നിഷാപൂരിലെ അത്താറിന്റെ ശവകുടീരം

നിഷാപൂരിലെ അത്താറിന്റെ ശവകുടീരം (പേർഷ്യൻ: آرامگاه‌ عطار نیشابوری) വടക്കുകിഴക്കൻ ഇറാനിലെ നിഷാപൂർ നഗരത്തിൽ സ്ഥിതി ചെയ്യുന്ന പേർഷ്യൻ കവിയും സൂഫി സൈദ്ധാന്തികനുമായിരുന്ന അത്താറിൻറെ ശവകുടീരമാണ്. ഒമർ ഖയ്യാമിന്റെ ശവകുടീരത്തിനടുത്താണ് ഇത് സ്ഥിതി ചെയ്യുന്നത്.[1] അഷ്ടഭുജാകൃതിയിലുള്ള ഇതിൻറെ താഴികക്കുടം നീലിമയാർന്ന ഓടുകൾ പതിച്ച് ഉള്ളിയുടെ ആകൃതിയിൽ കാണപ്പെടുന്നു. 4 പ്രവേശന കവാടങ്ങളുള്ള ഇതിൻറെ വടക്കുഭാഗത്താണ് പ്രധാന കവാടം. ഈ ഘടന വർണ്ണപ്പകിട്ടുള്ള (പച്ച, മഞ്ഞ, നീല) ഒടുകളും കൊത്തുപണികളും കൊണ്ട് അലങ്കരിച്ചിരിക്കുന്നു. പ്ലാസ്റ്റർ കൊണ്ട് മൂടിയിരിക്കുന്ന ഉൾഭാഗത്ത് നാല് സീറ്റുകളുമുണ്ട്. ഏകദേശം 119 ചതുരശ്ര മീറ്റർ വിസ്തൃതിയുള്ള പൂന്തോട്ടത്തിനുനടുവിലാണ് ശവകുടീരം സ്ഥിതി ചെയ്യുന്നത്. അക്കാലത്തെ പ്രശസ്ത ചിത്രകാരൻ കമാൽ-ഓൾ-മോൾക്കിന്റെ ശവകുടീരവും ഈ പൂന്തോട്ടത്തിന്റെ ഒരു ഭാഗത്തായാണ് സ്ഥിതി ചെയ്യുന്നത്. പേർഷ്യയിലെ തിമുറിദ് രാജവംശത്തിന്റെ ഭരണകാലത്ത് അലി-ഷിർ നവായിയുടെ ഉത്തരവനുസരിച്ചാണ് ഈ ശവകുടീരം നിർമ്മിക്കപ്പെട്ടത്.

അത്താറിന്റെ ശവകുടീരം, നിഷാപൂർ
آرامگاه عطار نیشابوری
Map
അടിസ്ഥാന വിവരങ്ങൾ
നിലവിലെ സ്ഥിതിOpen to the public
വാസ്തുശൈലിPersian architecture
നഗരംNishapur
രാജ്യം Iran
പദ്ധതി അവസാനിച്ച ദിവസംTimurid Empire (by order of Ali-Shir Nava'i)

അവലംബം തിരുത്തുക

  1. Rypka 1968, പുറം. 587.