ടി.വി.ആർ. ഷേണായ്

പ്രമുഖനായ പത്രപ്രവർത്തകനും പംക്തികാരനുമായിരുന്നു ടി.വി.ആർ. ഷേണായ്. (ജനനം: 1941 ജൂൺ 10, മരണം: 2018 ഏപ്രിൽ 17). ഇന്ത്യൻ എക്സ്പ്രസ്സ്, മലയാള മനോരമ, ദ് വീക്ക്, സൺഡേ മെയിൽ, തുടങ്ങിയ പത്രപ്രസിദ്ധീകരണങ്ങളിൽ വിവിധ കാലങ്ങളിലായി ഉന്നതസ്ഥാനങ്ങളിൽ സേവനം ചെയ്തിട്ടുണ്ട്. 2003-ൽ ഭാരത സർക്കാർ അദ്ദേഹത്തിന് പത്മഭൂഷൺ നൽകി ആദരിയ്ക്കുകയുണ്ടായി. മൊറോക്കോ രാജാവിന്റെ പരമോന്നതബഹുമതിയായ അലാവിറ്റ കമാൻഡർ വിസ്ഡം ലഭിച്ചിട്ടുണ്ട്.

Image of TVR Shenoy

ജനനം

എറണാകുളം ജില്ലയിലെ ചെറായി എന്ന ഗ്രാമത്തിൽ വിട്ടപ്പ ഷേണായിയുടേയും സുനീതാ ബായിയുടേയും മകനായി 1941 ജൂൺ 10-നാണ് ഷേണായി ജനിച്ചത്. ആദ്യവർഷങ്ങളിൽ പഠനം വീട്ടിൽ വെച്ചു തന്നെയായിരുന്നു. ചെറായി രാമവർമ്മ യൂണിയൻ ഹൈസ്കൂളിൽ ആറാം ക്ലാസ്സിൽ ചേർന്നാണ് ഔദ്യോഗികവിദ്യാഭ്യാസം തുടങ്ങിവെച്ചത്. എറണാകുളം മഹാരാജാസ് കോളേജിൽ ബി.എ. ബിരുദമെടുത്തു. അവിടെ അദ്ദേഹത്തിന്റെ സഹപാഠിയായിരുന്നു ഏ.കെ. ആന്റണി. 1957-ൽ ഷേണായി മഹാരാജാസ് കോളേജ് യൂണിയൻ സെക്രട്ടറിയായി. തുടർന്ന് ബോംബേ സർവ്വകലാശാലയിൽനിന്ന് ഇംഗ്ലീഷ് സാഹിത്യത്തിൽ ബിരുദാനന്തരബിരുദം നേടി. പഠനശേഷം മുംബൈയിൽ വെച്ചുതന്നെ പത്രപ്രസാധനരംഗത്തേക്ക് കാലെടുത്തുവെച്ചു.

അവലംബം

• India First Foundation Archived 2011-09-29 at the Wayback Machine.
• Kamat.com
• [1]