ഐ, ഡാനിയേൽ ബ്ലേക്ക്

ആഗോളസാമ്പത്തികമാന്ദ്യം കാരണം ബ്രിട്ടൻ ഉൾപ്പെടെയുള്ള പല പാശ്ചാത്യ രാജ്യങ്ങളിലും വ്യപക തൊഴിലില്ലായ്മ ഉണ്ടായി. ജോലി നഷ്ടപ്പെട്ട ഒരു വൃദ്ധനെക്കുറിച്ചുള്ള ഒരു 2016 ഇംഗ്ലീഷ് ചലചിത്രമാണ് ഞാൻ, ഡാനിയേൽ ബ്ലേക്ക് (I, Daniel Blake). 2016-ലെ കാൻ ചലച്ചിത്രോത്സവത്തിൽ ഇതിന് ഗോൾഡൻ പാം പുരസ്കാരം ലഭിച്ചു.

ഞാൻ, ഡാനിയേൽ ബ്ലേക്ക്
സംവിധാനം	കെൻ ലോച്ച്
നിർമ്മാണം	റെബേക്കാ ഓബ്രയൻ
രചന	പോൾ ലാവെർട്ടി
അഭിനേതാക്കൾ	ഡേവ് ജോൺസ്, ഹേലീ സ്ക്വയേഴ്സ്
ഛായാഗ്രഹണം	റോബീ റ്യാൻ
ചിത്രസംയോജനം	ജൊനാഥൻ മോറിസ്
സ്റ്റുഡിയോ	സിക്സ്റ്റീൻ ഫിലിംസ് ബ്രിട്ടിഷ് ഫിലിം ഇൻസ്റ്റിറ്റ്യൂട്ട് വൈ നോട്ട് പ്രഡക്ഷൻസ് വൈൽഡ് ബഞ്ച് ബീ. ബീ. സി. ഫിലിംസ്
വിതരണം	ഈ-വൺ ഫിലിംസ്
റിലീസിങ് തീയതി	13 മേയ് 2016 (2016-05-13)
രാജ്യം	ബ്രിട്ടൻ, ഫ്രാൻസ്, ബെൽജിയം
ഭാഷ	ഇംഗ്ലീഷ്
സമയദൈർഘ്യം	100 minutes
ആകെ	158 ലക്ഷം ഡോളർ

കഥാസാരം

59-കാരനായ ഡാനിയേൽ ബ്ലേക്കിന് ഒരു ഹൃദയാഘാതം ഉണ്ടാകുന്നു. ഹൃദ്രോഗം കാരണം ജോലിക്ക് പോകരുതെന്ന് ഡോക്റ്റർ സാക്ഷ്യപ്പെടുത്തിയിട്ടും ഡാനിയേൽ ബ്ലേക്കിന് ജോലി നഷ്ടപ്പെട്ടവർക്കുള്ള സർക്കാർ സഹായം കിട്ടുന്നില്ല. ഇതിനെതിരെ പരാതിപ്പെടേണ്ടത് കമ്പ്യൂട്ടർ വഴിയാണ്. കമ്പ്യൂട്ടർ] ഉപയോഗിക്കാൻ ബ്ലേക്കിന് അറിയില്ല. ഒരിക്കൽ തലയുയർത്തി നടന്നിരുന്ന ബ്ലേക്ക് നിയമങ്ങളുടേയും ഉദ്യോഗസ്ഥരുടേയും വീഴ്ചകൾകാരണം ഒരു യാചകനെപ്പോലെ ജീവിക്കുകയും മരിക്കുകയും ചെയ്യുന്നു.

നിരൂപകപ്രശംസ

റോട്ടൺ റ്റൊമാറ്റോസ് 92%-വും മെറ്റാക്രിറ്റിക് 100-ൽ 78-ഉം സ്കോർ നൽകി. ഗാർഡിയൻ പത്രത്തിനുവേണ്ടി മാർക്ക് കെർമോഡ് ഈ ചിത്രത്തിന് അഞ്ചിൽ അഞ്ച് നക്ഷത്രങ്ങൾ നൽകി. കെൻ സാമ്പത്തികമായി ലോച്ചിന്റെ എറ്റവും വലിയ വിജയമായിരുന്നു ഐ, ഡാനിയേൽ ബ്ലേക്ക്.

വിവാദം

ബ്രിട്ടനിലെ തൊഴിലില്ലായ്മയും ജോലി നഷ്ട്ടപ്പെട്ടവർക്കുള്ള സർക്കാർ സഹായങ്ങളുടെ അഭാവവും ഈ ചിത്രം ചൂണ്ടിക്കാണിച്ചിരുന്നു. അതിനാൽ തൊഴിൽമന്ത്രി അയാൻ ഡങ്കൺ സ്മിത്തും കച്ചവടമന്ത്രി ഗ്രെഗ് ക്ലാർക്കും ഈ ചലചിത്രത്തെ വിമർശിച്ചു. പ്രതിപക്ഷ നേതാവും ലേബർ പാർട്ടിക്കാരനുമായ ജെർമി കോർബിൻ ഈ ചിത്രം സംവിധായകൻ കെൻ ലോച്ചിനോടൊപ്പം കാണുകയും ബ്രിട്ടിഷ് പ്രധാനമന്ത്രി തെരേസാ മേ ഇത് ശ്രദ്ധിക്കണമെന്ന് പറയുകയും ചെയ്തു.