ജസ്റ്റിൻ വാഡെൽ
ദക്ഷിണാഫ്രിക്കൻ വംശജയായ ബ്രിട്ടീഷ് ചലച്ചിത്ര-ടെലിവിഷൻ നടിയാണ് ജസ്റ്റിൻ വാഡെൽ (ജനനം: 4 നവംബർ 1975). 2006-ൽ പുറത്തിറങ്ങിയ ദി ഫാൾ എന്ന ചിത്രത്തിലും 2005-ൽ പുറത്തിറങ്ങിയ ചാവോസ് എന്ന ചിത്രത്തിലും അവർ അഭിനയിച്ചു. 1998-ലെ എൽ‌ഡബ്ല്യുടി അഡാപ്റ്റേഷൻ ടെസ് ഓഫ് ദി ഉർബർവില്ലെസിൽ ടെസ് എന്ന കഥാപാത്രത്തെയും 1999 ലെ ബിബിസി അഡാപ്റ്റേഷൻ ഗ്രേറ്റ് എക്സ്പെക്റ്റേഷനിൽ എസ്റ്റെല്ല എന്ന കഥാപാത്രത്തെയും അവർ അവതരിപ്പിച്ചു.
ജസ്റ്റിൻ വാഡെൽ | |
|---|---|
 2011 ലെ ബെർലിൻ ഫിലിം ഫെസ്റ്റിവലിൽ വാഡെൽ | |
| ജനനം | 4 നവംബർ 1975 |
| തൊഴിൽ | നടി |
| സജീവ കാലം | 1996–present |
മുൻകാലജീവിതം
തിരുത്തുകദക്ഷിണാഫ്രിക്കയിലെ ജോഹന്നാസ്ബർഗിലാണ് വാഡെൽ ജനിച്ചത്. അവരുടെ പിതാവ് ഗോർഡൻ വാഡെൽ (1937–2012) ഒരു സ്കോട്ടിഷ് റഗ്ബി യൂണിയൻ കളിക്കാരനായിരുന്നു. സ്കോട്ടിഷ് ദേശീയ ടീമിന്റെ ക്യാപ്റ്റനായ അദ്ദേഹം ബ്രിട്ടീഷ് ആന്റ് ഐറിഷ് ലയൺസിനു വേണ്ടി കളിച്ചിരുന്നു. പിന്നീട് അദ്ദേഹം ദക്ഷിണാഫ്രിക്കയിലെ പ്രോഗ്രസീവ് പാർട്ടി പാർലമെന്റ് അംഗവും ആംഗ്ലോ അമേരിക്കൻ പി‌എൽ‌സിയുടെ ഡയറക്ടറുമായി. അവരുടെ മുത്തച്ഛൻ ഹെർബർട്ട് വാഡെൽ (1902-1988) സ്കോട്ട്ലൻഡ് ആന്റ് ദി ലയൺസിനുവേണ്ടി റഗ്ബി കളിച്ചിരുന്നു. വാഡെലിന് പതിനൊന്ന് വയസ്സുള്ളപ്പോൾ കുടുംബത്തോടൊപ്പം സ്കോട്ട്ലൻഡിലേക്ക് താമസം മാറി. നാലു വർഷത്തിനുശേഷം അവർ ലണ്ടനിലേക്ക് താമസം മാറി. അഭിനയരംഗത്തേക്ക് കടന്നുവന്ന കുടുംബത്തിലെ ഏക അംഗമാണ് വാഡെൽ. കേംബ്രിഡ്ജിലെ ഇമ്മാനുവൽ കോളേജിൽ അവർ സോഷ്യൽ ആന്റ് പൊളിറ്റിക്കൽ സയൻസിൽ പഠനം നടത്തിയിരുന്നു.
