കോളിച്ചാൽ

കേരളത്തിലെ കാസർഗോഡ് ജില്ലയിലുള്ള ഒരു മലയോര പട്ടണം ആണ് കോളിച്ചാൽ. കോളിച്ചാൽ മുൻപ് ഹോസ്ദുർഗ് താലൂക്കിൽ ആയിരുന്നു, നിലവിൽ വെള്ളരിക്കുണ്ട് താലൂക്കിലാണ്. ഒരു പാലത്തിന്റെ രണ്ടു ഭാഗത്തായി ആണ് ഈ ചെറിയ പട്ടണം നിലകൊള്ളുന്നത്. കിഴക്കേ ഭാഗത്ത്‌ പനത്തടി, പടിഞ്ഞാറു ഭാഗത്ത് കല്ലാർ പഞ്ചായത്ത് എന്നിവ. കാഞ്ഞങ്ങാടാണ് അടുത്ത റെയിൽവേ സ്റ്റേഷൻ. കാഞ്ഞങ്ങാട് പാണത്തൂർ സംസ്ഥാന പാതയും മറ്റൊരു പ്രധാന സംസ്ഥാന പാതയായ മലയോര ഹൈവേയും ഇവിടെ സംഗമിക്കുന്നു.

ഗതാഗതം

കോളിച്ചാൽ പാണത്തൂർ ബന്തടുക്ക സുള്ളിയ വഴി കർണ്ണാടകയുമായി ബന്ധപ്പെട്ടു കിടക്കുന്നു. മൈസൂർ, ബാംഗ്ളൂർ എന്നിവിടങ്ങളിലേക്ക് കർണ്ണാടകയിലെ സുള്ള്യ വഴിയോ ബാഗമണ്ഡല വഴിയോ എളുപ്പം എത്തിച്ചേരാം. മംഗലാപുരം - പാലക്കാട് ലൈനിൽ വരുന്ന കാഞ്ഞങ്ങാട് ആണ് സമീപത്തുള്ള റയിൽവേ സ്റ്റേഷൻ. വിമാനത്താവളങ്ങൾ മംഗലാപുരത്തും കോഴിക്കോടും ഉണ്ട്.