Nuvola camera.svg ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

കേരളത്തിലെ കഥകളി ഗായകനാണ്‌ കാലാമണ്ഡലം ഗംഗാധരൻ‍. 1936 ജൂൺ 26-നു പുത്തൻ‌മഠത്തിൽ ശങ്കരപിള്ളയുടേയും പാർ‌വതിയമ്മയുടേയും മകനായി കൊട്ടാരക്കരയിൽ ജനിച്ചു. ചെറുപ്പത്തിൽ വേലുക്കുട്ടി നായരിൽ നിന്നും കർ‌ണാടകസംഗീതം അഭ്യസിച്ചു.പ്രാഥമികവിദ്യാഭ്യാസത്തെ തുടർ‌ന്ന് പതിനേഴാമത്തെ വയസ്സിൽ കലാമണ്ഡലത്തിൽ കഥകളി സംഗീതാഭ്യാസത്തിനു ചേർ‌ന്നു. കലാമണ്ഡലം നീലകണ്ഠൻ നമ്പീശന്റേയും കലാമണ്ഡലം ശിവരാമൻ നായരുടേയും ശിഷ്യനാണ്‌ ഇദ്ദേഹം.തുടർന്ന് ഇരുപത്തിനാലാമത്തെ വയസ്സിൽ കലാമണ്ഡലം അദ്ധ്യാപകനായി. 1991 വൈസ് പ്രിൻസിപ്പാൾ ആയി വിരമിച്ചു. കലാമണ്ഡലത്തിലെ വിദ്യാഭ്യാസം ബാലി വധം,രാവണോൽഭവം,കിർ‌മീരവധം തുടങ്ങിയ ആട്ടപ്രധാനകഥകൾ പാടുന്നതിൽ ഇദ്ദേഹത്തെ സഹായിച്ചു. സിംഹേന്ദ്രമദ്ധ്യമം രാഗത്തിൽ ആലപിച്ച ബാലി വധത്തിലെ നാഥാ!നായകാ! എന്ന പദം മികവുറ്റ പ്രകടനമായി കണക്കാക്കുന്നു. വെണ്മണി ഹരിദാസ്, കലാമണ്ഡലം ഹൈദരാലി, ശങ്കരൻ എമ്പ്രാന്തിരി തുടങ്ങി നിരവധി പേരെ കഥകളിസംഗീതം അഭ്യസിപ്പിച്ചു.

അംഗീകാരങ്ങൾതിരുത്തുക

  • കലാമണ്ഡലം ഫെല്ലോഷിപ്
  • ഗുരുവായൂരപ്പൻ പുരസ്കാരം
  • കേരളസംഗീത നാടകാകാദമി പുരസ്കാരം[1] (1998)
  • കേരളസർക്കാരിന്റെ കഥകളി പുരസ്ക്കാരം

അവലംബംതിരുത്തുക

"https://ml.wikipedia.org/w/index.php?title=കലാമണ്ഡലം_ഗംഗാധരൻ&oldid=2425597" എന്ന താളിൽനിന്ന് ശേഖരിച്ചത്