നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ

ഇന്ത്യയിലെ ഓപ്പറേറ്റിങ് റീട്ടെയിൽ പേയ്മെന്റ്, സെറ്റിൽമെന്റ് സംവിധാനം എന്നിവ ഒരു കുടക്കീഴിലാക്കുവാനായി സ്ഥാപിക്കപ്പെട്ടതാണ് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (എൻപിസിഐ).

നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ

യഥാർഥ നാമം	भारतीय राष्ट्रीय भुगतान निगम
Type	ലാഭേച്ഛയില്ലാതെ പ്രവർത്തിയ്കുന്ന കമ്പനി
വ്യവസായം	പണമിടപാട്
സ്ഥാപിതം	2008
ആസ്ഥാനം	മുംബൈ, മഹാരാഷ്ട്ര, ഇന്ത്യ
പ്രധാന വ്യക്തി	ബിശ്വമോഹൻ മഹാപാത്ര (Non-Exe ചെയർമാൻ) ദിലീപ് അബ്സെ (MD and CEO)
ഉത്പന്നങ്ങൾ	റുപേ കാർഡ്, ഭീം ആപ്പ്, യുപിഐ
ജീവനക്കാരുടെ എണ്ണം	1000+
വെബ്സൈറ്റ്	npci.org.in

ഘടന

കമ്പനീസ് ആക്ട് 2013 ലെ സെക്ഷൻ 8 പ്രകാരം രജിസ്റ്റർ ചെയ്ത ലാഭേച്ഛയില്ലാത്ത സംഘടനയാണ് എൻപിസിഐ. ഈ സ്ഥാപനം പ്രധാന ബാങ്കുകളുടെ കൺസോർഷ്യത്തിന്റെ ഉടമസ്ഥതയിലുള്ളതാണ്. റിസർവ് ബാങ്ക് ഓഫ് ഇന്ത്യയാണ് ഇവരുടെ പ്രധാന പ്രമോട്ടർ. 2008 ഡിസംബറിലാണ് എൻപിസിഐ രൂപീകരിച്ചത്.

നിലവിൽ, സ്റ്റേറ്റ് ബാങ്ക് ഓഫ് ഇന്ത്യ , പഞ്ചാബ് നാഷണൽ ബാങ്ക് , കാനറ ബാങ്ക് , ബാങ്ക് ഓഫ് ബറോഡ , യൂണിയൻ ബാങ്ക് ഓഫ് ഇന്ത്യ , ബാങ്ക് ഓഫ് ഇന്ത്യ , ഐസിഐസിഐ ബാങ്ക് , എച്ച്ഡിഎഫ്സി ബാങ്ക് , സിറ്റിബാങ്ക് , എച്ച്എസ്ബിസി എന്നിവയാണ് എൻപിസിഐയുടെ കോർ പ്രമോട്ടർമാർ. നോൺ എക്സിക്യൂട്ടീവ് ചെയർമാൻ ബിസ്വാമോഹൻ മഹാപാത്രയും, റിസർവ് ബാങ്ക് ഓഫ് ഇന്ത്യയുടെ നോമിനികളും, കോർ പ്രമോട്ടർമാരായ ബാങ്കുകളുടെ നോമിനികളും ഉൾപ്പെട്ടതാണ് ഡയറക്ടർ ബോർഡ്. ദിലീപ് അസ്ബെയാണ് നിലവിൽ എൻപിസിഐയുടെ ചീഫ് എക്സിക്യൂട്ടീവ് ഓഫീസർ.

സേവനങ്ങൾ

ഈ കോർപ്പറേഷൻ നൽകുന്ന സേവനങ്ങളിൽ ഉൾപ്പെടുന്നവായാണ്

• റുപേ
• ഭാരത് ഇൻറർഫേസ് ഫോർ മണി
• യൂണിഫൈഡ് പെയ്മെന്റ്സ് ഇന്റർഫേസ് (യുപിഐ)
• ഭാരത് ബിൽപേ
• ഇമ്മീഡിയറ്റ് പേയ്മെന്റ് സർവ്വീസ് (ഐ.എം.പി.എസ്)
• ചെക്ക് ട്രങ്കേഷൻ സംവിധാനം
• നാഷൽ ഫിനാൻസ് സ്വിച്ച്
• ആധാർ അധിഷ്ടിത പേയ്മെന്റ് സംവിധാനം
• ഭാരത് ക്യൂ.ആർ
• നാഷണൽ ഇലക്ട്രോണിക് ടോൾ കളക്ഷൻ

പുരസ്കാരങ്ങൾ

• BHIM UPI വികസിപ്പിച്ചതിന് 2018ലെ ഗോൾഡൻ പീക്കോക്ക് ഇന്നൊവേറ്റീവ് പ്രൊഡക്ട്/സർവീസ് അവാർഡ് ലഭിച്ചു.
• 2018 ലെ പോളിസി ആൾട്ടർനേറ്റീവ് ഏജന്റ് ഓഫ് ദ ഇയറായി എൻപിസിഐയെ എക്കണോമിക്സ് ടൈംസ് തിരഞ്ഞെടുത്തു .

ഇതും കാണുക

• RuPay
• ഏകീകൃത പണമടയ്ക്കൽ സമ്പർക്കമുഖം (യുപിഐ)

പുറം കണ്ണികൾ

• Official site
• CTCircular Archived 2011-07-21 at the Wayback Machine.
• Bharat Bill Pay