എടക്കര
11°21′25″N 76°18′19″E / 11.35695°N 76.305263°E മലപ്പുറം ജില്ലയിൽ നിലമ്പൂരിനടുത്തുള്ള ഒരു ചെറുനഗരം. തമിഴ്നാട്ടിലെ ഗൂഡല്ലൂർ ഏതാണ്ട് 37 കിലോമീറ്റർ അകലെയാണ്‌. റബ്ബർ, കുരുമുളക്, നെല്ല്, തെങ്ങ് എന്നിവയുടെ കൃഷി ഇവിടുത്തെ ജനങ്ങളുടെ ഒരു പ്രധാന വരുമാനമാർഗ്ഗമാണ്‌. ഈ പഞ്ചായത്തിന് ഈ പേര് വരാൻ കാരണം കോഴിക്കോടിന്റെയും ഊട്ടിയുടെയും ഇടയിൽ ആയതിനാൽ ആണ് എന്ന് പറയപ്പെടുന്നു. പണ്ടുകാലത്ത് കോഴിക്കോടിനെയും ഊട്ടിയേയും ബന്ധിപ്പിച്ചുകൊണ്ട് നിലമ്പൂർ വഴിയുണ്ടായിരുന്ന പാതയിൽ, വിശ്രമിക്കാനുള്ളൊരു ഇടത്താവളമായിരുന്നു ഈ സ്ഥലം. അതുകൊണ്ട് ഇടത്താവളം എന്നർത്ഥം വരുന്ന “എടക്കര” എന്ന് ഈ പ്രദേശത്തിനു പേരു ലഭിച്ചുവെന്ന് പറയപ്പെടുന്നു.[1] എടക്കരയിൽ നടത്തുന്ന കാലിച്ചന്ത വളരെ പ്രസിദ്ധമാണ്. തമിഴ്‌‌നാട്ടിൽ നിന്നും, കർണാടകയിൽ നിന്നും,ആന്ധ്രയിൽ നിന്നും എല്ലാം കന്നുകാലികളെ ഇവിടെ എത്തിക്കുന്നു. വഴിക്കടവ്, മൂത്തേടം, പോത്ത്കല്ല്, ചുങ്കത്തറ എന്നീ പഞ്ചായത്തുകളിലെ ജനങ്ങൾ ഏറ്റവും കൂടുതൽ ആശ്രയിക്കുന്ന എടക്കര അനുദിനം വികസിച്ച്കൊണ്ടിരിക്കുന്ന ഒരു ചെറുനഗരം കൂടിയാണ്.
| എടക്കര | |
| രാജ്യം |  ഇന്ത്യ
|
| സംസ്ഥാനം | കേരളം |
| ജില്ല(കൾ) | Malappuram |
| സമയമേഖല | IST (UTC+5:30) |
എടക്കര അങ്ങാടിയുടെ ഹൃദയഭാഗത്ത് സ്ഥിതി ചെയ്യുന്ന ജി എച് എസ് എസ് എടക്കര എന്ന വിദ്യാലയമാണ് ഇവിടുത്തെ പ്രധാന സർക്കാർ വിദ്യാലയം.[2][3]
അവലംബം തിരുത്തുക
- ↑ "എടക്കര". എൽ.എസ്.ജി. മൂലതാളിൽ നിന്നും 2011-03-25-ന് ആർക്കൈവ് ചെയ്തത്. ശേഖരിച്ചത് 31 മാർച്ച് 2013.
- ↑ "ജി എച് എസ് എസ് എടക്കര", വിക്കിപീഡിയ, 2021-05-26, ശേഖരിച്ചത് 2021-05-26
- ↑ "GHSS EDAKKARA - Edakkara, District Malappuram (Kerala)" (ഭാഷ: ഇംഗ്ലീഷ്). ശേഖരിച്ചത് 2021-05-26.
എടക്കര കാലിച്ചന്ത ടൗൺ ന് അടുത്താണെങ്കിലും പാലത്തിന് അപ്പുറമായതിനാൽ വഴിക്കടവ് പഞ്ചായത്തിലാണ് സ്ഥിതിചെയ്യുന്നത്.
|
മലപ്പുറം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |