ജെൻലിസിയ
ലെന്റിബുലാറിയേസീ സസ്യകുടുംബത്തിലെ ഒരു ജനുസാണ് ജെൻലിസിയ (Genlisea). കോർക്ക്സ്ക്രൂ ചെടികൾ (corkscrew plants) എന്നറിയപ്പെടുന്ന ഇവ കീടഭോജിസസ്യങ്ങളിൽ ഉൾപ്പെടുന്നവയാണ്. ചെറുകീടങ്ങളെ ആകർഷിച്ച് കെണിയിലാക്കി ദഹിപ്പിച്ച് ആഹാരമാക്കാനുള്ള ഘടനാവിശേഷങ്ങളോടു കൂടിയ സസ്യങ്ങളെയാണ് കീടഭോജിസസ്യങ്ങൾ (insectivorous plants)എന്നുവിളിക്കുന്നത്. ആഫ്രിക്ക, തെക്കേഅമേരിക്ക എന്നിവിടങ്ങളിലെ ഈർപ്പമുള്ള കരകളിൽ ഇവ കാണപ്പെടുന്നു. ജെൻലിസിയ ജീനസ്സിൽ വരുന്ന ചെടികളിലെ ഇലകൾ അത്യന്തം രൂപമാറ്റം വന്ന് ഭൂമിക്കടിയിലായുള്ള ഇലകളുപയോഗിച്ചാണ് ചെറിയ ജന്തുജാലങ്ങളെ ആകർഷിച്ച്, കെണിയിലാക്കി ഭക്ഷണമാക്കുന്നത്. ഫ്രഞ്ച് എഴുത്തുകാരനും അദ്ധ്യാപകനുമായ സ്റ്റെഫാനി ഫെലിസിറ്റെ ഡുക്രസ്റ്റ് ഡി സെന്റ് ആൽബിൻ, കോംടെസ്സെ ഡി ജെൻലിസിന്റെ സ്മരണാർത്ഥമായാണ് ജെൻലിസിയ ജീനസ്സിന് പേരുപറയുന്നത്.[1]
| Genlisea | |
|---|---|
| |
| Genlisea violacea traps and leaves | |
| ശാസ്ത്രീയ വർഗ്ഗീകരണം | |
| കിങ്ഡം: | |
| (unranked): | |
| (unranked): | |
| (unranked): | |
| Order: | |
| Family: | |
| Genus: | Genlisea A.St.-Hil. (1833)
|
| Subgenera and sections | |
| |
| |
| Global distribution of Genlisea | |
വിവരണം
തിരുത്തുകജെൻലിസിയ ജീനസ്സിൽ ഉൾപ്പെടുന്ന സ്പീഷിസുകൾ ചെറിയ മൂലകാണ്ഠത്തിൽ നിന്നും വളരുന്ന ചെറിയ ചെടികളായിരിക്കും. വേരുകളില്ലാത്ത ഇവയിൽ രൂപശാസ്ത്രപരമായി വ്യത്യസ്തമായ രണ്ടുതരം ഇലകളുണ്ട്, ഒന്ന് ഭൂമിക്കുപുറത്തായി പ്രകാശസംശ്ലഷണത്തിനു അനുയോജ്യമായതും രണ്ടാമത്തേത് ഭൂമിക്കടിയിലെ ചെറിയ ജീവജാലങ്ങളെ കെണിയിലാക്കുക, വേരുകളില്ലാത്തതിനാൽ ചെടികളെ മണ്ണിലുറപ്പിക്കുക, വെള്ളം വലിച്ചെടുക്കുക തുടങ്ങയ പ്രവർത്തനങ്ങൾ ചെയ്യുന്ന അത്യന്തം രൂപമാറ്റം വന്നവ. ഇത്തരം രൂപമാറ്റം സംഭവിച്ച ഇലകളിൽ പത്രഹരിതകമോ മറ്റു നിറം കൊടുക്കുന്ന പദാർത്ഥങ്ങളോ ഇല്ലാത്തതിനാൽ ഇവ വെളുത്ത നിറത്തിലായിരിക്കും. ഇവയുടെ പൂങ്കുലയിൽ ഒരുപാടുപൂക്കളുണ്ടായിരിക്കും, പൂക്കളുടെ ദളങ്ങൾ കൂടിച്ചേർന്ന് രണ്ട് തൊങ്ങലോടുകൂടിയ കുഴൽ രൂപത്തിലാകുന്നു. അഞ്ച് തൊങ്ങലോടുകൂടിയതാണ് ഇവയുടെ വിദളങ്ങൾ . സാധാരണയായി ദളപുടങ്ങളുടെ നിറം മഞ്ഞയോ, വയലറ്റ് അല്ലെങ്കിൽ നീലനിറമുള്ളവയോ ആയിരിക്കും, എന്നാൽ ചില സ്പീഷിസുകളിൽ വെള്ളയോ മഞ്ഞകലർന്ന വെളുപ്പു നിറമോ ആയിരിക്കും. [2]
വർഗ്ഗീകരണം
തിരുത്തുകജെൻലിസിയ ജീനസ്സിൽ ഇതുവരെ 29 സ്പീഷിസുകൾ കണ്ടെത്തിയിട്ടുണ്ട്. ജെൻലിസിയ ഓറിയ വാർ മൈനർ ഉം ജെൻലിസിയ ഓറിയ വാർ ഓറിയേ എന്നിവ ജെൻലിസിയ ജീനസ്സിൽ വൈവിധ്യ മാർന്നവയാണ്.
അവലംബം
തിരുത്തുക- ↑ Claudi-Magnussen, G. (1982). An introduction to Genlisea. Carnivorous Plant Newsletter 11(1): 13–15
- ↑ 2.0 2.1 2.2 2.3 2.4 2.5 Fleischmann, A., F. Rivadavia, P.M. Gonella & G. Heubl (2011). A revision of Genlisea subgenus Tayloria (Lentibulariaceae). Phytotaxa 33: 1–40. first page
- ↑ Rivadavia, F., P.M. Gonella & A. Fleischmann (2013). A new and tuberous species of Genlisea (Lentibulariaceae) from the campos rupestres of Brazil. Systematic Botany 38(2): 464–470. doi:10.1600/036364413X666679