കിളിമാനൂർ രമാകാന്തൻ
മലയാളത്തിലെ ഒരു കവിയും ഗാനരചയിതാവും വിവർത്തകനുമായിരുന്നു കിളിമാനൂർ രമാകാന്തൻ (1938 ഓഗസ്റ്റ് 2 - 2009 നവംബർ 30). ദാന്തെയുടെ ഡിവൈൻ കോമഡി മലയാളത്തിലേക്ക് വിവർത്തനം ചെയ്തത് ഇദ്ദേഹമാണ്. ഡിവൈൻ കോമഡിക്ക് ഇന്ത്യൻ ഭാഷകളിലിറങ്ങുന്ന ആദ്യ വിവർത്തനമാണിത്.[1] ഈ വിവർത്തനത്തിന് 2004-ലെ കേരള സാഹിത്യ അക്കാദമി പുരസ്കാരം ലഭിച്ചു.[2] ദാന്തേ മഹോത്സവത്തിൽ പങ്കെടുത്തിട്ടുണ്ട്.
കിളിമാനൂർ രമാകാന്തൻ | |
|---|---|
 | |
| തൊഴിൽ | കവി, വിവർത്തകൻ |
| ദേശീയത | ഇന്ത്യൻ |
| Genre | കവിത |
| ശ്രദ്ധേയമായ രചന(കൾ) | ഡിവൈൻ കോമഡി |
 Literature കവാടം | |
ജീവിതരേഖ
തിരുത്തുകമലയാള കവിതക്ക് നവഭാവുകത്വം സമ്മാനിച്ച കവികളിൽ പ്രമുഖനായ രമാകാന്തൻ 1938-ൽ കിളിമാനൂരിൽ ജനിച്ചു. എൻ.കല്യാണി, എസ്. അച്യുതൻ എന്നിവരായിരുന്നു മാതാപിതാക്കൾ. കിളിമാനൂർ രാജരാജവർമ്മ ഹൈസ്കൂൾ, തിരുവനന്തപുരം ആർട്സ് കോളേജ്, യൂണിവേഴ്സിറ്റി കോളേജ് എന്നിവിടെങ്ങളിലായി വിദ്യാഭ്യാസം. ദീർഘകാലം കൊല്ലം ശ്രീനാരായണ കോളേജിലും ചെമ്പഴന്തി എസ്.എൻ. കോളേജിലും മലയാളം അദ്ധ്യാപകനായിരുന്നു.
2009 നവംബർ 30-ന് തിരുവനന്തപുരത്തെ സ്വകാര്യ ആശുപത്രിയിൽ വെച്ച് അന്തരിച്ചു.[3]
കൃതികൾ
തിരുത്തുകകവിതാസമാഹാരങ്ങൾ
തിരുത്തുക- പാന്ഥന്റെ പാട്ട്
- കണ്ണീരിനക്കരെ
- മർമ്മരം
- മനുഷ്യമരങ്ങൾ
- ഹരിതഭൂമി (1969)
- ആരോ ഒരാൾ
- അമ്പതു പ്രേമഗാനങ്ങൾ
- തെരഞ്ഞെടുത്ത കവിതകൾ ( 2011)
വിവർത്തനം
തിരുത്തുക- ഡിവൈൻ കോമഡി (1990)
ഉപന്യാസം
തിരുത്തുക- സർഗമുദ്രകൾ
യാത്രാവിവരണം
തിരുത്തുക- ദാന്തെയുടെ നാട്ടിൽ
പുരസ്കാരങ്ങൾ
തിരുത്തുക- കേരള സാഹിത്യ അക്കാദമി പുരസ്കാരം (2004) - ഡിവൈൻ കോമഡി (വിവർത്തനം)
- ആശാൻ സ്മാരക പുരസ്കാരം (2005)
- മുലൂർ സ്മാരക പുരസ്കാരം
അവലംബം
തിരുത്തുക- ↑ "കിളിമാനൂർ രമാകാന്തൻ അന്തരിച്ചു". മലയാളം വെബ്‌ദുനിയ. നവംബർ 30, 2009. Retrieved നവംബർ 26, 2011.
- ↑ "Sahitya Akademi awards announced". The Hindu. May 25, 2005. Archived from the original on 2005-12-14. Retrieved നവംബർ 26, 2011.
- ↑ "കവി കിളിമാനൂർ രമാകാന്തൻ അന്തരിച്ചു". മെട്രോ വാർത്ത. ഡിസംബർ 1, 2009. Retrieved നവംബർ 26, 2011.[പ്രവർത്തിക്കാത്ത കണ്ണി]