കരിയർ
തിരുത്തുകഅൽമേഡ തിയേറ്ററിന്റെ ലണ്ടൻ നിർമ്മാണമായ ഇവാനോവ് (1997) ൽ റാൽഫ് ഫിയന്നസ്, ബിൽ പാറ്റേഴ്സൺ എന്നിവരോടൊപ്പം സാഷ എന്ന കഥാപാത്രത്തെ അവതരിപ്പിച്ചു. അന്ന കരിനീനയിലെ (1997) കൗണ്ടസ് നോർഡ്സ്റ്റൺ, ലണ്ടൻ വീക്കെൻഡ് ടെലിവിഷൻ നിർമ്മാണം ആയ ടെസ് ഓഫ് ദി ഉർബർവില്ലെസിൽ (1998) ടെസ്, മാൻസ്ഫീൽഡ് പാർക്കിലെ (1999) ജൂലിയ ബെർട്രാം, ഗ്രേറ്റ് എക്സ്പെക്റ്റേഷനിൽ എസ്റ്റെല്ല തുടങ്ങിയ കഥാപാത്രങ്ങളെയും അവർ അവതരിപ്പിച്ചു. റോയൽ ഷേക്സ്പിയർ കമ്പനി നിർമ്മാണമായ ആന്റൺ ചെക്കോവ് (2000) എഴുതിയ ദി സീഗള്ളിൽ നീന എന്ന കഥാപാത്രത്തെ അവതരിപ്പിച്ചതിന് ഇയാൻ ചാൾസൺ അവാർഡിന് നാമനിർദ്ദേശം ചെയ്യപ്പെട്ടു. ടെലിവിഷൻ മിനി സീരീസായ വൈവ്സ് ആന്റ് ഡോട്ടേഴ്‌സിൽ മോളി ഗിബ്സൺ എന്ന കഥാപാത്രത്തെ അവതരിപ്പിച്ചതിന് ബ്രോഡ്കാസ്റ്റിംഗ് പ്രസ് ഗിൽഡ് ബെസ്റ്റ് ആക്ട്രെസ് അവാർഡ് ലഭിക്കുകയുണ്ടായി. അമേരിക്കൻ ചിത്രമായ ഡ്രാക്കുള 2000 ൽ മേരി ഹെല്ലറായി അഭിനയിച്ചു. 2002-ൽ അവർ ദ വൺ ആൻഡ് ഒൺലി എന്ന സിനിമയിൽ അഭിനയിച്ചു. പീറ്റർ ബോഗ്ദാനോവിച്ച് സംവിധാനം ചെയ്ത 2004-ലെ ടിവി സിനിമയായ ദി മിസ്റ്ററി ഓഫ് നതാലി വുഡിൽ നതാലി വുഡ് എന്ന കഥാപാത്രത്തെ അഭിനയിച്ചതിന് മികച്ച നടിക്കുള്ള പ്രിസം അവാർഡ് നേടി. 2006-ൽ ജേസൺ സ്റ്റാതം, റയാൻ ഫിലിപ്പ് എന്നിവരോടൊപ്പം ചാവോസിൽ വാഡെൽ അഭിനയിച്ചു. അതേ വർഷം, ടാർസെം സിങ്ങിന്റെ ദി ഫാൾ എന്ന സിനിമയിൽ ലീ പേസിനൊപ്പം അഭിനയിച്ചു.
2011-ൽ വാഡെലിന് അലക്സാണ്ടർ സെൽഡോവിച്ച് സംവിധാനം ചെയ്ത് വ്‌ളാഡിമിർ സോറോകിൻ എഴുതിയ റഷ്യൻ സയൻസ് ഫിക്ഷൻ ചിത്രമായ മിഷനിൽ [1]ഒരു പ്രധാന വേഷം ഉണ്ടായിരുന്നു. [2]ബെർലിൻ ഇന്റർനാഷണൽ ഫിലിം ഫെസ്റ്റിവലിൽ മിഷൻ ലോക പ്രീമിയറും തുടർന്ന് മോസ്കോ ഇന്റർനാഷണൽ ഫിലിം ഫെസ്റ്റിവലിൽ ഒരു ഗാല പ്രീമിയറും ആയിരുന്നു. 2014-ൽ റഷ്യയിലെ വോളോഗ്ഡയിൽ നടന്ന ഫെസ്റ്റിവൽ ഓഫ് യൂറോപ്യൻ ഫിലിം "വോയ്‌സസിന്റെ" ജൂറിയായിരുന്നു വാഡെൽ.[3]
2015-ൽ കസാക്കിസ്ഥാനിൽ നടന്ന യുറേഷ്യ അന്താരാഷ്ട്ര ചലച്ചിത്രമേളയിൽ ജൂറി ചെയർമാൻ അബ്ദുറഹ്മാന സിസ്സാക്കോ, ദക്ഷിണ കൊറിയൻ ചലച്ചിത്ര സംവിധായകൻ കിം ഡോങ്-ഹോ എന്നിവർക്കൊപ്പം അവർ ജൂറിയായിരുന്നു.[4]ഫ്രാൻസിൻ സ്റ്റോക്ക്, എലിസബത്ത് കാൾസൺ, കരോൾ മോർലി എന്നിവരുമായി സ്ത്രീകളെക്കുറിച്ച് ചർച്ച ചെയ്യുന്നതിനായി ബിബിസി ന്യൂ ഇയർ ഫിലിം പ്രോഗ്രാമിലും അവർ പങ്കെടുത്തു. [5]
മുൻ സോവിയറ്റ് യൂണിയൻ രാജ്യങ്ങളിൽ നിന്നുള്ള ചലച്ചിത്രവും, ചലച്ചിത്ര സാമഗ്രികളെക്കുറിച്ചും പ്രേക്ഷകരെ ബോധവത്കരിക്കുന്ന കിനോ ക്ലാസിക ഫൗണ്ടേഷന്റെ സ്ഥാപകയും ഡയറക്ടറുമാണ് അവർ.[6]
