവയാണ് പ്രധാന സംസ്കൃത രചനകൾ.

സംസ്കൃതപ്രതിഭ(ദില്ലി ), സാഗരിക(മദ്ധ്യപ്രദേശ്), ഭാരതി(ജയ്പൂർ ), ഭാരതയാണി(പൂനെ), ദിവ്യജ്യോതി( സിംല), സംസ്കൃതം(അയോധ്യ) എന്നീ പ്രസിദ്ധീകരണങ്ങളിൽ 1970 കൾ വരെ കൃഷ്ണൻ നമ്പൂതിരിപ്പാട് സ്ഥിരമായി എഴുതിയിരുന്നു.

 

 

മഹാകവി ടാഗോറിന്റെ ഗീതാഞ്ജലിയുടെ സ്വതന്ത്ര സംസ്കൃത ഭാഷ്യമാണ് ഭാവഗീതാഞ്ജലി. 1961 ൽ കൃഷ്ണൻ നമ്പൂതിരിപ്പാട് ഈ രചന പൂർത്തിയാക്കിയെങ്കിലും ഇതുവരെ പുസ്തകമായി പ്രസിദ്ധീകരിച്ചിട്ടില്ല. ഇതിൽ അറനൂറ്റൻപതോളം ശ്ലോകങ്ങളാണുള്ളത്.

 

 

മാതൃദത്തന്റെയും വാസുദേവ കവിയുടെയും ഭൃംഗസന്ദേശങ്ങൾക്കൊപ്പം ചേർത്തുവായിക്കാവുന്ന കൃതിയാണ് ഭൃംഗസന്ദേശം. പല സംസ്കൃത പ്രസിദ്ധീകരണങ്ങളിലും ഇതിനെപ്പറ്റി നിരൂപണം വന്നിട്ടുണ്ട്. 30-08-1959 ലെ ഹിന്ദുവിൽ പ്രൊഫ. മഹാലിംഗ ശാസ്ത്രിയാണ് നിരൂപണം എഴുതിയത്.

കൊല്ലം, മാസം, തീയ്യതി എന്നിവ ശ്ലോകത്തിലാണ് ഇദ്ദേഹം എഴുതിയിരുന്നത്. ഗ്രന്ഥാക്ഷരത്തിലാണ് പല കൈയ്യെഴുത്തു കൃതികളും . ഡോ. രാംജി ഉപാദ്ധ്യായ്(പഴയ സാഗർ യൂണിവേഴ്സിറ്റി), ഡോ.വി.രാഘവൻ(മുൻ എഡിറ്റർ, സംസ്കൃതപ്രതിഭ) തുടങ്ങിയവരുടെ പല ആവശ്യങ്ങൾക്കായുള്ള കത്തുകൾ ഇദ്ദേഹത്തിന്റെ പുസ്തകങ്ങൾക്കിടയിൽ കാണാം. 1967 ൽ സാഗരികയിൽ "മാങ്ങോട്ടശ്ശേരി കൃഷ്ണനമ്പൂതിരിപാദ:" എന്ന ആറുപേജ് പ്രത്യേക ലേഖനം ഉണ്ട്.

 

 

വാണീമണിമാലിക(2 ഭാഗങ്ങൾ), ശുകവിലാപം, രാധ, എന്നിവയാണ് പ്രധാന മലയാള കൃതികൾ. കൂടാതെ കത്തുകവിതകൾ, സമസ്യ പൂരണങ്ങൾ, മംഗളപത്രങ്ങൾ എന്നിവയും കൃഷ്ണൻ നമ്പൂതിരിപ്പാട് എഴുതിയിട്ടുണ്ട്.