മഴ (ചലച്ചിത്രം)
ലെനിൻ രാജേന്ദ്രൻ സംവിധാനം ചെയ്ത് 2000-ൽ പുറത്തിറങ്ങിയ മലയാളചലച്ചിത്രമാണ് മഴ. ബിജു മേനോൻ, സംയുക്ത വർമ്മ, ലാൽ എന്നിവർ പ്രധാനവേഷങ്ങളിൽ അഭിനയിച്ചിരിക്കുന്നു. മലയാളത്തിലെ നോവലിസ്റ്റ് മാധവികുട്ടി എഴുതിയ 'നഷ്ടപ്പെട്ട നീലാംബരി' എന്ന ചെറുകഥയെ അടിസ്ഥാനമാക്കിയുള്ളതാണ് ചിത്രം.
| മഴ | |
|---|---|
| പ്രമാണം:Mazha poster.jpg Theatrical release poster | |
| സംവിധാനം | ലെനിൻ രാജേന്ദ്രൻ |
| നിർമ്മാണം | ജി. ഹരികുമാർ |
| അഭിനേതാക്കൾ | ബിജു മേനോൻ സംയുക്ത വർമ്മ ലാൽ തിലകൻ |
| സംഗീതം | രവീന്ദ്രൻ |
| ഛായാഗ്രഹണം | എസ്. കുമാർ |
| ചിത്രസംയോജനം | ബീന പോൾ, ബി. അജിത്കുമാർ |
| റിലീസിങ് തീയതി |
|
| രാജ്യം | ഇന്ത്യ |
| ഭാഷ | മലയാളം |
പുരസ്കാരങ്ങൾ തിരുത്തുക
- മികച്ച ഗാനരചയിതാവിനുള്ള ദേശീയ ചലച്ചിത്ര അവാർഡ് : യൂസുഫാലി കെച്ചേരി
- മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് : സംയുക്ത വർമ്മ
- മികച്ച ഗാനത്തിനുള്ള കേരള സംസ്ഥാന ചലച്ചിത്ര അവാർഡ് : ഒ വി ഉഷ
- മികച്ച പശ്ചാത്തല സംഗീതം : ബൈജു പി
- മികച്ച ഗായികയ്ക്കുള്ള കേരള സംസ്ഥാന ചലച്ചിത്ര അവാർഡ് : ആശ ജി മേനോൻ
- മികച്ച ശബ്ദ റെക്കോർഡിസ്റ്റിനുള്ള കേരള സംസ്ഥാന ചലച്ചിത്ര അവാർഡ് : എൻ.ഹരി കുമാർ
അഭിനേതാക്കൾ തിരുത്തുക
- ബിജു മേനോൻ
- സംയുക്ത വർമ്മ
- ലാൽ
- സിന്ധു
സംഗീത്മകമായ ഒരു പ്രണയകഥയായിരുന്നതിനാൽ ചിത്രത്തിലെ ഗാനങ്ങൾ ശ്രദ്ധേയമായിരുന്നു.കെ.ജയകുമാർ, യൂസഫലി കേച്ചേരി ,ഒ.വി.ഉഷ, കൈതപ്രം ,തിരുവള്ളുവർ (തമിഴ് ഗാനം) എന്നിവരുടെ രചനകളെ രവീന്ദ്രൻ മാസ്റ്റർ തന്റെ തനതായ സംഗീതത്താൽ ദീപ്തമാക്കി. യേശുദാസ് ,നെയ്യാറ്റിൻകര വാസുദേവൻ, കെ.എസ് ചിത്ര ,ആശഎന്നിവരുടെ സ്വരമാധുരി കൂടി ചേർന്നപ്പോൾ ഗാനങ്ങൾ എക്കാലവും മറക്കാനാവാത്ത ഹിറ്റുകളായി.ഒ.വി.ഉഷ രചിച്ച ആരാദ്യം പറയും എന്ന ഗാനം ആലപിച്ച ആശഎന്ന പുതുഗായികക്ക് ആവർഷത്തെ ഏറ്റവും മികച്ച ഗായികക്കുള്ള സംസ്ഥാന സർക്കാരിന്റെ പുരസ്ക്കാരം ലഭിച്ചു.