കേരളത്തിലെ ഒരു ചരിത്രപണ്ഡിതനും സാംസ്കാരിക വിമർശകനും ഗ്രന്ഥകാരനുമാണ് ഡോ. എം. ഗംഗാധരൻ‍. ഏറ്റവും നല്ല വിവർത്തക കൃതിക്കുള്ള 1999 ലെ കേരള സാഹിത്യ അക്കാഡമി പുരസ്കാരത്തിന്‌ അർഹനായിട്ടുണ്ട്.[1] മലബാർ കലാപത്തെ കുറിച്ചു കാലികറ്റ് യൂനിവേഴ്സിറ്റിയിൽ നിന്ന് പി.എച്.ഡി[2] നേടിയുട്ടുള്ള അദ്ദേഹം മലബാറിലെ മാപ്പിളമാരെ കുറിച്ചു സവിശേഷമായി പഠനം നടത്തി.

എം. ഗംഗാധരൻ
M gangadharan 01.jpg
എം. ഗംഗധരൻ 2010 ജൂണിൽ
ജനനം
ദേശീയത ഇന്ത്യ
തൊഴിൽഅദ്ധ്യാപകൻ, ചരിത്രപണ്ഡിതൻ, സാംസ്കാരിക വിമർശകൻ

ജീവിതരേഖതിരുത്തുക

പി.കെ. നാരായണൻ നായരുടേയും മുറ്റയിൽ പാറുകുട്ടിയമ്മയുടേയും മകനായി മലപ്പുറം ജില്ലയിലെ പരപ്പനങ്ങാടിയിൽ 1933 ൽ ജനനം. 1954 ൽ മദ്രാസ് യൂനിവേഴ്സിറ്റിയിൽ നിന്ന് ചരിത്രത്തിൽ ബി.എ (ഓണേഴ്സ്) കരസ്ഥമാക്കി. മദിരാശിയിൽ കേന്ദ്രസർക്കാർ സ്ഥാപനത്തിൽ ഓഡിറ്ററായിരുന്നു. പിന്നീട് ചരിത്രാദ്ധ്യാപകനായി. 1986 ൽ മലബാർ കലാപത്തെ കുറിച്ച പ്രബന്ധത്തിനു കാലികറ്റ് സർ‌വകലാശാലയിൽ നിന്ന് പി.എച്ച്.ഡി. ആറുവർഷക്കാലം കോട്ടയം, കൊല്ലം സർ‌വകലാശാലകളിൽ വിസിറ്റിംഗ് പ്രൊഫസറായി സേവനമനുഷ്ടിച്ചു.[3] 1970 മുതൽ 75 വരെ തവനൂർ റൂറൽ ഇൻസ്റ്റിറ്റ്യൂട്ടിൽ ജോലിചെയ്തു. 1975 മുതൽ 88 വരെ കോഴിക്കോട് ആർട്ട്സ് ആൻഡ് സയൻസ് കോളേജിൽ അദ്ധ്യാപകനായിരുന്നു. ആനുകാലികങ്ങളിൽ ചരിത്രം,സംസ്കാരം തുടങ്ങിയ വിഷയങ്ങളുമായി ബന്ധപ്പെട്ട് എഴുതാറുണ്ട്.[3]. ഇപ്പോൾ പരപ്പനങ്ങാടിയിലെ 'കൈലാസ'ത്തിൽ താമസം. ചരിത്രപണ്ഡിതനായ എം.ജി.എസ്. നാരായണൻ ഗംഗാധരന്റെ സഹോദരിയുടെ മകനാണ്‌.

കുടുംബം

ഭാര്യ:യമുനാദേവി. മകൻ:നാരായണൻ. മകൾ‍‍:നളിനി

ഗ്രന്ഥങ്ങൾതിരുത്തുക

  • അന്വേഷണം,ആസ്വാദനം.[3]
  • നിരൂപണം പുതിയ മുഖം
  • മലബാർ റബല്ല്യൻ-1921-22 (ഇംഗ്ലീഷ്)
  • ദ ലാന്റ് ഓഫ് മലബാർ
  • മാപ്പിള പഠനങ്ങൾ
  • വസന്തത്തിന്റെ മുറിവ് (വിവർത്തനം)-1999

പുരസ്കാരങ്ങൾതിരുത്തുക

അവലംബംതിരുത്തുക

  1. സാഹിത്യ അക്കാഡമി ഔദ്യോഗിക വെബ്സൈറ്റ്
  2. ജാതിവ്യവസ്ഥ: പഠനങ്ങൾ. p. 5. ശേഖരിച്ചത് 7 സെപ്റ്റംബർ 2019.
  3. 3.0 3.1 3.2 മലബാർ കലാപം,നാലാം ലോക കേരളീയത-എം. ഗംഗാധരനുമായി എം.എൻ കാരശ്ശേരി നടത്തിയ ആശയസം‌വാദം- പ്രസാധകർ:കറന്റ് ബുക്സ്-2005
  4. http://www.mathrubhumi.com/books/awards.php?award=19
  5. സാഹിത്യവിവർത്തനത്തിനുള്ള കേരള സാഹിത്യ അക്കാദമി പുരസ്കാരം ലഭിച്ച കൃതികൾ.
  6. "തോമസ് മാത്യുവിനും കാവാലം നാരായണപ്പണിക്കർക്കും കേരള സാഹിത്യ അക്കാദമി ഫെല്ലോഷിപ്പ്". ജന്മഭൂമി. മൂലതാളിൽ നിന്നും 17 മാർച്ച് 2016-ന് ആർക്കൈവ് ചെയ്തത്. ശേഖരിച്ചത് 17 മാർച്ച് 2016.
"https://ml.wikipedia.org/w/index.php?title=എം._ഗംഗാധരൻ&oldid=3208910" എന്ന താളിൽനിന്ന് ശേഖരിച്ചത്