ജൂഹി ചാവ്‌ല

ബോളിവുഡ് ചലച്ചിത്രരംഗത്തെ ഒരു പ്രമുഖ നടിയും, ചലച്ചിത്രനിർമ്മാതാവും, ടി.വി അവതാരകയുമാണ് ജൂഹി ചാവ്‌ല(ഹിന്ദി: जूही चावला, ജനനം: 13 നവംബർ, 1967.

ജൂഹി ചാവ്‌ല
ജനനം	ജൂഹി എസ് ചാവ്‌ല (1967-11-13) നവംബർ 13, 1967
തൊഴിൽ	ചലച്ചിത്രനടി, ചലച്ചിത്രനിർമ്മാതാവ്, ടെലിവിഷൻ അവതാരക
സജീവ കാലം	1986–present
ജീവിതപങ്കാളി(കൾ)	ജയ് മേഹ്ത (1997-ഇതുവരെ)

1984-ലെ ഫെമിന മിസ്സ് ഇന്ത്യ മത്സരത്തിലെ വിജയി കൂടി ആയിരുന്നു ജൂഹി. അതിനു ശേഷം ജൂഹി അഭിനയത്തിലേക്ക് തിരിയുകയായിരുന്നു. ബോളിവുഡിലെ ഒരു പ്രധാന നായിക നടിയായിത്തന്നെ പിന്നീട് ജൂഹി വളരുകയുണ്ടായി. ധാരാളം വ്യവസായികപരമായ വിജയ ചിത്രങ്ങളിൽ ജൂഹി അഭിനയിച്ചിട്ടുണ്ട്. 2000-ത്തിനു ശേഷം ഏകദേശം 70 ലധികം ഹിന്ദി സിനിമകളിൽ അഭിനയിച്ച ജൂഹി പിന്നീട് സമാന്തര സിനിമകളിലും, തന്റെ സ്വന്തം ഭാഷയായ പഞ്ചാബി സിനിമകളിലും ശ്രദ്ധ കേന്ദ്രീകരിക്കുകയായിരുന്നു. ഇതു കൂടാതെ ചലച്ചിത്രനിർമ്മാണവും, ടെലിവിഷൻ അവതാരണവും ജുഹിയുടെ പ്രവർത്തനമേഖലകളിൽ ഉൾപ്പെടുന്നു.

പുരസ്കാരങ്ങൾ

• വിജയി
• 1989 - മികച്ച പുതുമുഖ നടിക്കുള്ള ഫിലിംഫെയർ ലക്സ് അവാർഡ് (ഖയാമത് സേ ഖയാമത് തക്)
• 1994 - മികച്ച നടിക്കുള്ള ഫിലിംഫെയർ അവാർഡ് (ഹം ഹേ രഹി പ്യാർ കെ)
• 1999 - മികച്ച സ്വഭാവനടിക്കുള്ള ബോളിവുഡ് അവാർഡ് (ഡ്യൂപ്ലികേറ്റ്)
• 2004 - മികച്ച സഹനടിക്കുള്ള സ്റ്റാർ സ്ക്രീൻ അവാർഡ് (3 ദീവാരേൻ)
• 2004 - മികച്ച സഹനടിക്കുള്ള സാൻസ്യു അവാർഡ് (ജങ്കാർ ബീറ്റ്സ്)
• നാമനിർദ്ദേശം
• 1988 - മികച്ച നടിക്കുള്ള ഫിലിംഫെയർ അവാർഡിനായി (ഖയാമത് സേ ഖയാമത് തക്)
• 1990 - മികച്ച നടിക്കുള്ള ഫിലിംഫെയർ അവാർഡിനായി (പ്രതിബന്ദ്)
• 1992 - മികച്ച നടിക്കുള്ള ഫിലിംഫെയർ അവാർഡിനായി (ബോൽ രാധ ബോൽ)
• 1997 - മികച്ച നടിക്കുള്ള ഫിലിംഫെയർ അവാർഡിനായി (യെസ് ബോസ്)
• 2005 - മികച്ച നടിക്കുള്ള സ്റ്റാർ സ്ക്രീൻ അവാർഡിനായി (മൈ ബ്രദർ നിഖിൽ)
• 2005 - മികച്ച സഹനടിക്കുള്ള സ്സീ(Zee) സിനി അവാർഡിനായി (മൈ ബ്രദർ നിഖിൽ)
• 2005 - മികച്ച സഹനടിക്കുള്ള ഐ ഐ എഫ് എ (IIFA) അവാർഡിനായി (മൈ ബ്രദർ നിഖിൽ)

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് ജൂഹി ചാവ്‌ല