കുഞ്ചൻ നമ്പ്യാർ സ്മൃതിമണ്ഡപം

കേരളത്തിൽ, ആലപ്പുഴ ജില്ലയിലെ അമ്പലപ്പുഴയിൽ, കുഞ്ചൻ നമ്പ്യാരുടെ സ്മരണാർത്ഥം കേരളസർക്കാർ സ്ഥാപിച്ചതാണ് കുഞ്ചൻ നമ്പ്യാർ സ്മൃതിമണ്ഡപം. സംസ്ഥാന സാംസ്‌കാരിക വകുപ്പിന്റെ കീഴിലാണ് ഈ സ്മാരകം സംരക്ഷിക്കുന്നത്. ^[1]^[2]^[3] സ്മൃതിമണ്ഡപത്തിന് അനുബന്ധമായി ഒരു എഴുത്തുപുരയുമുണ്ട്. അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിന്റെ തെക്കേ നടയിൽ നിന്ന് അര കിലോമീറ്റർ തെക്കുവശത്തായാണ് സ്മൃതിമണ്ഡപം സ്ഥിതി ചെയ്യുന്നത്. കുഞ്ചൻ നമ്പ്യാർ താമസിച്ചിരുന്നയിടത്തുതന്നെയാണ് ഈ മണ്ഡപമുള്ളത്. അദ്ദേഹം വസിച്ചിരുന്ന വീടിന്റെ സ്ഥാനത്ത് വീട് പുതുക്കി നിലനിർത്തിയിട്ടുണ്ട്. മണ്ഡപത്തിൽ കുഞ്ചൻ നമ്പ്യാരുടെ പ്രതിമ സ്ഥാപിച്ചിട്ടുണ്ട്. ഇവിടെ തുള്ളൽ പഠന ക്ലാസുകളും വിദ്യാരംഭദിനത്തിൽ എഴുത്തിനിരുത്തും നടത്താറുണ്ട്.