പാച്ചുവും അത്ഭുത വിളക്കും

മലയാളത്തിൽ പുറത്തിറങ്ങിയ ഒരു ചലച്ചിത്രമാണ് പാച്ചുവും അദ്ഭുതവിളക്കും. അഖിൽ സത്യൻ സംവിധാനം ചെയ്ത് 2023-ൽ പുറത്തിറങ്ങിയ ഈ ചിത്രത്തിൽ ഫഹദ് ഫാസിൽ, വിനീത്, അഞ്ജന ജയപ്രകാശ്, ധ്വനി രാജേഷ്, വിജി വെങ്കിടേഷ് തുടങ്ങിയവർ പ്രധാനവേഷങ്ങളിലെത്തുന്നു. 2023 ഏപ്രിൽ 28-ന് റിലീസ് ചെയ്ത ഈ സിനിമ വാണിജ്യവിജയവും നിരൂപകരിൽ നിന്നും പ്രേക്ഷകരിൽ നിന്നും ശ്രദ്ധേയമായ പ്രതികരണവും നേടുകയുണ്ടായി.

പാച്ചുവും അദ്ഭുതവിളക്കും
പോസ്റ്റർ
സംവിധാനം	അഖിൽ സത്യൻ
നിർമ്മാണം	സേതു മണ്ണാർക്കാട്
സ്റ്റുഡിയോ	ഫുൾമൂൺ സിനിമ
ദൈർഘ്യം	171 മിനിട്ട്
രാജ്യം	ഇന്ത്യ
ഭാഷ	മലയാളം

പ്ലോട്ട്

പ്രശാന്ത് എന്ന പാച്ചുവിന്റെ മുംബൈ ജീവിതത്തിനിടെ നാട്ടിലേക്കുള്ള യാത്രയും തിരികെ പോകുമ്പോൾ ഒപ്പം യാത്ര ചെയ്യുന്ന ലൈല എന്ന ഉമ്മച്ചിയുടെ (റിയാസിന്റെ) ചില അസ്വാഭാവിക പ്രവർത്തനങ്ങളുമാണ് ഈ ചിത്രത്തിന്റെ കഥ. പറയാതെ ഒറ്റക്ക് ഗോവയിലിറങ്ങിയ ഉമ്മച്ചിയെ അന്വേഷിച്ച് പാച്ചുവും ട്രെയിനിൽ നിന്ന് ഒപ്പം കൂടിയ ബാലനും ചേർന്ന് നടത്തുന്ന തെരച്ചിലുമൊക്കെയായി ഈ കഥ മുന്നോട്ട് നീങ്ങുന്നു. എന്നാൽ ഉമ്മച്ചിയുടെ രഹസ്യദൗത്യം പാച്ചു ഏറ്റെടുക്കുന്നതോടെ ഗോവയിൽ നടക്കുന്ന സംഭവികാസങ്ങളിലൂടെ ചിത്രം അന്ത്യത്തിലെത്തുന്നു. ഇതിനിടയിൽ സംഭവിക്കുന്ന പ്രണയം കഥയെ രമണീയമാക്കുന്നു.

നടീനടന്മാർ

• പ്രശാന്ത് രാജൻ എന്ന പാച്ചുവായി ഫഹദ് ഫാസിൽ
• ഹംസധ്വനിയായി അഞ്ജന ജയപ്രകാശ്
• നിധിയായി ധ്വനി രാജേഷ്
• ലൈല / ഉമ്മച്ചിയായി വിജി വെങ്കിടേഷ്
• പാച്ചുവിന്റെ അച്ഛൻ രാജൻ ആയി മുകേഷ്
• വാസു / വാസുമാമൻ ആയി ഇന്നസെന്റ്
• ലൈലയുടെ മകൻ റിയാസ് ആയി വിനീത്
• രവീന്ദ്രൻ / രവിയായി ഇന്ദ്രൻസ്
• സുജിത്തായി അൽത്താഫ് സലിം
• പാച്ചുവിന്റെ അമ്മ അനിതയായി ശാന്തി കൃഷ്ണ
• പ്രദീപായി നന്ദു
• അശ്വിന്റെ മൂത്ത സഹോദരനായി നസ്ലെൻ (അഥിതി താരം)

ചലച്ചിത്രം

ചിത്രത്തിന്റെ ടൈറ്റിൽ പോസ്റ്റർ 2021 ജനുവരിയിൽ പുറത്തിറങ്ങി. ചിത്രീകരണം 2022 നവംബറിൽ പൂർത്തിയായി . പിന്നീട് ട്രെയിലർ പുറത്തിറങ്ങി പുതുമുഖ സംവിധായകനാണ് എന്നതും ചിത്രത്തിന് ശ്രദ്ധ ലഭിക്കാൻ കാരണമായി. പൊതുവെ നല്ല സ്വീകരണമാണ് ചിത്രത്തിന് ലഭിച്ചത്.