ഓണത്തെയ്യം

കേരളത്തിൽ, ഓണത്തിനുവേണ്ടി കെട്ടിയാടുന്ന തെയ്യമാണ് ഓണത്തെയ്യം. ഓണപ്പൊട്ടൻ എന്നറിയപ്പെടുന്ന ഓണേശ്വരൻ, ഓണത്താർ എന്നിവ പ്രസിദ്ധമായ ഓണത്തെയ്യങ്ങളാണ്.

ചരിത്രം

തെയ്യങ്ങളുടെ നാടായി അറിയപ്പെടുന്ന മലബാർ പ്രദേശങ്ങളിലാണ് ഈ കലാരൂപം രൂപംകൊണ്ടതെന്നു കരുതപ്പെടുന്നു. മഹാബലിയുടെ ചരിത്രം ഘോഷിക്കുന്ന തെയ്യമാണ് ഓണത്താർ. വണ്ണാൻ സമുദായത്തിൽപ്പെടുന്ന ആൺകുട്ടികളാണ് ഓണത്തെയ്യം കെട്ടിയാടുന്നത്. ഉത്രാടദിവസവും തിരുവോണദിവസവുമാണ് ഓണത്തെയ്യങ്ങൾ പ്രധാനമായും കെട്ടിയാടുക.