ചമ്മന്തിപ്പൊടി

കേരളത്തിൽ സാധാരണ ഉപയോഗത്തിലുള്ള ഒരു ഭക്ഷ്യവിഭവമാണ് ചമ്മന്തിപ്പൊടി. ദോശ, ഇഡ്ഡലി, കഞ്ഞി എന്നിവയുടെ കൂടെയെല്ലാം ഇത് ഉപയോഗിക്കുന്നു. ചമ്മന്തിയേക്കാൾ ഇത് കൂടുതൽ ദിവസം കേടുകൂടാതെ ഇരിക്കും.

Chammanthi podi

Chutney Powder
ഉത്ഭവ വിവരണം
ഉത്ഭവ സ്ഥലം	India
പ്രദേശം/രാജ്യം	Kerala
വിഭവത്തിന്റെ വിവരണം
Course	condiment
Serving temperature	cool

ചമ്മന്തിപ്പൊടി

ആവശ്യമുള്ള സാധനങ്ങൾ

തേങ്ങ ചിരകിയത്, മല്ലി, ഉഴുന്നുപരിപ്പ്, മുളക്, കറിവേപ്പില, പുളി, ഉപ്പ് എന്നിവയാണ് ഇതു തയ്യാറാക്കാനാവശ്യമായ സാധനങ്ങൾ

നിർമ്മിക്കുന്ന വിധം

ആദ്യമായി ചിരകിയ തേങ്ങ ചീനച്ചട്ടിയിലിട്ട് വറുത്തെടുക്കണം. ഉഴുന്നുപരിപ്പും മല്ലിയും മുളകും കറിവേപ്പിലയും നന്നായി വെളിച്ചെണ്ണയിൽ വറുക്കുക. ചീനച്ചട്ടി വാങ്ങി ചൂടാറാൻ വയ്ക്കുക. ചൂടാറിയശേഷം എല്ലാം കൂടി ഒന്നിച്ചാക്കി പൊടിച്ചെടുക്കുക.

മധുരമുള്ള ചമ്മന്തിപ്പൊടി തയ്യാറാക്കാനായി പൊടിക്കുമ്പോൾ ഇതിന്റെ കൂടെ അല്പം ശർക്കര ചേർക്കുക.