കുഴൂർ ചന്ദ്രൻ മാരാർ

പ്രമുഖനായ പഞ്ചവാദ്യ കലാകാരനായിരുന്നു കുഴൂർ ചന്ദ്രൻ മാരാർ (മര​ണം :21 സെപ്റ്റംബർ 2010). തിമിലയിലെ ശ്രദ്ധേയരായ കുഴൂർ ത്രയത്തിലെ ഇളയ അംഗമായിരുന്നു. തൃശ്ശൂർ പൂരത്തിന് തിരുവമ്പാടി വിഭാഗത്തിനുവേണ്ടി കാൽനൂറ്റാണ്ട് തിമിലയേന്തി. പിന്നീട് സഹോദരനൊപ്പം പാറമേക്കാവ് വിഭാഗത്തിനുവേണ്ടിയും വാദനം നടത്തി.

ജീവിതരേഖ

മാണിക്യമംഗലം വടക്കിനി മാരാത്ത്‌ കൊച്ചുപിള്ള കുറുപ്പിന്റെയും കുഴൂർ നെടുപറമ്പത്ത്‌ കുഞ്ഞിപ്പിള്ള അമ്മയുടെയും മകനായി ജനിച്ചു. ജ്യേഷ്ഠൻ കുഴൂർ നാരായണമാരാർ തന്നെയായിരുന്നു ഗുരു.

കുഴൂർ ത്രയം

കുഴൂർ നാരായണ മാരാർ, കുഴൂർ കുട്ടപ്പ മാരാർ, ചന്ദ്രൻ മാരാർ എന്നീ പഞ്ചവാദ്യത്തിന്‌ പുതിയ ശൈലി നൽകിയ മൂവരെയാണ് കുഴൂർത്രയം എന്നു വിളിച്ചിരുന്നത്. പൂരങ്ങളിൽ അവിഭാജ്യഘടകമായിരുന്നു ഇവർ .