പന്നാലേകാജി ഗുഹകൾ
മഹാരാഷ്ട്രയിലെ രത്നഗിരി ജില്ലയിൽ സ്ഥിതി ചെയ്യുന്ന ബുദ്ധമത ഗുഹകളാണ് പന്നാലേകാജി ഗുഹകൾ. മുംബൈയിൽ നിന്നും ഏകദേശം 160 കിലോമീറ്റർ തെക്കുഭാഗത്താണ് ഇവയുടെ സ്ഥാനം. ഈ ഗുഹാസഞ്ചയത്തിൽ ഏതാണ്ട് മുപ്പതോളം ഗുഹകളുണ്ട്[1].
| പന്നാലേകാജി ഗുഹകൾ | |
|---|---|
 പന്നാലേകാജി ഗുഹകൾ | |
   | |
| Location | ദാപോലി, രത്നഗിരി, മഹാരാഷ്ട്ര |
| Coordinates | 17°38′44″N 73°14′42″E / 17.645678°N 73.245072°E |
സ്ഥാനം
തിരുത്തുകരത്നഗിരി ജില്ലയിലെ ദാപോലി നഗരത്തിൽ നിന്നും 31കിലോമീറ്റർ അകലെ ദാപോലി-ധാബോൽ റോഡിൽ നിന്നും ഉള്ളിലേക്ക് മാറി പന്നാലേ കാജി എന്ന ഗ്രാമത്തിൽ കോഡ്ജയ് നദിയുടെ കരയിലാണ് ഈ ഗുഹകൾ സ്ഥിതി ചെയ്യുന്നത്. കൊങ്കൺ റെയിൽവേയിലെ ഖേഡ് ആണ് ഏറ്റവുമടുത്തുള്ള റെയിൽവേ സ്റ്റേഷൻ.
ചരിത്രം
തിരുത്തുകഎ.ഡി. മൂന്നാം നൂറ്റാണ്ടിൽ ഹീനായന വിഭാഗമാണ് ഈ ഗുഹകൾ നിർമ്മിച്ചു തുടങ്ങിയത്. ഇപ്പോഴത്തെ ഗുഹ 5-ലെ സ്തൂപത്തിൽ നിന്നാണ് നിർമ്മിതി തുടങ്ങിയത്. ഗുഹകളിൽ ബ്രഹ്മി, ദേവനാഗരി ലിപികളിൽ ആലേഘനങ്ങളും കാണാം[1] . പത്താം നൂറ്റാണ്ടിൽ ബുദ്ധമതത്തിലെ മറ്റൊരു വിഭാഗമായ വജ്രയാന വിഭാഗം തങ്ങളുടെ ദേവതകളായ അക്ഷോഭ്യ, മഹാചന്ദരോഷന എന്നീ മൂർത്തികളുമായി ഗുഹ 10 സ്ഥാപിച്ചു[2]. ആ പ്രദേശത്തെ അവരുടെ അനുഷ്ഠാനങ്ങൾ ശക്തിപ്പെടുത്തുകയും ചെയ്തു. 13-ആം നൂറ്റാണ്ടിൽ നാഥ് എന്ന ഹിന്ദുമതവിഭാഗം ഈ ഗുഹകൾ ഏറ്റെടുത്തു[3]. സിൽഹാരാ ഭരണകാലത്ത് ഈ സ്ഥലത്ത് ശിവൻ, ഗണപതി എന്നീ ദേവതകളെ സ്ഥാപിച്ച് ആരാധന നടത്തി തുടങ്ങി.
അവലംബം
തിരുത്തുക- ↑ 1.0 1.1 ET Bureau (18 April 2013). "Quick getaway: Dapoli, Saharanpur, Nanjagud". Economic Times. Bennett, Coleman & Co. Ltd. Archived from the original on 2013-11-10. Retrieved 10 November 2013.
- ↑ Mitra, Debala (1984). India Archaeology 1981-82 (PDF). New Delhi: Archaeological Survey of India, Government of India. pp. 97, 98. Archived from the original (PDF) on 2013-11-26. Retrieved 10 November 2013.
- ↑ https://www.wondermondo.com/panhale-kaji/
