ഈഡിത്ത് റബേക്ക സോണ്ടേഴ്സ്
ഒരു ബ്രിട്ടീഷ് ജനിതക ശാസ്ത്രജ്ഞയായിരുന്നു ഈഡിത്ത് റബേക്ക സോണ്ടേഴ്സ്. "ബ്രിട്ടീഷ് പ്ലാന്റ് ജെനറ്റിക്സിന്റെ അമ്മ" ( "Mother of British Plant Genetics") എന്ന പേരിൽ ജെ. ബി. എസ്. ഹാൽഡേൻ ഇവരെ വിശേഷിപ്പിച്ചിരുന്നു. [1] മെൻഡലിന്റെ പാരമ്പര്യ നിയമങ്ങൾ വീണ്ടും കണ്ടെത്തുന്നതിലും സസ്യങ്ങളിലെ സ്വത്ത്വം നേടിയെടുക്കുന്നതിനുള്ള അറിവിലും ഇവർ സജീവമായ പങ്കുവഹിച്ചു. സസ്യങ്ങളുടെ ജനിതകഗവേഷണത്തിലും മറ്റുമായി വിപുലമായ വിവരശേഖരങ്ങൾ അവൾ വികസിപ്പിച്ചെടുത്തു. പ്രത്യേകിച്ച് പെൺ പുഷ്പങ്ങളുടെ പ്രത്യുത്പാദന അവയവങ്ങളുടെ ഗൈനിയോസിയത്തിൽ ആയിരുന്നു ശ്രദ്ധിച്ചിരുന്നത്.
ഈഡിത്ത് റബേക്ക സോണ്ടേഴ്സ് | |
|---|---|
 | |
| ജനനം | 14 ഒക്ടോബർ 1865 ബ്രിങ്ടൺ, ഇംഗ്ലണ്ട് |
| മരണം | 6 ജൂൺ 1945 (പ്രായം 79) കേംബ്രിഡ്ജ്, ഇംഗ്ലണ്ട് |
| ശാസ്ത്രീയ ജീവിതം | |
| പ്രവർത്തനതലം | ജനിതകശാസ്ത്രം, സസ്യങ്ങളുടെ അനാട്ടമി |
ജീവിതം
തിരുത്തുക1865 ഒക്ടോബർ 14 ന് ഇംഗ്ലണ്ടിലെ ബ്രിങ്ടണിലാണ് ( Brighton) സോണ്ടേഴ്സ് ജനിച്ചത്. ഹാൻഡ്സ്വർത്ത് ലേഡീസ് കോളേജിൽ പഠിച്ചു. 1884 ൽ കേംബ്രിഡ്ജിലെ ന്യൂഹാം വനിതാ കോളേജിലെ പ്രവേശിച്ചു. [2] അവിടെ, അവർ നാച്വറൽ സയൻസസ് ത്രോപോസിന്റെ പാർട്ട് 1 (1887-ൽ) പാർട്ട് 2 (1888 ൽ) എന്നിവയിൽ പങ്കെടുത്തു. അവൾ ബിരുദാനന്തര ബിരുദ പഠനം നടത്തുന്നതിനോടൊപ്പം 1888-1890 കാലഘട്ടത്തിൽ ബാൽഫോർ ബയോളജിക്കൽ ലബോറട്ടറി ഫോർ വനിതയിൽ നല്ലരീതിയിലുള്ള ഗവേഷണ പ്രവർത്തനങ്ങൾ ചെയ്തുവന്നു (ന്യൂഹാം കോളേജിൽ നിന്നും കൂടെ ഗിർറ്റൺ കോളേജുകളിൽ നിന്നുമുള്ള വിദ്യാർത്ഥികക്കായി നാച്വറൽ സയൻസസ് ത്രോപോസിനായുള്ള ഒരുക്കങ്ങൾ നടത്തി വന്നു.) [3]
1906 ൽ റോയൽ ഹോർട്ടികൾച്ചർ സൊസൈറ്റിയിലെ സഹപ്രവർത്തകനായി നിയമിക്കപ്പെട്ടു. 1905-ൽ ലീനഷ്യൻ ലണ്ടൻ സൊസൈറ്റിയിൽ ഒരു വനിതാ അംഗമായി തിരഞ്ഞെടുക്കപ്പെട്ടു. 1920 ൽ ബ്രിട്ടീഷ് അസോസിയേഷൻ ഓഫ് ദി അഡ്വാൻസ്മെന്റ് ഓഫ് സയൻസ് എന്ന ബൊട്ടാണിക്കൽ വിഭാഗത്തിന്റെ പ്രസിഡന്റായിരുന്നു അവർ. 1936 നും 1938 നും ഇടക്ക് ജെനറ്റിക് സൊസൈറ്റി പ്രസിഡന്റായി മാറി.[4][5] രണ്ടാം ലോകമഹായുദ്ധകാലത്ത് സഖ്യസേനയുടെ സായുധസേനയെ സഹായിച്ചു. 1945 ൽ സൈക്കിൾ അപകടത്തിൽ ഗുരുതരമായി പരിക്കേറ്റ ബ്രിട്ടനിൽ തിരിച്ചെത്തി. ഉടനേതന്നെ 1945 -ൽ ജൂൺ 6 -ന് അന്തരിച്ചു.
