ആർട്ടാബോട്രിസ് സഹ്യാദ്രിക്കസ്

പശ്ചിമഘട്ടത്തിലെ മലനിരകളിൽനിന്നും കണ്ടെത്തിയ പുതിയ ഒരിനം സസ്യമാണ് ആർട്ടാബോട്രിസ് സഹ്യാദ്രിക്കസ്. (ശാസ്ത്രീയനാമം: Artabotrys sahyadricus). പശ്ചിമഘട്ട മലനിരയിൽപ്പെട്ട അഗസ്ത്യമല, പൂയംകുട്ടി, കക്കയം എന്നിവിടങ്ങളിലെ വനാന്തർഭാഗത്തുനിന്നാണ് ഈ ഇനത്തെകണ്ടെത്തിയത്. അനോനേസീ സസ്യകുടുംബത്തിലെ മനോരഞ്ജിനി എന്നപേരിൽ അറിയപ്പെടുന്ന ആർട്ടാബോട്രിസ് (Artabtorys) ജനുസ്സിലാണ് ഇത് ഉൾപ്പെടുന്നത്. നീണ്ട മഞ്ഞനിറമുള്ള പൂക്കൾ ഇതിന്റെ സവിശേഷതയാണ്.

Artabotrys sahyadricus
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Tracheophyta
Class:	Magnoliopsida
Order:	Magnoliales
Family:	Annonaceae
Genus:	Artabotrys
Species:	A sahyadricus
Binomial name
Artabotrys sahyadricus

കോട്ടയ്ക്കൽ ആര്യവൈദ്യശാലയുടെ ഔഷധസസ്യഗവേഷണകേന്ദ്രത്തിലെ സീനിയർ സയന്റിസ്റ്റായ ഡോ. കെ.എം. പ്രഭുകുമാറിന്റെയും ഡയറക്ടർ ഡോ. ഇന്ദിരാബാലചന്ദ്രന്റെയും നേതൃത്വത്തിലുള്ള ഗവേഷകസംഘമാണ് ഈ സസ്യത്തെ കണ്ടെത്തിയത്.