പരണ്ടവള്ളി

ഇന്ത്യയിലെ നനവാർന്ന നിത്യഹരിത വനങ്ങളിൽ വളരുന്ന കൂറ്റൻ വള്ളിയാണ് പരണ്ടവള്ളി. കാക്കവള്ളി, മലഞ്ചാടി, കാലൻ വള്ളി തുടങ്ങിയ പേരുകളിലും അറിയപ്പെടുന്നു. ശാസ്ത്രനാമം: Entada rheedii. വാൻറീഡിന്റെ ബഹുമാനാർത്ഥമാണ് ഇതിന്റെ സ്പീഷിസ് നാമം നൽകിയിരിക്കുന്നത്.

പരണ്ടവള്ളി
പരണ്ടവള്ളിയുടെ കായ
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Fabales
Family:	Fabaceae
Subfamily:	Mimosoideae
Tribe:	Mimoseae
Genus:	Entada
Species:	E. rheedii
Binomial name
Entada rheedii Spreng..
Synonyms
Acacia scandens (L.) Willd. Adenanthera scandens Forster f. Entada formosana Kaneh. Entada koshunensis Hayata & Kaneh. Entada rumphii Scheff. Entada scandens (L.) "Benth., p.p." Entada tonkinensis Gagnep. Faba marina-major Rumph. Gigalobium scandens (L.) Hitchc. Lens phaseoloides L. Mimosa blancoana Litv. Pusaetha scandens (L.) Kuntze Strepsilobus scandens (L.) Raf.

ആവാസവും വിതരണവും

ബലിഷ്ഠമായ വള്ളികളുടെ ആലിംഗനത്തിൽ അമരുന്ന മരങ്ങൾ വളരാൻ കഴിയാതെ ക്രമേണ മരിക്കുന്നു. ഇത് അതിവേഗം വളർന്ന് കാടിൻറെ മേൽ വിതാനത്തിലെത്തി അന്യസസ്യങ്ങൾക്കു കിട്ടേണ്ട സൂര്യപ്രകാശം അപഹരിക്കും. ഈ കാരണങ്ങളാൽ ഇത് കാട്ടിലെ ഒരു കുറ്റവാളിയാണ്. ഇതിൻറെ വർഗോന്മൂലനം വനവിളയ്ക്ക് നല്ലതാണ്.

രൂപവിവരണം

കോർക്ക് പോലെ പരുപരുത്ത തൊലി കാണ്ഡങ്ങളിൽ ധാരാളം ജലം ശേഖരിച്ചു വൈക്കാറുണ്ട്. ഇല സം_യുക്ത പത്രമാണ്. മാർച്ചു മുതൽ മേയ് വരെയാണ് പൂക്കാലം. പൂക്കൾക്ക് ഇളം മഞ്ഞനിറമാണ്. ഏപ്രിലിൽ കായ് വിളഞ്ഞുതുടങ്ങും. കായ്ക്ക് ഒരു മീറ്ററോളം നീളവും 10-12 സെ.മീ. വീതിയും കാണും. വിത്തും പരന്നതാണ് ഇതിന് 5 സെ.മീ. വ്യാസമുണ്ടാകും. ബീജകഞ്ചുകത്തിന് കട്ടിയുണ്ട്. ഇരുണ്ട ചുവപ്പു നിറം.

ഉപയോഗം

ഈ വള്ളിയുടെ ഇല ഒഴികെയുള്ള ഭാഗങ്ങളിൽ സാപോനിൻ അടങ്ങിയിട്ടുണ്ട്. അതുകൊണ്ട് ഇതിൻറെ പത്രേതര ഭാഗങ്ങൾ ഭക്ഷണയോഗ്യമല്ല. ചിലർ വിത്തിലെ വെള്ളപ്പരിപ്പ് വെള്ളത്തിൽ കുതിർത്തതിനു ശേഷം വറുത്തുതിന്നാറുണ്ട്.