കേരളത്തിൽ നടന്ന പ്രധാന ബോട്ടപകടങ്ങൾ

തേക്കടി ബോട്ടപകടത്തെ തുടർന്നുള്ള രക്ഷാപ്രവർത്തനങ്ങളുടെ ഒരു ദൃശ്യം

• 1924 ജനുവരി 14-ന് ആലപ്പുഴ ജില്ലയിലെ പല്ലനയിൽ നടന്ന ബോട്ടപകടത്തിൽ മഹാകവി കുമാരനാശാൻ അടക്കം 24 പേർ മരണമടഞ്ഞു.
• 1971-ൽ തിരുവനന്തപുരത്ത് കരമനയാറ്റിൽ ഉണ്ടായ ബോട്ടപകടത്തിൽ 12 യാത്രികരിൽ ഒരു പെൺകുട്ടി ഒഴികെ മറ്റ് 11 പേരും മരണമടഞ്ഞു.
• 1980-ൽ എറണാകുളത്തെ കണ്ണമാലി കായലിൽ നടന്ന ബോട്ടപകടത്തിൽ 29 പേർ മരിച്ചു.
• 1983-ൽ കൊച്ചിയിലെ വല്ലാർപാടത്ത് നടന്ന ബോട്ടു ദുരന്തത്തിൽ 18 പേർ മരിച്ചു.
• 1990-ൽ കൊച്ചിയിൽ നടന്ന ബോട്ടപകടത്തിൽ അഞ്ചുപേർ മരിച്ചു.
• 1990-ൽ തിരുവനന്തപുരത്തെ പേപ്പാറ ഡാം റിസർവയറിൽ നടന്ന ബോട്ടപകടത്തിൽ മരിച്ചത് ഏഴുപേർ.
• 1991-ൽ കണ്ണൂരിലെ ഇരിട്ടിയിൽ നടന്ന അപകടം നാലുപേരുടെ മരണത്തിനിടയാക്കി.
• 1991-ൽ ആലപ്പുഴ പുന്നമടയിൽ നടന്ന അപകടത്തിൽ മരണം മൂന്ന് പേർ മരിച്ചു.
• 1991-ൽ തിരുവനന്തപുരത്ത് കല്ലാറിലുണ്ടായ അപകടത്തിൽ എട്ടും,
• 1992-ൽ എറണാകുളം മുനമ്പത്തുണ്ടായ അപകടത്തിൽ മൂന്നും
• 1993-ൽ എറണാകുളത്തുണ്ടായ മറ്റൊരു അപകടത്തിൽ അഞ്ചും,
• 1994-ൽ കോഴിക്കോട് വെള്ളായിക്കോട് അപകടത്തിൽ ആറും,
• 1997-ൽ കോഴിക്കോട് കാപ്പാട് ബീച്ചിൽ നാലും,
• 1997-ൽ ആലുവയിലുണ്ടായ അപകടത്തിൽ നാലും പേർ മരണമടഞ്ഞിട്ടുണ്ട്.
• 2002 ജൂലൈ 27-ന് കോട്ടയത്തെ കുമരകത്ത് നടന്ന ബോട്ട് ദുരന്തത്തിൽ 29 പേർ മരിച്ചു.
• 2007 ഫെബ്രുവരി 20-ന് സംഭവിച്ച തട്ടേക്കാട് ബോട്ട് ദുരന്തത്തിൽ പിഞ്ചുകുട്ടികളടക്കം 18 പേർ മരണമടഞ്ഞു.
• 2009 സെപ്റ്റംബർ 30-ന് തേക്കടിയിലുണ്ടായ ബോട്ടപകടത്തിൽ 11 സ്ത്രീകളും 13 കുട്ടികളും ഉൾപ്പെടെ 46 യാത്രികർ മരിച്ചു. മരണപ്പെട്ടവരിലേറെയും അന്യസംസ്ഥാനങ്ങളിൽ നിന്നുള്ളവരോ വിദേശികളോ ആയിരുന്നു.
• 2013 ജനുവരി 26-ന് ആലപ്പുഴ പുന്നമടയിൽ ഹൗസ് ബോട്ട് മുങ്ങി നാല് പേർ മരണമടഞ്ഞു. ചെന്നൈയിൽ നിന്നുള്ള വിനോദസഞ്ചാരികളാണ് അപകടത്തിൽ പെട്ടത്. യാത്ര ചെയ്യാൻ ഒരുക്കി നിർത്തിയിരുന്ന ഹൗസ് ബോട്ടിലേക്ക് മറ്റൊരു ചെറിയ ഹൗസ് ബോട്ടിലൂടെ കയറാൻ ശ്രമിക്കുന്നതിനിടെ അതു മറിയുകയാണുണ്ടായത്.