പലകപ്പയ്യാനി

പലകപ്പ‌യ്യാനി
	പലകപ്പയ്യാനി - ഇലകളും കായകളും
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Lamiales
Family:	Bignoniaceae
Genus:	Oroxylum
Species:	O. indicum
Binomial name
	Oroxylum indicum; (L.) Benth. ex Kurz or Vent.
Synonyms
	Arthrophyllum ceylanicum Miq.; Arthrophyllum reticulatum Blume ex Miq.; Bignonia indica L.; Bignonia lugubris Salisb.; Bignonia pentandra Lour.; Bignonia quadripinnata Blanco; Bignonia tripinnata Noronha; Bignonia tuberculata Roxb. ex DC.; Calosanthes indica (L.) Blume; Hippoxylon indica (L.) Raf.; Oroxylum flavum Rehder; Spathodea indica (L.) Pers.; പര്യായങ്ങൾ theplantlist.org - ൽ നിന്നും

പാതിരി ഉൾപ്പെടുന്ന കുടുംബത്തിലെ മറ്റൊരിനം വൃക്ഷമാണ് പലകപ്പയ്യാനി അഥവാ വെള്ളപ്പാതിരി (ശാസ്ത്രീയനാമം: Oroxylum indicum). ദശമൂലങ്ങളിൽ ഒന്ന്. സംസ്കൃതത്തിൽ ശ്യോന്യാക എന്നും ഇംഗ്ലീഷിൽ ഇന്ത്യൻ ട്രംമ്പറ്റ് ട്രീ എന്നും അറിയുന്നു.

ഇന്ത്യ, ബർ‌മ്മ, ശ്രീലങ്ക എന്നിവിടങ്ങളിൽ ഈർപ്പവും ധാരാളം മഴയുമുള്ള കാടുകളിൽ കണ്ടുവരുന്നു. നാട്ടിൽ നിന്നും വളരെ വേഗത്തിൽ അപ്രത്യക്ഷമായിക്കൊണ്ടിരിക്കുന്ന ഒരു മരമാണ്. പൂക്കൾ വലിപ്പമേറിയതും ദുർഗന്ധമുള്ളവയുമാണ്. ഫലം വാളുപോലെ വലിയവയാണ്‌. പത്തു വർ‌ഷം പ്രായമായ മരത്തിന്റെ വേരുകൾ നിയന്ത്രിതമായ തോതിൽ ശെഖരിക്കാം. നീണ്ട് വാളുപോലെയുള്ള കായ്കളുണ്ടാവുന്നതുകൊണ്ട് "ഡെമോക്ളീസിന്റെ വാളെന്നു്" പേരുണ്ട്. കായ്ക്കുള്ളിൽ ചിറകുകളുള്ള വിത്തുകളുണ്ട്.

രസാദി ഗുണങ്ങൾ

രസം : തിക്തം, കഷായം, മധുരം
ഗുണം: ലഘു. രൂക്ഷം
വീര്യം: ഉഷ്ണം

ഔഷധ ഗുണങ്ങൾ

അതിസാരം, വൃണങ്ങൾ എന്നിവയ്ക്കു് മരുന്നാണ്.

കൃഷി രീതി

ധാരാളം മഴ ലഭിക്കുന്ന നീർ‌വാർച്ചയുള്ള പശിമരാശിയുള്ള മണ്ണാണ് വളർച്ചയ്ക്കു നല്ലതു്. കായ് പൊട്ടി വിത്തു പുറത്തു വരുന്നതിനു മുമ്പ് കായ ശേഖരിക്കണം.വിത്തുകളുടെ മുളക്കാനുള്ള ശേഷി വേഗം നഷ്ടപ്പെടുന്നതു കൊണ്ട് വേഗം തന്നെ മുളപ്പിച്ചെടുക്കണം.