തൾഗഡ്

മഹാരാഷ്ട്രയിലെ രോഹ പട്ടണത്തിൽ നിന്ന് 18 കിലോമീറ്റർ തെക്കായി, 1000 അടി ഉയരത്തിൽ സ്ഥിതി ചെയ്യുന്ന ഒരു കോട്ടയാണ് തൾഗഡ്.തളേഗഡ്, തളാഗഡ് എന്നും വിളിക്കപ്പെടുന്നു. 20 മീറ്റർ വീതിയുള്ള ഇടാനാഴിയുടെ രൂപത്തിലാണ് ഈ കോട്ട. ഈ കോട്ട ഒരു ഇടുങ്ങിയ കുതിപ്പിലാണ് സ്ഥിതി ചെയ്യുന്നത്. മാവൽ പ്രദേശത്തു നിന്നും കടൽ തുറമുഖങ്ങളിലേക്കുള്ള വ്യാപാര പാതയെ നിരീക്ഷിക്കാൻ ഈ കോട്ട സഹായിച്ചു. ജഞ്ജീറയിലെ സിദ്ധിമാരുടെ നീക്കങ്ങൾ നിരീക്ഷിക്കാനും ഈ കോട്ട ഉപയോഗിച്ചിരുന്നു. ഈ കോട്ടയിൽ നിന്ന് കാണാ‍വുന്ന അകലത്തിലാണ് പ്രദേശത്തെ മറ്റൊരു കോട്ടയായ ഘോസാളേഗഡ്.

തൾഗഡ് കോട്ട
റായ്ഗഡ് ജില്ല, മഹാരാഷ്ട്ര
തൾഗഡ് കോട്ട
തൾഗഡ് കോട്ട
Coordinates	18°17′32.6″N 73°08′09.3″E
തരം	Hill fort
Site information
Owner	ഇന്ത്യാ ഗവണ്മെന്റ്
Open to the public	അതെ
Condition	നാശോന്മുഖം
Site history
Materials	കല്ല്
Height	304മീ(1000 അടി)

ചരിത്രം

ആരാണ് ഈ കോട്ട നിർമ്മിച്ചതെന്ന് അറിവില്ല. പതിനാറാം നൂറ്റാണ്ടിൽ ബിജാപൂരിലെ ആദിൽഷായുടെ നിയന്ത്രണത്തിലായിരുന്നു ഈ കോട്ട. 1648-ൽ ശിവാജി ഈ കോട്ട നേടി.1659-ൽ പ്രതാപ്ഗഡിൽ വെച്ച് അഫ്സൽഖാൻ ശിവാജിയെ കൊല്ലാൻ ശ്രമിച്ചപ്പോൾ ജൻജിറയിലെ സിദ്ധിയുടെ സൈന്യം ഈ കോട്ട വളഞ്ഞു. എന്നിരുന്നാലും, ശിവാജി അഫ്സൽഖാനെ കൊന്നു, ഇത് അറിഞ്ഞ് സിദ്ധി സൈന്യത്തോടൊപ്പം ജഞ്ജിറയിലേക്ക് മടങ്ങി. പുരന്ദർ ഉടമ്പടിയിൽ, മറ്റ് 11 കോട്ടകൾക്കൊപ്പം ഈ കോട്ടയും ശിവജി തന്റെ പക്കൽ സൂക്ഷിച്ചു, മറ്റ് കോട്ടകൾ കീഴടങ്ങി. ശിവാജിയുടെ മരണശേഷം ഈ കോട്ട സിദ്ധി പിടിച്ചെടുത്തു. 1735-ൽ ബാജിറാവു പേഷ്വ ഒന്നാമൻ മറാഠാ ഭരണത്തിൻ കീഴിൽ ഈ കോട്ട പിടിച്ചെടുത്തു. ഒടുവിൽ 1818-ൽ കേണൽ പ്രോതർ ഈ കോട്ട കീഴടക്കി. ഛത്രപതി ശിവാജി കിരീടധാരണ സമയത്ത് ധരിച്ചിരുന്ന വസ്ത്രങ്ങൾ ഈ കോട്ടയിൽ നിന്നാണ് കൊണ്ടുവന്നതെന്നും പറയപ്പെടുന്നു.

ചിത്രശാല

• 
  പീരങ്കികൾ
• 
  കൊത്തളം
• 
  പീരങ്കി
• 
  പീരങ്കി
• 
  കോട്ടയുടെ പ്രവേശനകവാടം
• 
  പ്രവേശനകവാടത്തിനു സമീപമുള്ള ഹനുമാൻ ശില്പം
• 
  ശിവലിംഗം
• 
  പ്രവേശനകവാടത്തിനു സമീപമുള്ള ശരഭപ്രതിമ
• 
  കോട്ടയിലേക്കുള്ള കരിങ്കൽ പടികൾ
• 
  കോട്ടക്ക് മുകളിലെ ജലസംഭരണി