ഫിലിമോഗ്രാഫി
തിരുത്തുക| Year | Title | Role | Notes |
|---|---|---|---|
| 1997 | അന്ന കരിനീന | കൗണ്ടസ് നോർഡ്സ്റ്റൺ | |
| 1998 | ദി മിസ്അഡ്വാന്റേജ് ഓഫ് മാർഗരറ്റ് | യങ് ഗേൾ | |
| 1999 | മാൻസ്ഫീൽഡ് പാർക്ക് | ജൂലിയ ബെർട്രാം | |
| 2000 | ഡ്രാക്കുള 2000 | മേരി ഹെല്ലർ / മേരി വാൻ ഹെൽസിംഗ് | |
| 2002 | ദ വൺ ആൻഡ് ഒൺലി | സ്റ്റീവി | |
| 2006 | ചാവോസ് | ഡിറ്റക്ടീവ് ടെഡി ഗാലോവേ | |
| 2006 | ദി ഫാൾ | നഴ്സ് എവ്‌ലിൻ | |
| 2007 | Thr3e | ജെന്നിഫർ പീറ്റേഴ്‌സ് | |
| 2011 | കില്ലിങ്ങ് ബോണോ | ഡാനിയേൽ | |
| 2011 | Target (മിഷൻ) | സോ (സോയ) | Russian production |
| 2011 | ദി എനിമി വിത്തിൻ | ജീൻ കെർ | Original title ദി റിയൽ അമേരിക്കൻ – ജോ മക്കാർത്തി |
| 2019 | ഫോഴ്‌സ് ഓഫ് നേച്ചർ നതാലിയ | N/A | Producer |
| Year | Title | Role | Notes |
|---|---|---|---|
| 1997 | ദി മോത് | മില്ലി തോർമാൻ | |
| 1997 | ദി വുമൺ ഇൻ വൈറ്റ് | ലോറ ഫെയർലി | |
| 1998 | ടെസ് ഓഫ് ദി ഉർബർ‌വില്ലെസ് | ടെസ് ഡർ‌ബീഫീൽഡ് | |
| 1999 | ഗ്രേറ്റ് എക്സ്പെക്റ്റേഷൻസ് | എസ്റ്റെല്ല | |
| 1999 | വൈവ്സ് ആന്റ് ഡോട്ടേഴ്‌സ് | മോളി ഗിബ്സൺ | Winner, ബ്രോഡ്കാസ്റ്റിംഗ് പ്രസ് ഗിൽഡ് അവാർഡ് ഫോർ ബെസ്റ്റ് ആക്ട്രെസ് |
| 2004 | ദി മിസ്റ്ററി ഓഫ് നതാലി വുഡ് | നതാലി വുഡ് | Winner, ടിവി മൂവി അല്ലെങ്കിൽ മിനിസറികളിലെ മികച്ച പ്രകടനത്തിനായി പ്രിസം അവാർഡ് ഫോർ ബെസ്റ്റ് പെർഫോർമൻസ് ഇൻ എ ടിവി മൂവി ഓർ മിനിസീരീസ് |
അവലംബം
തിരുത്തുക- ↑ "Strange Energies from the East". Sight and Sound. Archived from the original on 3 August 2012. Retrieved 2011-02-15.
- ↑ "Personality/Justine Waddell". New-Style. Archived from the original on 2 March 2012. Retrieved 2012-01-10.
- ↑ "«Мой фаворит — Винни-Пух по-русски»". Известия (in റഷ്യൻ). 2014-07-09. Retrieved 2018-10-19.
- ↑ "FIPRESCI - Almaty 2015". www.fipresci.org. Archived from the original on 2019-08-08. Retrieved 2018-09-06.
- ↑ "Women in Film, The Film Programme - BBC Radio 4". BBC (in ബ്രിട്ടീഷ് ഇംഗ്ലീഷ്). Retrieved 2018-09-06.
- ↑ "Kino Klassika Foundation – Russian Language Film Charity London". Kino Klassika Foundation (in അമേരിക്കൻ ഇംഗ്ലീഷ്). Archived from the original on 2016-02-24. Retrieved 2018-09-06.