ഐ.വി. ദാസ്
കേരളത്തിലെ പ്രധാന സാംസ്കാരിക പ്രവർത്തകരിലൊരാളായിരുന്നു ഇല്ലത്ത് വയക്കര വീട്ടിൽ ഭുവനദാസ് എന്ന ഐ.വി. ദാസ്(7 ജൂലൈ 1932-30 ഒക്റ്റോബർ 2010)[1]. കേരള ഗ്രന്ഥശാലാ പ്രസ്ഥാനത്തിലെ സജീവ പ്രവവർത്തകനായിരുന്ന അദ്ദേഹത്തിന്റെ ഓർമ്മയ്ക്കായി, പി.എൻ പണിക്കരുടെ ചരമദിനമായ ജൂൺ 19 മുതൽ ഐ.വി. ദാസിന്റെ ജന്മദിനമായ ജൂലൈ 7 വരെ സംസ്ഥാനതലത്തിൽ വായന പക്ഷാചരണം ആചരിച്ചുവരുന്നു[2][3]. ദേശാഭിമാനി വാരിക പത്രാധിപരും എഴുത്തുകാരനുമായിരുന്നു[4]
ഐ.വി. ദാസ് | |
|---|---|
 ഐ.വി. ദാസ് | |
| ജനനം | ജൂലൈ 7, 1932 |
| മരണം | 2010 ഒക്ടോബർ 30 |
| ദേശീയത | ഇന്ത്യൻ |
| തൊഴിൽ | സാംസ്കാരിക പ്രവർത്തകൻ, സാഹിത്യകാരൻ |
ജീവിതരേഖ
തിരുത്തുക1932 ജൂലൈ 7 ന് കണ്ണൂർ ജില്ലയിലെ മൊകേരിയിൽ ജനനം.[5] കൃഷിവകുപ്പിൽ ഗുമസ്തനായി കുറച്ചു കാലം ജോലി ചെയ്തിരുന്നു.[6] 1953 ജൂൺ ഒന്നിന് മൊകേരി ഈസ്റ്റ് യുപി സ്‌കൂളിൽ അധ്യാപകനായി ഔദ്യോഗിക ജീവിതം ആരംഭിച്ചു. 1982 സെപ്റ്റംബർ 24ന് സ്വമേധയാ വിരമിച്ചു.
ദീർഘകാലം കമ്യൂണിസ്റ്റ് പാർട്ടി കണ്ണൂർ ജില്ലാ കമ്മിറ്റി അംഗമായിരുന്നു ഐ വി ദാസ് . 1985ലും 2007ലും സി.പി.എം. സംസ്ഥാന കമ്മിറ്റിയംഗമായി. ദേശാഭിമാനി, മുന്നണി, പുതുയുഗം, റോക്കറ്റ്, പടഹം എന്നീ മാസികകളുടെ പത്രാധിപരായിരുന്നു.
പത്രപ്രർത്തനത്തിൽ തല്പരനായിരുന്ന ദാസ്, അധ്യാപകനായിരിക്കെ സായാഹ്നപത്രങ്ങൾ പുറത്തിറക്കിയിരുന്നു. വളണ്ടറി റിട്ടയർമെന്റിനുശേഷം ദേശാഭിമാനി പത്രാധിപരായി ചുമതലയേറ്റു. പത്തുവർഷം കേരള സ്റ്റേറ്റ് ലൈബ്രറി കൗൺസിൽ സെക്രട്ടറിയായിരുന്നു. കേരള ഗ്രന്ഥശാലാ സംഘം ജോയിന്റ് സെക്രട്ടറി, കൺട്രോൾ ബോർഡ് അംഗം, കേരള സാഹിത്യ അക്കാദമി സെക്രട്ടറി[7], കേരള സംഗീത നാടക അക്കാദമി അംഗം, പുരോഗമന കലാ സാഹിത്യസംഘം സംസ്ഥാന സമിതി അംഗം എന്നീ നിലകളിലും സേവനമനുഷ്ഠിച്ചു.
