ടൈക്കോ ബ്രാഹെ

16-ആം നൂറ്റാണ്ടിലെ പ്രശസ്തനായ ജ്യോതിശാസ്ത്രജ്ഞനാണ്‌ ടൈക്കോ ബ്രാഹെ(1546-1601).ദൂരദർശിനി പോലും കണ്ടുപിടിയ്ക്കപ്പെടുന്നതിനു മുൻപ് ചൊവ്വയെക്കുറിച്ച് കൃത്യമായ വിവരങ്ങൾ നൽകാൻ അദ്ദേഹത്തിനു കഴിഞ്ഞു.സൂര്യന്റെയും ,ഗ്രഹങ്ങളുടെയും സ്ഥാനചലനപ്പട്ടികകൾ വളരെ കൃത്യതയോടെ രേഖപ്പെടുത്തി.വർഷത്തിന്റെ നീളം കൃത്യമായി കണക്കാക്കിയതും അദ്ദേഹമാണ്‌.ജൊഹാൻസ് കെപ്ലർ ബ്രാഹെയുടെ ശിഷ്യനായിരുന്നു. അവരിരുവരും,"ജ്യോതിശാസ്ത്രത്തിലെ ഇരട്ടനക്ഷത്രങ്ങൾ" എന്നറിയപ്പെടുന്നു.

ടൈക്കോ ബ്രാഹെ
ജനനം	ഡിസംബർ 14,1546 നഡ്സ്ട്രപ്,സ്വീഡൻ
മരണം	ഒക്ടോബർ 24,1601 പ്രാഗ്,ജർമനി
ദേശീയത	ഡാനിഷ്
അറിയപ്പെടുന്നത്	ടൈക്കോയുടെ നക്ഷത്രം,ചൊവ്വയെക്കുറിച്ചുള്ള പഠനം,ഗ്രഹങ്ങളുടെ സ്ഥാന ചലനപ്പട്ടികകൾ
Scientific career
Fields	ജ്യോതിശാസ്ത്രം

ബ്രാഹെയുടെ De nova stella(പുതിയ നക്ഷത്രം) എന്ന കൃതി 1573ൽ പുറത്തുവന്നു. ഇതിനെ തുടർന്ന് അരിസ്റ്റോട്ടിലിയൻ വിശ്വാസമായ മാറ്റമില്ലാത്ത ഖഗോളം എന്ന സങ്കല്പം ചോദ്യം ചെയ്യപ്പെട്ടു.