ജോർജ് ലോറൻസ്
ബ്രിട്ടീഷ് ഈസ്റ്റ് ഇന്ത്യ കമ്പനിക്കുവേണ്ടി ഇന്ത്യയിൽ ജോലിയെടുത്തിരുന്ന സൈനികനും ഭരണകർത്താവുമായിരുന്നു ജോർജ് ലോറൻസ് (ഇംഗ്ലീഷ്: George Lawrence) എന്ന ജോർജ് സെയിന്റ് പാട്രിക് ലോറൻസ്. കമ്പനിക്കുവേണ്ടി ഒന്നാം ആംഗ്ലോ-അഫ്ഗാൻ യുദ്ധം, ആംഗ്ലോ-സിഖ് യുദ്ധങ്ങൾ എന്നിവയിൽ പങ്കെടുത്തിട്ടുണ്ട്. ഇരുയുദ്ധങ്ങളിലും തടവുകാരനായി പിടിക്കപ്പെട്ടിരുന്നു.[1] 1840-കളുടെ ആരംഭത്തിൽ കാബൂളിലെ ബ്രിട്ടീഷ് നയതന്ത്രപ്രതിനിധിയായിരുന്ന വില്യം മക്നാട്ടന്റെ സൈനിക സെക്രട്ടറിയായിരുന്നു.[2] ബ്രിട്ടീഷ് ഇന്ത്യയിലെ പ്രമുഖ ഭരണകർത്താക്കളായിരുന്ന ജോൺ ലോറൻസ്, ഹെൻറി ലോറൻസ് എന്നിവർ ജോർജിന്റെ ഇളയ സഹോദരന്മാരാണ്. ഹെൻറി പഞ്ചാബിന്റെ റെസിഡന്റായിരുന്ന അവസരത്തിൽ അദ്ദേഹത്തിന്റെ സഹായിയായി പെഷവാറിന്റെ ഭരണകർത്താവായും ജോർജ് ജോലിയെടുത്തിരുന്നു. രണ്ടാം ആംഗ്ലോ-സിഖ് യുദ്ധസമയത്ത്, സിഖുകാരെ സഹായിച്ചിരുന്ന ദോസ്ത് മുഹമ്മദ് ഖാന്റെ സഹോദരനായിരുന്ന സുൽത്താൻ മുഹമ്മദ് ഖാനാണ് ജോർജിനെ തടവിലാക്കിയത്. പിന്നീടദ്ദേഹത്തെ ഷേർ സിങ് അട്ടാരിവാലക്ക് കൈമാറുകയുമായിരുന്നു. ഇക്കാലത്ത് സന്ധിവ്യവസ്ഥകളറിയിക്കാൻ ദൂതനായി ഷേർ സിങ്, ജോർജിനെയായിരുന്നു നിയോഗിച്ചിരുന്നത്.[1]
| ജനറൽ സർ ജോർജ് സെയിന്റ് പാട്രിക് ലോറൻസ് ജി.സി.എസ്.ഐ., കെ.സി.ബി. | |
|---|---|
,_by_A._Murano.jpg) | |
| ജനനം | മാർച്ച് 17, 1804 ട്രിങ്കോമാലി, സിലോൺ |
| മരണം | നവംബർ 16, 1884 (പ്രായം 80) ലണ്ടൻ, ഇംഗ്ലണ്ട് |
| ദേശീയത | .svg){kind=small} യു.കെ..svg){kind=small} ഈസ്റ്റ് ഇന്ത്യ കമ്പനി |
| വിഭാഗം | ബംഗാൾ ആർമി |
| ജോലിക്കാലം | 1821-1866 |
| പദവി | ജനറൽ |
| യൂനിറ്റ് | സെക്കൻഡ് ബംഗാൾ ലൈറ്റ് കാവൽറി |
| യുദ്ധങ്ങൾ | ഒന്നാം ആംഗ്ലോ-അഫ്ഗാൻ യുദ്ധം ഒന്നാം ആംഗ്ലോ-സിഖ് യുദ്ധം രണ്ടാം ആംഗ്ലോ സിഖ് യുദ്ധം ഇന്ത്യൻ ലഹള |
| പുരസ്കാരങ്ങൾ |  ഓഡർ ഓഫ് ദുറാനി എമ്പയർ കന്ദഹാർ, ഗസ്നി, കാബൂൾ മെഡൽ സത്ലുജ് മെഡൽ പഞ്ചാബ് മെഡൽ ഇന്ത്യ ജനറൽ സെർവീസ് മെഡൽ ഇന്ത്യൻ മ്യൂട്ടിനി മെഡൽ |
| ബന്ധുക്കൾ | സർ ഹെൻറി ലോറൻസ് ജോൺ ലോറൻസ് അലക്സാണ്ടർ ലോറൻസ് |
| മറ്റു തൊഴിലുകൾ | കൊളോണിയർ ഭരണകർത്താവ് |
ഇന്ത്യയിലെ തന്റെ 43 വർഷത്തെ ഔദ്യോഗികജീവിതത്തെപ്പറ്റി, റെമിനിസെൻസ് ഓഫ് 43 യേഴ്സ് ഇൻ ഇന്ത്യ (ഇംഗ്ലീഷ്: Reminiscences of forty-three years in India) എന്ന ഒരു പുസ്തകം 1874-ൽ അദ്ദേഹം പുറത്തിറക്കിയിരുന്നു.
അവലംബം
തിരുത്തുക- ↑ 1.0 1.1 ഹാരോൾഡ് ലീ (2002, 2004 (രണ്ടാം പതിപ്പ്)). "9 - 'റാതെർ ഡെലിക്കേറ്റ്ലി സിറ്റ്വേറ്റെഡ്' - ഹെൻറി ആൻഡ് ദ ന്യൂ പഞ്ചാബ് രാജ് 1848 - 1849 ('Rather Delicately Situated' - Henry and the New Punjab Raj 1848 - 1849)". ബ്രദേഴ്സ് ഇൻ ദ രാജ് - ദ ലൈവ്സ് ഓഫ് ജോൺ ആൻഡ് ഹെൻറി ലോറൻസ് (in ഇംഗ്ലീഷ്). ഓക്സ്ഫഡ് സർവകലാശാല പ്രെസ്. pp. 230, 234. ISBN 019579415 X. Retrieved 2012 നവംബർ 17.
{{cite book}}: Check date values in:|accessdate=and|year=(help)CS1 maint: year (link) - ↑ William Dalrymple, Return of a King (2012), Google books preview
പുറത്തേക്കുള്ള കണ്ണികൾ
തിരുത്തുക- ജോർജ് രചിച്ച റെമിനിസെൻസ് ഓഫ് 43 യേഴ്സ് ഇൻ ഇന്ത്യ എന്ന പുസ്തകം