|
കേരളത്തിലെ [[കായൽ|കായലുകളിലും]] [[തോട്|തോടുകളിലും]] കുളവാഴകളുടെ വ്യാപനം മൂലം സാരമായ പാരിസ്ഥിതിക-ജൈവവ്യവസ്ഥാപ്രശ്നങ്ങൾ ഉണ്ടായിട്ടുണ്ട്. കൃഷിക്കാർ ഇതിനെ കളയുടെ ഗണത്തിൽ പെടുത്തിക്കാണുന്നു. വളരെ വേഗം വളർന്ന് വ്യാപിക്കുന്ന ഈ കള, മനോഹരമായി പുഷ്പിക്കുന്ന സസ്യമാണ്. 12 ദിനംകൊണ്ട് ഇരട്ടി പ്രദേശത്ത് വ്യാപിക്കാൻ ശേഷിയുണ്ട് കുളവാഴക്ക്.
സ്വാഭാവിക ജലാശയത്തിന്റെ നീരൊഴുക്ക് തടഞ്ഞ് ബോട്ട് സർവീസ്, മത്സ്യബന്ധനം തുടങ്ങിയവ തടസ്സപ്പെടുന്നു. ഈ സസ്യം വളരുന്നിടത്തെ വെള്ളത്തിലേക്ക് സൂര്യപ്രകാശം കടത്തിവിടാത്തതിനാൽ, വെള്ളത്തിനടിയിലുള്ള ജീവജാലങ്ങൾക്ക് കുളവാഴ ഭീഷണിയാകുന്നു. അഞ്ച് ഭൂഖണ്ഡങ്ങളിലായി 50 രാജ്യങ്ങളിൽ ഈ കള ഇന്ന് പ്രശ്‌നം സൃഷ്ടിക്കുന്നു.<ref>http://www.mathrubhumi.com/static/others/special/php/print.php?id=42009</ref> ബംഗാളിൽ ഇപ്രകാരം വ്യാപകമായ മത്സ്യകൃഷിനാശം സംഭവിച്ചതിനാൽ ഇത് '''ബംഗാളിന്റെ ഭീഷണി''' (Terror of Bengal) എന്നറിയപ്പെടുന്നു.
എന്നിരുന്നാലും ഇവകൊണ്ടുള്ള ഉപയോഗങ്ങൾ ഉണ്ടെന്നു ഡോ. ജി. നാഗേന്ദ്ര പ്രഭു അഭിപ്രായപ്പെടുന്നു
വെള്ളത്തിൽ വളരുന്ന വയലറ്റ് പൂക്കൾ വിരിയുന്ന കുളവാഴ നമുക്കെല്ലാമറിയുന്ന സസ്യമാണ്. പക്ഷേ ഇത് പലപ്പോഴും കർഷകർക്കൊരു ശല്യമാണ്. കർഷകർ ഇതിനെ കളയുടെ ഗണത്തിലാണ് കാണുന്നത്. ജലാശയങ്ങൾ ഏറെയുള്ള എറണാകുളവും ആലപ്പുഴയും അടക്കമുള്ള ജില്ലകൾ നേരിടുന്ന പ്രധാന വെല്ലുവിളിയാണ് കുളവാഴയും ആഫ്രിക്കൻ പായലും. ഇവ നീക്കി ജലാശയങ്ങൾ വൃത്തിയാക്കാൻ കോടിക്കണക്കിനു രൂപയാണ് സർക്കാർ ചെലവഴിക്കുന്നത്.
കരയേത്, തോടേത് എന്ന് തിരിച്ചറിയാത്ത വിധത്തിലായിരിക്കും ഇതിന്റെ വളർച്ച. ജലഗതാഗതത്തിനു വരെ തടസമായിരിക്കുന്ന ഇതിന്റെ വളർച്ചയിൽ കുഴങ്ങിയിരിക്കുകയാണ് ആളുകൾ. എന്നാൽ നമ്മൾ വിനാശകാരിയായി കാണുന്ന ഈ കുളവാഴയും ആഫ്രിക്കൻ പായലും നമ്മുടെ തെങ്ങുപോലെ കൽപ്പസസ്യമാണെന്നാണ് ആലപ്പുഴ എസ്ഡി കോളജ് ജലവിഭവ ഗവേഷണകേന്ദ്രം മുഖ്യ ഗവേഷകനും സുവോളജി അധ്യാപകനുമായ ഡോ ജി നാഗേന്ദ്ര പ്രഭു പറയുന്നത്.
കുളവാഴയും ആഫ്രിക്കൻ പായലും ഉപയോഗിച്ച് കൂണും പഞ്ചസാരയും ആൽക്കഹോളും വരെ നിർമിക്കാമെന്നാണ് അദ്ദേഹം സാക്ഷ്യപ്പെടുത്തുന്നത്. ഇങ്ങനെ നിർമിച്ച നിരവധി ഉൽപ്പന്നങ്ങൾ സിഎംഎഫ്ആർഐയിൽ ആരംഭിച്ച ഭക്ഷ്യകാർഷിക മേളയിലെ സ്റ്റാളിൽ പ്രദർശനത്തിനൊരുക്കിയിട്ടുണ്ട്. എസ്ഡി കോളേജിലെ ജലവിഭവ ഗവേഷണ കേന്ദ്രമാണ് സ്റ്റാൾ ഒരുക്കിയത്.