കേരള ഗ്രന്ഥശാലാ പ്രസ്ഥാനത്തിലെ സജീവ പ്രവവർത്തകനായിരുന്ന അദ്ദേഹം ഗ്രന്ഥശാലകളുമായി ബന്ധപ്പെട്ട നിയമങ്ങളും ചട്ടങ്ങളും രൂപപ്പെടുത്തിയെടുക്കുന്നതിലും പ്രധാന പങ്ക് വഹിച്ചിട്ടുണ്ട്.[6]
സാഹിത്യരംഗം
തിരുത്തുകമലയാളത്തിൽ ഓർമ്മപ്പുസ്തകങ്ങൾക്ക് തുടക്കം കുറിച്ചത് ഐ വി ദാസാകാം എന്ന് ഒരു അഭിപ്രായമുണ്ട്.[6] വായന മരിക്കുന്നില്ല, വാഗ്ഭടാനന്ദ ഗുരുദേവൻ, ലേഖനമാല, ഐ വി ദാസിന്റെ രാഷ്ട്രീയ ലേഖനങ്ങൾ, സമരങ്ങളും പ്രതികരണങ്ങളും, ശങ്കരദർശനം, വിചാരവിപ്ലവത്തിന്റെ വഴി, ഗാന്ധിസം ഇന്നലെ ഇന്ന് നാളെ, നീണ്ട കുറിപ്പുകൾ, ഇ എം എസ് ജീവിതവും ചിന്തയും തുടങ്ങി 18 കൃതികൾ രചിച്ചിട്ടുണ്ട്.[6] കേരള ഭാഷാ ഇൻസ്റ്റിറ്റിയൂട്ട് പ്രസിദ്ധീകരിച്ച ഇ.എം.എസ്:ജീവിതവും കാലവും ആണ് ഒടുവിലത്തെ കൃതി. 200ൽ അധികം പുസ്തകങ്ങൾ എഡിറ്റ് ചെയ്തിട്ടുണ്ട്.[5]
റീഡേഴ്സ് പുരസ്കാരം, അക്ഷര പുരസ്കാരം, പി എൻ പണിക്കർ പുരസ്കാരം തുടങ്ങിയ പുരസ്കാരങ്ങൾ അദ്ദേഹത്തിന് ലഭിച്ചിട്ടുണ്ട്.[6]
അംഗീകാരങ്ങൾ
തിരുത്തുകഅക്ഷരപുരസ്ക്കാരം, പി.എൻ.പണിക്കർ പുരസ്കാരം, കാലിക്കറ്റ് റീഡേഴ്സ് ഫോറത്തിന്റെ റീഡേഴ്സ് അവാർഡ്, പി.ആർ.കുറുപ്പിന്റെ സ്മരണയ്ക്കായുള്ള വജ്രസൂചി അവാർഡ് എന്നിവ ഉൾപ്പെടെ നിരവധി പുരസ്കാരങ്ങൾ നേടി.
കേരള സ്റ്റേറ്റ് ലൈബ്രറി കൗൺസിൽ അദ്ദേഹത്തിന്റെ നാമത്തിൽ സാഹിത്യ സാമൂഹിക രംഗത്തെ സമഗ്ര സംഭാവന നൽകിയ വ്യക്തിക്ക് പുരസ്കാരം നൽകിവരുന്നു[8][9][10][11] 2015 ലെ ആദ്യ പുരസ്കാരം സുഗതകുമാരിക്ക് ആണ് ലഭിച്ചത്.[12] കണ്ണൂർ ജില്ല ലൈബ്രറി കൗൺസിൽ മികച്ച ഗ്രന്ഥശാലകൾക്ക് ഐ.വി ദാസിൻ്റെ പേരിൽ പുരസ്കാരം നൽകിവരുന്നു.[13] 25,000 രൂപയ്ക്കുള്ള പുസ്തകങ്ങളും സാക്ഷ്യപത്രവും അടങ്ങുന്ന പുരസ്കാരം, സംസ്ഥാനത്തെ 50 വർഷം പിന്നിട്ട മികച്ച ഗ്രന്ഥശാലയ്ക്ക് ആണ് നൽകി വരുന്നത്.[14] കതിരൂർ സർവീസ് സഹകരണ ബാങ്ക് ഐ വി ദാസിൻ്റെ പേരിൽ മാധ്യമ പുരസ്കാരം നൽകി വരുന്നു.[15] ഐ വി ദാസ് കൾച്ചറൽ സെൻ്ററും സദ്ഗമയയും ചേർന്നും ഐവി ദാസിൻ്റെ പേരിൽ അവാർഡ് നൽകി വരുന്നുണ്ട്.[16]
പി.എൻ പണിക്കരുടെ ചരമദിനമായ ജൂൺ 19 മുതൽ ഐ.വി. ദാസിന്റെ ജന്മദിനമായ ജൂലൈ 7 വരെ സംസ്ഥാനതലത്തിൽ വായന പക്ഷാചരണം ആചരിച്ചുവരുന്നു[17][18].
