ആസ്പിൻവാൾ ഹൗസ്

1867-ൽ ഇംഗ്ലീഷുകാരുടെ വാസ്തുശില്പ ശൈലിയിൽ കൊച്ചി തീരത്തു നിർമിച്ച കെട്ടിടമാണ് ആസ്പിൻവാൾ ഹൗസ്^[1]. സുഗന്ധ വ്യഞ്ജനങ്ങളുടെയും തേയില, റബ്ബർ എന്നിവയുടെ കയറ്റുമതി നടത്തിയിരുന്ന ആസ്പിൻവാൾ കമ്പനിയുടെ കൊച്ചി ആസ്ഥാനമായിരുന്നിവിടം. നിരവധി ഓഫീസ് കെട്ടിടങ്ങളും പണ്ടകശാലകളും ഒരു ബംഗ്ലാവും ഇവിടുണ്ട്. കേരളത്തിൽ നിന്ന് കയറും സുഗന്ധ വ്യഞ്ജനങ്ങളുമെല്ലാം കയറ്റുമതി ചെയ്തിരുന്ന കമ്പനിയുടെ ഓഫീസും കപ്പൽത്തുറയും ലബോറട്ടറിയും ഗോഡൗണുമെല്ലാമായിരുന്നു ഇവിടം. 2012 ലെയും 2014 ലെയും 2016 ലെയും കൊച്ചി-മുസിരിസ് ബിനാലെകളുടെ മുഖ്യ വേദിയാണ് ഇത്.