ഇരട്ടവാലൻ (പ്രാണി)

പുസ്തകങ്ങളും വസ്ത്രങ്ങളും തുളച്ച് കേടുവരുത്തുന്ന ഒരു തരം ചെറുപ്രാണിയാണ് ഇരട്ടവാലൻ. ചിറകുകളില്ലാത്ത ഷഡ്പദമായ ഇവ വെള്ളിമീൻ (silverfish), പുസ്തകപ്പൂച്ചി എന്നും അറിയപ്പെടുന്നു. പ്രധാനമായും തണുപ്പുള്ള, ഇരുണ്ട സ്ഥലങ്ങളിലാണ് ഇവ വസിക്കുന്നത്. ചിറകില്ല എന്നതും രൂപാന്തരണം അഥവാ മെറ്റമോര്ഫോസിസ് എന്ന പ്രക്രിയയ്ക്ക് വിധേയമാകുന്നില്ല എന്നതും ഇവയുടെ സവിശേഷതയാണ്. ഉണങ്ങിയ ഇലകളും കടലാസുമാണ് ഇവയുടെ പ്രധാന ഭക്ഷണം. ഇവയിലുള്ള സ്റ്റാർച്ച് അഥവാ അന്നജം ആണ് മുഖ്യാഹാരം. നേർത്ത ശരീരവും നാരുപോലുള്ള വാലുകളും ഇവയുടെ പ്രത്യേകതയാണ്. മത്സ്യങ്ങളെപ്പോലെ തിളങ്ങുന്ന ശൽകങ്ങളുള്ളതിനാലാണ് ഇവയ്ക്ക് സിൽവർ ഫിഷ് എന്ന പേരു വന്നത്. ഏകദേശം 400 മില്ല്യൻ വർഷം മുന്പ് ഇവ ഭൂമിയിൽ ഉണ്ടാതായി കരുതപ്പെടുന്നു. ഇവയുടെ ശാസ്ത്രീയ നാമം Lepisma saccharina എന്നാണ്, ഇതിൽ സക്കാരിന എന്നത് ധാരാളമായി അന്നജം ഭക്ഷണമാക്കുന്നതിനാൽ വന്നിട്ടുള്ള പേരാണ്. ഒന്ന് മുതൽ എട്ടു വര്ഷം വരെയാണ് ഇവയുടെ ആയുസ്സ്. യാതൊരു ഭക്ഷണവും കഴിക്കാതെ ഏകദേശം ഒരു വര്ഷം വരെ ജീവിക്കാൻ ഇവക്ക് കഴിവുണ്ട്, അതിനാൽ തന്നെ എല്ലാ പ്രതിസന്ധി ഘട്ടങ്ങളെയും തരണം ചെയ്യാൻ ഇവക്ക് കഴിയും. ആര്യവേപ്പിന്റെ ഇല വിതറി ഇവയെ അകറ്റാൻ കഴിയുമെന്നാണ് നാട്ടറിവ്.

ഇരട്ടവാലൻ Lepisma saccharina Temporal range: 300–0 Ma PreꞒ Ꞓ O S D C P T J K Pg N Late Carboniferous to സമീപസ്ഥം
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Thysanura
Family:	Lepismatidae
Genus:	Lepisma
Species:	L. saccharina
Binomial name
Lepisma saccharina Linnaeus, 1758

പുസ്തകപ്പൂച്ചി നശിപ്പിച്ച ഒരു പുസ്തകം