ജീവചരിത്രം
തിരുത്തുകപവിത്രൻ മൊകേരി എഴുതി ചിന്ത പബ്ളി ഷേഴ്സ് പുറത്തിറക്കിയ ഐവി ദാസിൻ്റ ജീവചരിത്രമാണ് ഐ വി ദാസ് ഹൃദയപക്ഷത്തിലെ സൂര്യശോഭ.[19]
അവലംബം
തിരുത്തുക- ↑ "Mathrubhumi - ഐ.വി ദാസ് അന്തരിച്ചു". 2010-11-02. Archived from the original on 2010-11-02. Retrieved 2024-10-26.
- ↑ "വായന പക്ഷാചരണം: സംസ്ഥാനതല ഉദ്ഘാടനം ഇന്ന് (ജൂൺ 19) | I&PRD : Official Website of Information Public Relations Department of Kerala". Retrieved 2024-10-26.
- ↑ keralanews. "വായനാ പക്ഷാചരണത്തിന് ജില്ലയിൽ തുടക്കം" (in ഇംഗ്ലീഷ്). Retrieved 2024-10-26.
- ↑ Śr̲īdharan, Si Pi (1969). ഇന്നത്തെ സാഹിത്യകാരന്മാർ. Sāhityavēdi Pabȧḷikkēṣansȧ. p. 550.
- ↑ 5.0 5.1 "ഐ.വി ദാസ് അന്തരിച്ചു" (in ഇംഗ്ലീഷ്). Retrieved 2024-11-27.
- ↑ 6.0 6.1 6.2 6.3 6.4 athmaonline (2023-07-07). "ഐ വി ദാസ്; ഗ്രന്ഥശാല പ്രവർത്തനത്തിലെ ഊർജ്ജദായകൻ" (in ബ്രിട്ടീഷ് ഇംഗ്ലീഷ്). Retrieved 2024-11-27.
- ↑ "കേരള സാഹിത്യ അക്കാദമിയുടെ മുൻകാല ഭാരവാഹികൾ". Retrieved 2024-10-15.
{{cite web}}:|archive-url=requires|archive-date=(help) - ↑ Service, Express News (2015-11-27). "I V Das Award Ceremony Held" (in ഇംഗ്ലീഷ്). Retrieved 2024-10-26.
- ↑ "ലൈബ്രറി കൗൺസിൽ പുരസ്കാരങ്ങൾ പ്രഖ്യാപിച്ചു". Retrieved 2024-10-26.
- ↑ "Library Council Award: ലൈബ്രറി കൗൺസിൽ പുരസ്കാരങ്ങൾ പ്രഖ്യാപിച്ചു; സമഗ്ര സംഭാവനയ്ക്ക് കെ. സച്ചിദാനന്ദന് അവാർഡ്". Retrieved 2024-10-26.
- ↑ "ഏഴാച്ചേരി രാമചന്ദ്രന് ഐ.വി.ദാസ് പുരസ്കാരം". Retrieved 2024-10-26.
- ↑ Service, Express News (2015-03-21). "Sugathakumari Receives First I V Das Award" (in ഇംഗ്ലീഷ്). Retrieved 2024-11-27.
- ↑ "മികച്ച ഗ്രന്ഥശാലയ്ക്കുള്ള ഐ.വി ദാസ് പുരസ്കാരം പന്തളം കേരള വർമ്മ ഗ്രന്ഥശാലയ്ക്ക്" (in ഹിന്ദി). Retrieved 2024-11-27.
- ↑ "മികച്ച ഗ്രന്ഥശാലയ്ക്കുള്ള ഐ.വി ദാസ് പുരസ്കാരം പന്തളം കേരള വർമ്മ ഗ്രന്ഥശാലയ്ക്ക്". Retrieved 2024-11-27.
- ↑ News, Reporter. "ഐ വി ദാസ് പുരസ്കാരം റിപ്പോർട്ടർ ടിവി കൺസൾട്ടിംഗ് എഡിറ്റർ ഡോ.അരുൺ കുമാറിന്". Retrieved 2024-11-27.
{{cite web}}:|last=has generic name (help) - ↑ "IV Das awards for writer, journalist". ദ ഹിന്ദു.
- ↑ "വായന പക്ഷാചരണം: സംസ്ഥാനതല ഉദ്ഘാടനം ഇന്ന് (ജൂൺ 19) | I&PRD : Official Website of Information Public Relations Department of Kerala". Retrieved 2024-10-26.
- ↑ keralanews. "വായനാ പക്ഷാചരണത്തിന് ജില്ലയിൽ തുടക്കം" (in ഇംഗ്ലീഷ്). Retrieved 2024-10-26.
- ↑ "ഐ വി ദാസ് ഹൃദയപക്ഷത്തിലെ സൂര്യശോഭ ജീവചരിത്രം" (in ഇംഗ്ലീഷ്). Retrieved 2024-11-27.