എം. നാരായണക്കുറുപ്പ്
ഇന്ത്യയിലെ ഒരു രാഷ്ട്രീയ പ്രവർത്തകൻ
(എം. നാരായണ കുറുപ്പ് എന്ന താളിൽ നിന്നും തിരിച്ചുവിട്ടതു പ്രകാരം)
ഒന്നും, രണ്ടും കേരളനിയമസഭകളിൽ ബാലുശ്ശേരി നിയോജകമണ്ഡലത്തെ[1] പ്രതിനിധീകരിച്ച ഒരു രാഷ്ട്രീയ നേതാവായിരുന്നു എം. നാരായണക്കുറുപ്പ് (1902 - 21 മേയ് 1970). പി.എസ്.പി. പ്രതിനിധിയായാണ് എം. നാരായണക്കുറുപ്പ് ഒന്നാം കേരള നിയമസഭയിലേക്കെത്തിയത്, രണ്ടാം കേരളനിയമസഭയിൽ സ്വതന്ത്രനായാണിദ്ദേഹം തിരഞ്ഞെടുക്കപ്പെട്ടത്. 1952-ൽ ഇദ്ദേഹം മദ്രാസ് നിയമസഭയിലുമംഗമായിരുന്നു.
എം. നാരായണക്കുറുപ്പ് | |
|---|---|
 | |
| കേരള നിയമസഭ അംഗം | |
| In office മാർച്ച് 16 1957 – സെപ്റ്റംബർ 10 1964 | |
| പിൻഗാമി | എ.കെ. അപ്പു |
| മണ്ഡലം | ബാലുശ്ശേരി |
| Personal details | |
| Born | 1902 |
| Died | മേയ് 21, 1970 (പ്രായം 67–68) |
| Political party | പി.എസ്.പി. |
| As of നവംബർ 8, 2011 Source: നിയമസഭ | |
1957 മുതൽ 1958 വരെ പബ്ലിക് അക്കൗണ്ട് കമ്മിറ്റി ചെയർമാൻ, 1959-60, 1960-62, 63-65 കാലഘട്ടങ്ങളിൽ സബോർഡിനേറ്റ് ലെജിസ്ലേഷൻ കമ്മിറ്റി ചെയർമാൻ, മദ്രാസ് നിയമസഭയിലും കേരളാ നിയമസഭയിലും പി.എസ്.പി.യുടെ ഡെപ്യൂട്ടിചെയർമാൻ, എ.ഐ.സി.സി. അംഗം (1959 വരെ), പി.സി.സി. സെക്രട്ടറി, എന്നീ നിലകളിലും ഇദ്ദേഹം പ്രവർത്തിച്ചിട്ടുണ്ട്. ക്വിറ്റ് ഇന്ത്യാ സമരത്തിൽ പങ്കെടുക്കുക വഴി രണ്ട് വർഷം ജയിൽവാസം അനുഭവിക്കുകയും ചെയ്തു.