ഒല അൽ ഫാരിസ്
ജോർദാനിയൻ അഭിഭാഷകയും പത്രപ്രവർത്തകയും എംബിസി ടെലിവിഷൻ അവതാരകയുമാണ് ഒല അൽ ഫാരിസ് (English:Ola Al-Fares(അറബി: علا الفارس, ജനനം - നവംബർ 6, 1985). റാനിയ രാജ്ഞിക്ക് ശേഷം ജോർദാനി വനിതകളിൽ ഏറ്റവും അധികം ട്വിറ്റർ ഫോളോവേഴ്സ് ഉള്ളത് ഒല അൽ ഫാരിസിനാണ്. ബുർജ് ഖലീഫയുടെ മുകളിൽ കയറിയ ആദ്യ അറബ് വനിതയാണ് ഇവർ. 2015 ഡിസംബർ മൂന്നിന് യുവ ടിവി അവതാരകയ്ക്കുള്ള അറബ് വിമൻ ഓഫ് ദ ഇയർ അവാർഡ് നേടി.
ഒല അൽ ഫാരിസ് علا الفارس | |
---|---|
ജനനം | Ola Tahsin Abdul Raouf Al-Fares നവംബർ 6, 1985[1] |
തൊഴിൽ | Journalist, Television presenter, Model |
സജീവ കാലം | 2004- |
വെബ്സൈറ്റ് | Ola ALfares's twitter account |
ജീവചരിത്രം തിരുത്തുക
1985 നവംബർ ആറിന് ജോർദാനിലെ അമ്മാനിൽ ജനിച്ചു. ഒല തഹ്സിൻ അബ്ദുൽ റഹൂഫ് അൽ ഫാരിസ് എന്നാണ് പൂർണ നാമം. ജോർദാനിലെ അറിയപ്പെടുന്ന രാഷ്ട്രീയ കുടുംബത്തിലാണ് ജനനം. ഒലയുടെ മുത്തച്ഛൻ അബ്ദുൽ റഹൂഫ് അൽ ഫാരിസ് 1954 മുതൽ 1984ൽ മരിക്കുന്നതു വരെ ജോർദാൻ പാർലമെന്റ് അംഗമായിരുന്നു. ഒല തന്റെ 17ാം വയസ്സുമുതൽ ഒകെ എന്ന ബ്രിട്ടീഷ് മാഗസിനു വേണ്ടി റിപ്പോർട്ടിങ് ജോലി ആരംഭിച്ചു.
അംഗീകാരങ്ങൾ തിരുത്തുക
2016 മുതൽ ഫ്രഞ്ച് കോസ്മെറ്റിക് (സൗന്ദര്യവർദ്ധക വസ്തുക്കൾ)കമ്പനിയായ എൽ ഒറീലിന്റെ മിഡിലീസ്റ്റ് ബ്രാൻഡ് അംബാസറായിരുന്നു. ജോർദാൻ മൊബൈൽ ടെലികമ്മ്യൂണിക്കേഷൻ കമ്പനിയായ സൈൻ ജോർദാന്റെ ബ്രാൻഡ് അംബാസഡറായി ജോലി ചെയ്യുന്നു.