തബരനകഥെ

Tabarana Kathe
Tabarana Kathe
സംവിധാനം	ഗിരീഷ് കാസറവള്ളി
നിർമ്മാണം	Girish Kasaravalli
രചന	Poornachandra Tejaswi
തിരക്കഥ	Girish Kasaravalli
സംഭാഷണം	Poornachandra Tejaswi
അഭിനേതാക്കൾ	Nalini Murthy ; R. Nagesh ; Charuhasan
സംഗീതം	L. Vaidyanathan
ഛായാഗ്രഹണം	മധു അമ്പാട്ട്
രാജ്യം	India
ഭാഷ	കർണാടക
സമയദൈർഘ്യം	110 minutes

1987 ൽ പുറത്തിറങ്ങിയ കന്നഡ ചലച്ചിത്രം ആണ് 'തബരനകഥെ' (കന്നഡ: ತಬರನ ಕಥೆ). ദേശീയപുരസ്കാരം നേടിയ ഈ ചിത്രം ഗിരീഷ് കാസറവള്ളിയാണ് സംവിധാനം ചെയ്തവതരിപ്പിച്ചത്. പൂർണചന്ദ്രതേജസ്വിയുടെ ചെറുകഥയെ ആസ്പദമാക്കി നിർമിച്ച ഈ ചലച്ചിത്രത്തിന്റെ സംഭാഷണങ്ങൾ എഴുതിയതും അദ്ദേഹം തന്നെയാണ്. മലയാളിയായ മധു അമ്പാട്ട് ഛായാഗ്രഹണം നിർവഹിച്ച ഈ ചിത്രത്തിലെ മുഖ്യതാരങ്ങൾ ചാരുഹാസൻ, നളിനാമൂർത്തി, കൃഷ്ണമൂർത്തി, മാസ്റ്റർ സന്തോഷ് തുടങ്ങിയവരാണ്.

പ്രമേയം തിരുത്തുക

ഒരു മുനിസിപ്പൽ ഓഫീസിലെ കീഴ്ജീവനക്കാരനായ തബരയുടെ കഥയാണ് ചലച്ചിത്രം വ്യത്യസ്ത വീക്ഷണകോണുകളിലൂടെ അവതരിപ്പിച്ചിരിക്കുന്നത്. സ്വതന്ത്ര ഭാരതത്തിലെ ഒരു സർക്കാരുദ്യോഗസ്ഥൻ എന്ന അഭിമാനം മനസ്സിൽ കാത്തുസൂക്ഷിക്കുന്ന അയാൾ കൃത്യനിർവഹണത്തിൽ യാതൊരു വിട്ടുവീഴ്ചയ്ക്കും തയ്യാറാകുന്നില്ല. ആ സത്യസന്ധത കാപ്പിത്തോട്ടമുടമകളുടെ അപ്രീതിക്കു കാരണമാകുന്നു. അത് തബരയുടെ പെൻഷൻ മുടക്കി. തുടർന്ന് സാമ്പത്തിക പ്രയാസത്തിലേക്കാഴ്ന്ന തബരയുടെ അതിജീവനത്തിന്റെ കഥ കൊളോണിയൽ, ബ്യൂറോക്രാറ്റിക് വീക്ഷണകോണുകളിലൂടെയും തബരയെ അംഗീകരിക്കുന്നവരുടെ കാഴ്ചപ്പാടിലൂടെയും ഒരനാഥബാലന്റെ കാഴ്ചപ്പാടിലൂടെയും അവതരിപ്പിക്കുന്നു ഈ ചലച്ചിത്രം. യഥാതഥ രീതിയോടൊപ്പം സർറിയലിസ്റ്റിക് സങ്കേതങ്ങളും ചലച്ചിത്രത്തിൽ അനുവർത്തിച്ചിട്ടുണ്ട്.