ചൂവെറ്റെൽ എജിയോഫോർ
ചലച്ചിത്രം, ടെലിവിഷൻ, തിയറ്റർ മേഖലകളിൽ പ്രശസ്തനായ ഒരു ബ്രിട്ടീഷ് നടനാണ് ചൂവെറ്റെൽ എജിയോഫോർ(ജനനം: 10 ജൂലൈ1977).
ചൂവെറ്റെൽ എജിയോഫോർ | |
|---|---|
 ചൂവെറ്റെൽ എജിയോഫോർ, ട്രിബേക്കാ ചലച്ചിത്രോൽസവത്തിൽ (2008) | |
| ജനനം | ചൂവെറ്റെലു ഉമെയാഡി എജിയോഫോർ 10 ജൂലൈ 1977 |
| ദേശീയത | ബ്രിട്ടീഷ് |
| കലാലയം | ഡൾവിച്ച് കോളേജ് നാഷണൽ യൂത്ത് തിയറ്റർ ലണ്ടൻ അക്കാഡമി ഓഫ് മ്യൂസിക് ആന്റ് ഡ്രാമാറ്റിക് ആർട്ട് |
| തൊഴിൽ | നടൻ, സംവിധായകൻ, എഴുത്തുകാരൻ[1] |
| സജീവ കാലം | 1995–തുടരുന്നു |
| മാതാപിതാക്ക(ൾ) | അരിൻസെ എജിയോഫോർ ഒബിയാജുലു എജിയോഫോർ |
19-ആം വയസ്സിൽ സ്പിൽബർഗ്ഗിന്റെ അമിസ്റ്റഡ് എന്ന ചിത്രത്തിലൊരു ചെറിയ വേഷം ചെയ്തു. 2006-ൽ ബാഫ്റ്റ ഓറഞ്ച് റൈസിങ്ങ് സ്റ്റാർ പുരസ്ക്കാരത്തിനർഹനായി. 2008-ൽ ഒഥല്ലോ എന്ന നാടകത്തിലെ അഭിനയത്തിന് മികച്ച നടനുള്ള ലോറൻസ് ഒളിവിയർ അവാർഡ് ലഭിച്ചു. ഇതേ വർഷം തന്നെ ഓർഡർ ഓഫ് ദി ബ്രിട്ടീഷ് എംപയർ എന്ന ബഹുമതിക്കർഹനായി. 2013-ൽ 12 ഇയേഴ്സ് എ സ്ലേവ് എന്ന ചിത്രത്തിൽ സോളമൻ നോർതപ്പ് എന്ന കഥാപാത്രം ചൂവെറ്റെലിന് മികച്ച നടനുള്ള ബാഫ്റ്റ പുരസ്ക്കാരം നേടിക്കൊടുത്തു[2][3].
ചൂവെറ്റെലിന്റെ മാതാപിതാക്കൾ നൈജീരിയൻ വംശജരാണ്. അച്ഛൻ അരിൻസെ എജിയോഫോർ ഭിഷഗ്വരനും അമ്മയായ ഒബിയാജുലു എജിയോഫോർ ഫാർമസിസ്റ്റുമാണ്. സി.എൻ.എൻ. കറസ്പോണ്ടന്റായ സയിൻ ആഷർ എജിയോഫോർ ഇളയ സഹോദരിയാണ്. ചൂവെറ്റെലിന്റെ 11-ആം വയസ്സിൽ നൈജീരിയയിൽ നടന്ന ഒരു കാറപകടത്തിൽ അച്ഛൻ കൊല്ലപ്പെടുകയും ചൂവെറ്റെൽ ഗുരുതരമായ പരിക്കുകളോടെ രക്ഷപെടുകയും ചെയ്തു. ആ അപകടത്തിന്റെ മുറിപ്പാടുകൾ ഇന്നും ചൂവെറ്റെലിന്റെ നെറ്റിയിൽ കാണപ്പെടുന്നു[4].
അവലംബം
തിരുത്തുക- ↑ "കൊളംബൈറ്റ് ടാന്റലൈറ്റ്: എ ഫിലിം ദാറ്റ് ഫ്യൂസസ് കോംഗോസ് പാസ്റ്റ് ആന്റ് പ്രെസെന്റ് സ്ട്രഗിൾസ്". ദി ഗാർഡിയൻ. യു.കെ. Retrieved 11 ഡിസംബർ2013.
{{cite news}}: Check date values in:|accessdate=(help) - ↑ "ബാഫ്റ്റ പുരസ്ക്കാരങ്ങൾ പ്രഖ്യാപിച്ചു". മലയാള മനോരമ. ലണ്ടൻ. 18 ഫെബ്രുവരി 2014. Retrieved 18 ഫെബ്രുവരി 2014.[പ്രവർത്തിക്കാത്ത കണ്ണി]
- ↑ "ബാഫ്റ്റാസ് 2014". ദി ഗാർഡിയൻ. ലണ്ടൻ. 16 ഫെബ്രുവരി 2014. Retrieved 18 ഫെബ്രുവരി 2014.
- ↑ റാഫേൽ , ഏമി. "ആൾമോസ്റ്റ് ഫേമസ്", ദി ഗാർഡിയൻ, 3 നവംബർ 2002. ശേഖരിച്ചത് 9 ജൂലൈ 2007
പുറത്തേക്കുള്ള കണ്ണികൾ
തിരുത്തുക