"നരസിംഹവർമൻ ഒന്നാമൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ദക്ഷിണേന്ത്യയിൽ ആധിപത്യം സ്ഥാപിക്കാൻ ശ്രമിച്ച [[ചാലൂക്യർ|ചാലൂക്യരായിരുന്നു]] പല്ലവന്മാരുടെ പ്രധാന പ്രതിയോഗികൾ. ചാലൂക്യരാജാവായ [[പുലികേശി രണ്ടാമൻ|പുലകേശി II]] പല്ലവരാജ്യത്തെ ആക്രമിച്ചുകൊണ്ടിരുന്നകാലത്താണ് നരസിംഹവർമൻ രാജ്യഭാരമേറ്റത്. കാഞ്ചിപുരത്തിന് സമീപത്തുള്ള മണിമംഗലത്തുവച്ച് ഇദ്ദേഹം പുലകേശിയെ പരാജയപ്പെടുത്തിയത് ഇദ്ദേഹത്തിന്റെ മികച്ച നേട്ടമായി വിലയിരുത്തപ്പെട്ടു. ശ്രീലങ്കൻ രാജകുമാരനായ മാനവർമന്റെ സഹായം ഈ യുദ്ധത്തിൽ നരസിംഹവർമന് ലഭിച്ചിരുന്നു. ഈ വിജയത്തെത്തുടർന്ന് ഇദ്ദേഹം ചാലൂക്യ തലസ്ഥാനമായ [[വാതാപി]] പിടിച്ചെടുക്കുകയുണ്ടായി (642-43). വാതാപികൊണ്ടനരസിംഹവർമൻ എന്ന സ്ഥാനപ്പേര് ഈ വിജയത്തിന്റെ ഓർമയ്ക്കായി സ്വീകരിച്ചതാണെന്നു ചരിത്രരേഖകളിൽ കാണുന്നു. വാതാപിയിലെ മല്ലികാർജുനക്ഷേത്രത്തിനു പിന്നിലെ ഒരു പാറയിൽ കൊത്തിവച്ചിട്ടുള്ളതും, നരസിംഹവർമന്റെ പതിമൂന്നാം ഭരണവർഷത്തിലെ തീയതി കൊത്തിയിട്ടുള്ളതുമായ ഒരു ലിഖിതവും ഇദ്ദേഹം ചാലൂക്യരെ പരാജയപ്പെടുത്തിയതിന്റെ തെളിവാണ്.