ഡർബൻ

ദക്ഷിണാഫ്രിക്കയിലെ ഒരു പ്രധാന തുറമുഖ നഗരമാണ് ഡർബൻ. മുൻ നേറ്റാൾ പ്രവിശ്യയിലെ ഏറ്റവും വലിയ നഗരമായ ഡർബൻ ദക്ഷിണാഫ്രിക്കൻ നഗരങ്ങളിൽ മൂന്നാം സ്ഥാനത്ത് നിൽക്കുന്നു. ഇപ്പോഴത്തെ ക്വാസുലു-നേറ്റാൾ (Kwazulu-Natal) പ്രവിശ്യയുടെ ഭാഗമായ ഡർബൻ ഉംഗെനി (Umgeni) നദിക്കു തെ. നേറ്റാൾ ഉൾക്കടലിന്റെ ഉത്തര തീരത്ത് സ്ഥിതി ചെയ്യുന്നു. ഇന്ത്യൻ സമുദ്ര തീരത്തിലെ ഒരു പ്രധാന ശൈത്യകാല വിശ്രമ സങ്കേതമാണ് ഡർബൻ. ജനസംഖ്യ: 2554400 (99 est).

ഡർബൻ eThekwini
Seal
Country	South Africa
Province	KwaZulu-Natal
Established	1835
Government
• മേയർ	Obed Mlaba(ANC)
വിസ്തീർണ്ണം
• ആകെ	2,291.89 കി.മീ.2 (884.90 ച മൈ)
ജനസംഖ്യ  (2007)
• ആകെ	34,68,086
• ജനസാന്ദ്രത	1,513/കി.മീ.2(3,920/ച മൈ)
സമയമേഖല	UTC+2 (SAST)
Area code(s)	031
വെബ്സൈറ്റ്	Official Durban city website

1824-ൽ ലെഫ്. ഫ്രാൻസിസ് ഫെയർവെലിന്റെ (Lt.Francis Farewell) നേത്യത്വത്തിലുള്ള 25 അംഗസംഘം ഇവിടെ താവളമുറപ്പിച്ചതോടെയാണ് ഡർബൻ അറിയപ്പെട്ടു തുടങ്ങിയത്. അന്ന് പോർട്ട് നേറ്റാൾ എന്നായിരുന്നു നഗരത്തിന്റെ പേര്. 1835-ൽ ഈ പ്രദേശം ഡർബൻ എന്ന് പുനർ നാമകരണം ചെയ്യപ്പെട്ടു. 1866-ൽ ഇവിടെ സ്വർണ നിക്ഷേപം കണ്ടെത്തുന്നതുവരെ നഗര വികസനം മന്ദഗതിയിലായിരുന്നു. 1884-86 -ലെ നേറ്റാൾ സ്വർണ വേട്ട ഈ നഗരത്തിന്റെ സമ്പൽ സമൃദ്ധിക്ക് ആക്കം കൂട്ടി. 1895-ൽ ഡർബനെയും, ജൊഹാനസ്ബർഗിനെയും ബന്ധിപ്പിക്കുന്ന റെയിൽപ്പാതയുടെ നിർമ്മാണം നഗരത്തിന്റേയും തുറമുഖത്തിന്റേയും ദ്രുതഗതിയിലുള്ള വികസനത്തിന് വഴിയൊരുക്കി. ഐക്യരാഷ്ട്ര സംഘടനയുടെ ആഭിമുഖ്യത്തിൽ 2001 ആഗ. -31 മുതൽ സെപ്. 8-വരെ നടന്ന പ്രഥമ ലോകവംശീയതാവിവേചന വിരുദ്ധ സമ്മേളനത്തിന്റെ വേദിയായിരുന്നു ഡർബൻ.

ഗാന്ധിസ്മൃതികൾ

നഗരത്തിൽ നിന്ന് ഏതാണ്ട് 25 കിലോമീറ്റർ വടക്കു പടിഞ്ഞാറായാണ് മോഹൻദാസ് കരംചന്ദ് ഗാന്ധി മുൻകൈ എടുത്തു നിർമിച്ച ഫിനിക്സ് അധിവാസപ്രദേശം. ഗാന്ധി അഹിംസാ പ്രസ്ഥാനത്തിനും സത്യാഗ്രഹത്തിനും രൂപകല്പന നല്കിയതും , ആദ്യമായി പ്രയോഗത്തിൽ വരുത്തിയതും ഇവിടെ വെച്ചാണ്. ഗാന്ധിയുടെ വസതിയും അതിനോടു ചേർന്ന ഉദ്യാനവും പ്രിന്റിംഗ് പ്രസ്സും, ഇന്ന് ഒരു മ്യൂസിയമാണ്.

• 

  ഗാന്ധിയുടെ പ്രസ്സ് നിന്നിരുന്ന കെട്ടിടം

• 

  സർവോദയാ ആശ്രമം ഇന്ന്

• 

  ഇന്ത്യൻ ഒപീനിയൻ അച്ചടിച്ചിരുന്ന അച്ചടിയന്ത്രം

• 

  അങ്കണത്തിലെ ഗാന്ധി പ്രതിമ

• 

  ഗാന്ധി പീറ്റർ മാരിസ് ബർ ഗ് അധികാരികൾക്കയച്ച കത്തിന്റെ പകർ പ്പ്

• 

  ആശ്രമത്തോടു ചേർന്ന ഉദ്യാനം

പ്രമാണങ്ങൾ

• Municipal Demarcation Board Archived 2009-04-26 at the Wayback Machine.
• Statssal
• Independent Electoral Commission 2004 election results
• FallingRain Map - elevation = 46 m

മറ്റ് ലിങ്കുകൾ

• Official Durban city website Archived 1996-03-29 at the Wayback Machine.
• Durban harbour
• Things to do in Durban Archived 2009-04-20 at the Wayback Machine.

• വിക്കിവൊയേജിൽ നിന്നുള്ള ഡർബൻ യാത്രാ സഹായി
• Durban is at coordinates 29°53′S 31°03′E