കുളവാഴയുടെ തണ്ടിൽനിന്ന് മത്സ്യങ്ങൾ, താറാവ്, നാൽക്കാലികൾ എന്നിവയ്ക്കുള്ള തീറ്റ കൂടാതെ ബാഗ്, കൂൺ വളർത്താനുള്ള മെത്ത, ഫർണിച്ചർ, പൾപ്പ് ഉപയോഗിച്ചുള്ള വിവിധ ഉൽപ്പന്നങ്ങൾ എന്നിവ നിർമിക്കാം. പൂക്കളിൽനിന്ന് ജൈവനിറങ്ങളും കാൻസറിനെതിരെയുള്ള മരുന്നും ഉണ്ടാക്കാം. കുളവാഴ മുഴുവനായും ഉപയോഗിച്ച് ബയോമാസ് ബ്രിക്കറ്റുകൾ, ബയോഗ്യാസ്, വിവിധതരം ഔഷധങ്ങൾ, വെള്ളത്തിൽ കൃഷിചെയ്യാൻ ഉപയോഗിക്കുന്ന ബഡ് എന്നിവയും നിർമിക്കാമെന്നാണ് ഇദ്ദേഹം പറയുന്നത്.
കൂടാതെ കുളവാഴയിൽ ബാക്ടീരിയ വളർത്തി ഇതിൽനിന്ന് സെല്ലുലേസ് എന്ന എൻസൈം വേർതിരിക്കാം. ഇതേ എൻസൈമാണ് കരിമ്പിൽനിന്ന് പഞ്ചസാരയുണ്ടാക്കുന്നത്. ജൈവ ഇന്ധനമായും ഇത് ഉപയോഗിക്കാൻകഴിയും. കൂൺ വളർത്താനുള്ള ബെഡ്ഡായും ചാണകവറളിക്ക് പകരമായും ഉപയോഗിക്കാം. കുളവാഴയുടെ ഇലകളും തണ്ടും ഉപയോഗിച്ച് സോഫ്റ്റ് ബോർഡും കാർഡുകളും നിർമിക്കാം. ഈ ഉൽപ്പന്നങ്ങളെല്ലാം സ്റ്റാളിൽ പ്രദർശനത്തിനുണ്ട്.
കേരളത്തിൽ വലിയ സാധ്യതകളാണ് കുളവാഴയിൽനിന്നുള്ള ഉൽപ്പന്നങ്ങളുടെ നിർമാണത്തിനുള്ളതെന്ന് നാഗേന്ദ്ര പ്രഭു പറയുന്നു. കുടുംബശ്രീ അടക്കമുള്ള ഗ്രൂപ്പുകൾക്ക് ചെറുകിട സംരംഭം എന്ന നിലയിൽ വലിയ സാധ്യതയാണ് ഇത് തുറന്നിടുന്നത്. തീരപ്രദേശത്തെയും ഉൾനാടൻ ജലാശയ പ്രദേശങ്ങളിലെയും ജനങ്ങൾക്ക് നല്ലൊരു വരുമാനമാർഗമായി പദ്ധതി ഉപയോഗിക്കാം. കുളവാഴ ഉപയോഗിച്ച് ജലാശയങ്ങളിൽ പ്രത്യേക തടങ്ങൾ സൃഷ്ടിച്ച് കൃഷിചെയ്യാനുമാകും- അദ്ദേഹം വ്യക്തമാക്കി.
അതിവേഗം മുളപൊട്ടി വ്യാപിക്കുന്നതിനാൽ ജലാശയങ്ങളുടെ ഉപരിതലത്തിൽ വളരെ പെട്ടെന്ന് വളരുന്ന കുളവാഴകൾ വലിയ പരിസ്ഥിതി നാശമാണ് ഉണ്ടാക്കുന്നത്. ജലജീവികളും ജലസസ്യങ്ങളുടെയുമടക്കം നാശത്തിന് ഇവ കാരണമാകുന്നു. എറണാകുളം, ആലപ്പുഴ ജില്ലകളിൽ പലയിടത്തും ജലഗതാഗതം തന്നെ ഇതുമൂലം തടസപ്പെട്ടിരിക്കുകയാണ്.
1998-99 കാലഘട്ടത്തിലാണ് കുളവാഴയിലുള്ള ഗവേഷണങ്ങൾ ആരംഭിക്കുന്നത്. അമേരിക്കയിലെ ജോർജിയ സർവകലാശാലയിൽ പോസ്റ്റ് ഡോക്ടറൽ ഫെലോ ആയപ്പോഴും യുഎൻ ഫെലോഷിപ്പോടെ ജർമനിയിൽ അന്താരാഷ്ട്ര ബയോ ടെക്‌നോളജി പരിശീലന പരിപാടിയിൽ പങ്കെടുക്കുമ്പോഴും കുളവാഴയിലുള്ള ഗവേഷണമായിരുന്നു നാഗേന്ദ്ര പ്രഭുവിന്റെ വിഷയം. ഉപയോഗമാണ് കുളവാഴ നിയന്ത്രണത്തിനുള്ള എളുപ്പമാർഗമെന്ന് നാഗേന്ദ്ര പ്രഭു പറയുന്നു.
== ഹബിറ്ററ്റ് ആൻഡ് ഇക്കോളജി ==
| 