പഴക്കെണി

കായീച്ചകളെ നശിപ്പിയ്ക്കുന്നതിനുള്ള മറ്റൊരു മാർഗ്ഗമാണ് പഴക്കെണി. പടവലത്തിലും പാവലിലും കണ്ടുവരുന്ന കായീച്ചകളെ നശിപ്പിയ്ക്കുന്നതിനു് ഇതു ഫലപ്രദമാണ്.

തയ്യാറാക്കുന്ന വിധം

പഴക്കെണി തയ്യാറാക്കാനായി പാളയങ്കോടൻ പഴമാണ് ഏറെ ഫലപ്രദം. തൊലികളയാതെ 3-4 കഷണങ്ങളായി മുറിച്ചെടുക്കുക. മുറിച്ച ഭാഗങ്ങളിൽ അര ഗ്രാം കീടനാശിനിയുടെ തരി പതിപ്പിയ്ക്കുക. ഈ പഴക്കഷണങ്ങൾ പന്തലിനു സമീപം ചിരട്ടകളിലാക്കി ഉറിപോലെ കെട്ടിത്തൂക്കിയിടുക. പഴസത്ത് കായീച്ചകളെ ആകർഷിച്ച് അവയ്ക്ക് നാശം വരുത്തുന്നു..

പാരിസ്ഥിതിക പ്രശ്നം

പഴക്കെണി ഉപയോഗിച്ച് കായീച്ചകളെ നിയന്ത്രിക്കാമെങ്കിലും, ഇതിന് ചില ദൂഷ്യവശങ്ങളുമുണ്ട്. വിഷാംശമുള്ള പഴം ഭക്ഷിക്കുന്ന പക്ഷികളുടെ നാശത്തിനും ഇത് കാരണമാകാം. അതിനാൽ, പക്ഷികൾക്ക് പഴം ലഭിക്കാത്ത വിധത്തിൽ, നൈലോൺ വല കൊണ്ട് മൂടുന്നത് നന്നായിരിക്കും.