ആർ. വേലപ്പൻ നായർ
മലയാളത്തിലെ ആദ്യകാല നിർമ്മാതാവും സംവിധായകനും ഛായാഗ്രാഹകനും ആയിരുന്നു ആർ. വേലപ്പൻ നായർ.[1][2][3] നൃത്തങ്ങളോ, സംഭാഷണമോ ഇല്ലാത്ത മലയാളത്തിലെ ഏകചിത്രമായ ആര്യങ്കാവ് കൊള്ളസംഘം നിർമ്മിച്ചതും സംവിധാ‍നം ചെയ്തതും ചിത്രീകരിച്ചതും ഇദ്ദേഹമാണ്.[3]
ആർ. വേലപ്പൻ നായർ | |
|---|---|
 | |
| ജനനം | 29 നവംബർ 1907 |
| തൊഴിൽ | സംവിധായകൻ |
| അറിയപ്പെടുന്നത് | സ്ത്രീ, ആര്യങ്കാവ് കൊള്ളസംഘം |
ജീവചരിത്രം
തിരുത്തുക1907 നവംബർ 29-ന് ആലപ്പുഴയിലെ ഒരു ധനിക കുടുംബമായ കല്ലേലിൽ ജനിച്ച വേലപ്പൻ നാടകത്തോടുള്ള ഭ്രമം കൊണ്ട് വീട്ടുകാർ അറിയാതെ തമിഴ്നാട്ടിലെ ഒരു നാടകസംഘത്തിൽ ചേരുകയും തുടർന്ന് മദ്രാസ്സിൽ എത്തിപ്പെടുകയും ചെയ്തു. അവിടെ ശ്യാമള ഫിലിം സ്റ്റുഡിയോയിൽ ജോലിക്ക് കയറുകയും അവിടെനിന്നും സഹ സംവിധായകനും ക്യാമറാമാനും ആയിത്തീരുകയും ചെയ്തു. മദ്രാസ്സിലെ അനുഭവസമ്പത്തുമായി കേരളത്തിൽ തിരിച്ചെത്തിയ വേലപ്പൻ, പരമേശ്വരൻ പിള്ളയെന്ന സുഹൃത്തുമായി കൂട്ടുചേർന്ന് ഒരു മലയാളം സിനിമ പിടിക്കാൻ തീരുമാനിച്ചു. അക്കാലത്ത് തിക്കുറിശ്ശി സുകുമാരൻ നായരുടെ സ്ത്രീ എന്ന നാടകം വളരെയധികം ജനശ്രദ്ധയാകർഷിച്ച് നിൽക്കുന്ന സമയമായിരുന്നു. അങ്ങനെ, പരമേശ്വരൻ പിള്ളയുടെ നിർമ്മാണത്തിൽ 1950-ൽ സ്ത്രീ യിലൂടെ വേലപ്പന്റെ മലയാളത്തിലെ ആദ്യത്തെ സിനിമ പിറവിയെടുത്തു. സ്ത്രീയുടെ ക്യാമറാമാനും വേലപ്പൻ തന്നെയായിരുന്നു. പിന്നീട് '51-ൽ യാചകൻ, '53-ൽ ലോകനീതി, '55-ൽ കാലം മാറുന്നു, '57-ൽ മിന്നുന്നതെല്ലാം പൊന്നല്ല, '69-ൽ ആര്യങ്കാവ് കൊള്ളസംഘം എന്നീ സിനിമകൾ കൂടി വേലപ്പനിൽ നിന്നും മലയാള സിനിമക്ക് ലഭിച്ചു.[1]
അവലംബം
തിരുത്തുക- ↑ 1.0 1.1 "The man Fortune overlooked". The Hindu. Archived from the original on 2019-06-05. Retrieved 2015-01-25.
{{cite web}}: CS1 maint: bot: original URL status unknown (link) - ↑ "ആർ വേലപ്പൻ നായർ". m3db.com.
- ↑ 3.0 3.1 "ആർ. വേലപ്പൻ നായർ". malayalasangeetham.
പുറമെ നിന്നുള്ള കണ്ണികൾ
തിരുത്തുക- ഇന്റർനെറ്റ് മൂവി ഡാറ്റാബേസിൽ നിന്ന് ആർ. വേലപ്പൻ നായർ
- മലയാള സിനിമ നവതിയിലേക്ക് Archived 2019-06-05 at the Wayback Machine.
|
ചലച്ചിത്രസം‌വിധായകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |