കേരള സംസ്ഥാന ജംഇയ്യത്തുൽ ഉലമ

അഹ്ലുസ്സുന്നത്തിന്റെ യഥാർത്ഥ ആശയം പ്രചരിപ്പിക്കുക എന്ന ലക്ഷ്യത്തോടുകൂടി സ്ഥാപിതമായ പാരമ്പര്യ സുന്നി പ്രസ്ഥാനാമാണ് കേരള സംസ്ഥാന ജംഇയ്യത്തുൽ ഉലമ. 1967ൽ അവിഭക്ത സമസ്തയിൽ നിന്നും അന്നത്തെ പ്രസിഡന്റായിരുന്ന താജുൽ ഉലമ കെ. കെ. സദഖത്തുള്ള മൗലവി ജുമുഅ ഖുതുബയിൽ ലൗഡ് സ്പീക്കർ ഉപയോഗിക്കുന്നതുമായി ബന്ധപ്പെട്ടുളള്ള വിയോജിപ്പുകൾ അടക്കമുള്ള വിവിധ കാരണങ്ങൾ കൊണ്ട് രാജിവെക്കുകയും കേരള സംസ്ഥാന ജംഇയ്യത്തുൽ ഉലമ എന്ന പേരിൽ ഒരു സംഘടന സ്ഥാപിക്കുകയും ചെയ്തു. ഈ സംഘടനയുടെ പ്രഥമ പ്രസിഡന്റ് ശൈഖുനാ താഴെക്കോട് കുഞ്ഞലവി മുസ്‌ലിയാരും ജനറൽ സെക്രട്ടറി ശൈഖുനാ താജുൽ ഉലമ കെ. കെ. സദഖത്തുള്ള മൗലവിയും അദ്ദേഹത്തിന്റെ നിര്യാണത്തെ തുടർന്ന് ബഹുമാനപ്പെട്ട നാദാപുരത്തെ ഓർ എന്നറിയപ്പെടുന്ന ശൈഖുനാ ശംസുൽ ഉലമ കുഞ്ഞബ്ദുല്ല മുസ്ലിയാരും ആയിരുന്നു പദവി ഏറ്റെടുത്തത്. ബഹുമാനപ്പെട്ട താജുൽ ഉലമയുടെ വഫാത്തിനു ശേഷം അവിടുത്തെ പ്രിയ ശിഷ്യനും പ്രശസ്ത ഏഴുമല തങ്ങന്മാരിലെ പൂമുത്ത് ശൈഖുനാ സയ്യിദ് മുഹമ്മദ് കോയ തങ്ങൾ അൽ ജലാലി അൽ ബുഖാരി രാമന്തളിയായിരുന്നു ജനറൽ സെക്രട്ടറി, 2000ത്തിൽ ശൈഖുനാ ശംസുൽ ഉലമയുടെ വഫാത്തിനെ തുടർന്ന് ആ പദവി ഏറ്റെടുത്തത് സമസ്തയുടെ ആശയം തെറ്റാണ് എന്ന് പറഞ്ഞിരുന്ന വരിൽ മുശാവറയിൽ ഉണ്ടായിരുന്നവരിൽ ഇന്ന് ജീവിച്ചിരിക്കുന്ന വ്യക്തിയായ ശൈഖുൽ ഉലമ ശൈഖുനാ എൻ. കെ. മുഹമ്മദ് മുസ്‌ലിയാരായിരുന്നു. അവർ ഇന്നും ആ പദവിയിൽ തുടരുന്നു, രാമന്തളി തങ്ങളുടെ നിര്യാണത്തെ തുടർന്ന് ജനറൽ സെക്രട്ടറി സ്ഥാനം ഏറ്റെടുത്തത് ശൈഖുനായുടെ അരുമ ശിഷ്യനായിരുന്ന മൗലാനാ നജീബ് മൗലവി ആണ്.

കൂടുതൽ വായനക്ക്തിരുത്തുക

അവലംബങ്ങൾതിരുത്തുക