ഗവേഷണം
തിരുത്തുകജനിതകശാസ്ത്രത്തെക്കുറിച്ച് ശ്രദ്ധിച്ചതാണ് സൗണ്ടേഴ്സ് ആദ്യകാലത്ത് നടത്തിയ ഗവേഷണം. അവരുടെ ജനിതക പരീക്ഷണങ്ങളിൽ പലതും പിന്നീട് അവരെ ഏറെ നയിക്കുകയും, "അല്ലെലോമോർഫ്സ് (allelomorphs)" (ഇക്കാലത്തെ ഇലക്ട്രോമുകൾ എന്നും അറിയപ്പെടുന്നു), ഹെട്രൊസിഗോട്ട് (heterozygote), ഹോമോസൈഗോട്ട് (homozygote) തുടങ്ങിയ സുപ്രധാന പദങ്ങൾ നിർവചിക്കുകയും ചെയ്തു. പിന്നീട്, ബേറ്റ്സണും (Bateson) റെജിനാൾഡ് പുന്നറ്റും (Reginald Punnett) ചേർന്ന് ജനിതക ബന്ധം വഴി ഇതൊക്കെയും കണ്ടുപിടിച്ചു. ലണ്ടനിലെ പ്രശസ്തമായ ലിനേയൻ സൊസൈറ്റിയിൽ (Linnean Society) ഫെലോ ആയി ഇവർ തെരഞ്ഞെടുക്കപ്പെട്ടിരുന്നു.
ഗൈനിയോസിയയെ സംബന്ധിച്ചും മറ്റും നിരവധി വിഷയങ്ങൾ ലേഖനങ്ങളായി ഇവർ പ്രസിദ്ധീകരിച്ചിരുന്നു. (1928 നും 1931 നും ഇടയിൽ ന്യൂ ഫൈറ്റോളജിസ്റ്റ് മാസികയിൽ പ്രസിദ്ധീകരിച്ച "ഇല്ലുസ്ട്രേഷൻ ഓഫ് കാർപെൽ പോളിമോർഫിസം" (Illustrations of Carpel Polymorphism) എന്ന നോവലിനുള്ള നിരൂപണമായി പ്രസിദ്ധീകരിച്ച ലേഖനങ്ങൾ ആയിരുന്നു ഇത്). ഇ. ആർ. സോണ്ടേഴ്സ് (E. R. Saunders) എന്ന നാമം ഒരു ആധികാരിക തൂലികാനാമം പോലെ മറ്റുള്ള എഴുത്തുകാരിൽ പലരും ഇവരെ വിശേഷിപ്പിക്കാനായി ഉപയോഗിച്ചിരുന്നു.
ഉദ്യാനങ്ങളിൽ വളർത്തുന്ന മത്തിയോല ഇൻകാന (Mathiola incana) എന്ന സസ്യത്തിലായിരുന്നു ഇ. ആർ. സോണ്ടേഴ്സിന്റെ പഠനങ്ങളിൽ അധികവും നടന്നത്. ഈ ചെടിയുടെ തണ്ടിലും പൂക്കളുടെ ഘടനയിലും നടന്ന ഗവേഷണം ലീഫ് സ്കിൻ തിയറി (Leaf skin Theory) എന്ന പേരിൽ പിന്നീട് പ്രസിദ്ധമായ സിദ്ധാന്തം വികസിപ്പിക്കുന്നതിന് ഇവരെ ഏറെ സഹായിച്ചിരുന്നു. പൂക്കളുടെ ഘടനയെ കുറിച്ച് ഇവർ രചിച്ച പുസ്തകത്തിന്റെ പേര് ഫോറൽ മോർഫോളജി (Foral Morphology) എന്നാണ്.[6]