എഴുമാന്തുരുത്ത്

കേരളത്തിലെ കോട്ടയം ജില്ലയിൽ കടുത്തുരുത്തി ഗ്രാമ പഞ്ചായത്തിലെ ഒരു ഗ്രാമമാണ് എഴുമാന്തുരുത്ത്. രണ്ട് തുരുത്തുകൾ ചേർന്ന ദ്വീപസമൂഹമാണിത്. പ്രധാന തുരുത്തായ എഴുമാൻതുരുത്തിനോട് ചെറിയ തുരുത്തായ പുലിത്തുരുത്ത് ചേർന്ന് കിടക്കുന്നു. ഏകദേശം 2 കിലോമീറ്റർ വിസ്തീർണ്ണമുള്ള ഈ ഗ്രാമത്തിൽ ഏകദേശം 3500ഓളം ജനങ്ങൾ ജീവിക്കുന്നു. കേരളത്തിലെ അപൂർവം ശ്രീ ബാലഭദ്രയുടെ ക്ഷേത്രങ്ങളിൽ ഒന്നായ പൂങ്കാവിൽ ശ്രീ ബാലഭദ്ര ക്ഷേത്രം ഇവിടെ സ്ഥിതി ചെയ്യുന്നു.